Accueil
Envoyer à un ami
Version imprimable
Partager

Fatevi piacè è sopr'à tuttu fate un rigalu chì ùn si pò sminticà

Una sucetà prupone pilicce di microbi. Quist'annu, rigalate Ebola, u Sida, l'anthrax, un staphylocoque o a leishmaniose...



Fatevi piacè è sopr'à tuttu fate un rigalu chì ùn si pò sminticà
Quist'annu s'è vo vulete favvi rimarcà pè a vostra originalità è à u listessu tempu vulete fà ecunumie, A Piazzetta hà trovu a soluzione pè voi !

Dipoi à qualchì tempu a cumpagnia americana Giant Microbes s'hè fatta cunnosce pè u so bon gustu è prupunendu una cullezzione impressiunante di ghjochi è persunaghji pilosi (una piliccia, « peluche ») chì riprisentanu malatie, germi, microbi di tutti i tippi.

Innò , ùn sunniate micca : qualchissia hà avutu st'idea pè fassi qualchì soldu !! Allora, a versione ufficiale hè chì sta cullezzione hè stata fatta cume supportu pedagogicu è ogettu d'amparera pè i zitelli !

Eccu dunque chì ci prisentanu assai patulugie, microbi ingrandati un milione di volte, nant'à varii tem i:
- a salute (l'influenza, u male in corpu, mal di gola, mal d'arechja, a tosse...)
- e malatie (gattivu alitu, malatia di u basgiu, l'ulcera, a bolla d'acnea...)
- l'esotichi (a vita nant'à marzu, a penicillina, l'influenza acellaghja, l'influenza purcina...)
- l'epidemie (a pesta nera, l'ebola, a malatia di a vaccascema, l'antrassu, a malatia manghjatrice di carne...)
- e creature (l'accarianu, a cìmice di lettu, u pidochju, a puce, a furmicula nera, a furmicula rossa...)
- l'acquatichi (l'alghe, a marea rossa, l'amibi...)
- e veneriane (a syphilis, l'herpès, a clamidiosi, u sidà ! …)
- l'alimentarii (a salmonella, a carie, u caghjatu...)
- i curpurali (u globulu rossu o biancu, u neuronu, u sperma...)
- l'aeriani (a zinzala, a mosca...)
- malatie d'animali (a gale, a rabbia...)
- l'ambulanti (a malatia di Lyme...)
- i tropicali (a malaria, a gangrena, a malatia di u sonnu...)
- i cumuni (a varicella, a pneumonia, u « staphylocoque »...)

Un bell'assaghju di ciò ch'ellu si pò truvà nant'à u situ !

Allora ? Ch'aspittate ? Pensate à u vostru ciucciu in traccia d'accarizzà u viru di l'Ebola, anannà a Syphilis, o mette à lettu a so H1N1.

Cusì , dinù, a prossima volta chì li dicerete «  Lavati e mani o t'hai da piglià a grippa H1N1 ! » u vostru figliolu ùn la ferà sperendu, bramendu d'avè un ghjoculu !

Quandu u vostru nipote senterà ch'è vo avete chjappatu una Chlamydia (perchè andate à favvi sbatte da tutti quelli chì passanu) , puderà cuntalu cùn gioia à tutta a scola.

À l'adulti avà. St'idea vi pò serve cumu rigalu.
A matina di natale, sottu à l'alburu, a vostra moglia vi pò fà una bella revelazione :
« Tè, 'mo core, pè ditti chì avà, ancu tù ai a Syphillis ».
Pò esse dinù un bellu missaghju pè spiegà à a vostra nora ch'ella hà l'alitu chì puzza.
Dite à l'amante di u vostru maritu ch'è vo sapete rigalanduli una bona cacarella.
Spiegate à a vostra vicina ch'ella hè troppu curiosa, rigalanduli una piliccia di bolla d'acnea.
Un splendidu neuronu à a vostra amica capellibionda.
Mandate u vostru Antrassu per via d'un ghjoculu, piuttostu chè ind'una lettera.
Puderete rigalà un pidochju à u peghju nemicu di u vostru cuginettu in scola.


u 22 di Dicembre 2010
Boemiana



1.mandatu da U Palatinu u 22/12/2010 14:28
Aldilà di u latu "dubbitosu" di l'iniziativa, è u fattu ch'elli mi parenu assai stranii, vi possu assicurà, per avèlle tutte viste grazie à voi, chì ste simpatiche piliccie ùn s'assumiglianu ch'e pocu à e cose ch'elle devenu riprisentà.
Fora di dui o trè chì m'anu agradabilmente surpresi, ùn s'assumiglianu ch'e pocu, è per a maiorità, manc'appena.
A malaria, l'influenza, u sidà, è ancu d'altri ùn anu simpliciamente nunda à vede.

Ma, devu ricunosce ch'e ste piliccie anu una faccia simpatica !

2.mandatu da TAZZACARNE u 22/12/2010 14:45
à quandu e pilicce di i mostri corsi : paul natali, battini, zuccarelli, charles pieri....

3.mandatu da Le duc de Pie-Chatel u 23/12/2010 12:29
Ohimé, a faccia à a donna annant'à a figureta !!

4.mandatu da lunachjara u 23/12/2010 16:53
Eiu dicu chì l'ebola pare... dimula franca : una merda!
U ghjornu chì qualchissia m'offre un'affare cusì li facciu manghjà! È què ancu s'ella hè una malatia murtale!

5.mandatu da U Palatinu u 23/12/2010 18:03
Di tutte manere, s'assumiglianu cusì pocu à vere ripruduzzione di st'essari, allora...
Cunoscu appena ste "bestie", è vi possu assicurà chì a sumiglianza ùn hè ch'è approssimativa !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta