Accueil
Envoyer à un ami
Version imprimable
Partager

Femula finita cù u Beaujolais !

Quandu ci vole à beie, tutte e scuse sò bone. Ma s'è vo vulete veramente intussicavvi cù a vinaccia, almenu cunsumate rubbaccia nustrale !



Femula finita cù u Beaujolais !
Attenzione ! Ghjovi sera, i mittomani chì volenu fà i spezialisti di vinu sò di surtita.

Avete da sentele tutte : "hà un gustu d'accianella"... "nò, quessu sente a fràgula"... "eiu sentu un gustu di mela, di pera è d'aranciu"...

Hè vera chì uva ci n'hè pocu in u Beaujolais. Tutti sti prufumi ch'è vo pensate sente sò quelli di u plàsticu è di i prudutti chìmichi.

Ma tutti i caffè di Corsica facenu e so "serate Beaujolais" allora ci vole à pruvà di fà u so interessante à u comptoir.

In fatti, nimu a dicerà, ma tuttu stu cumbugliu ùn hè ch'è una scusa per sorte, per beie, è per vultà in casa cù a so scimia nant'à e spalle : "capisci, m'anu furzatu à beie, c'era u Beaujolais..."

Tamanta scusa ! Tuttu què per ùn avè à dì ch'è vo vuliate pigliavvine una sta sera...

Allora, s'ellu ci vole veramente à sorte, almenu fate a resistenza. Ùn fate micca cum'è l'altri, biite vinaccia corsa !

u 18 di Nuvembre 2010
U Sgaiuffu



1.mandatu da estrimei u 18/11/2010 07:10
" Ùn fate micca cum'è l'altri, biite vinaccia corsa ! "
ma secondu u so prezzu , un he micca fatta per tutti

2.mandatu da ghjuvan michele aulas assinu u 18/11/2010 10:59
Sopr'à tuttu chì u beaujolais hè robba ch'elli beienu tutti i "beaufs" di francia, allora nanzu à stammi à l'acqua (serà dura), chè di mettemi à nivellu di 'ssa ghjente ( ùn sò s'ellu si pò parla di ghjente, diceremu 'ssa robba) custì

3.mandatu da pinzuttu scalcitadonne u 18/11/2010 12:00
Intesu in R.T.L eri :
"le beaujolais cette année sent la fraise, la banane, le cassis et la poire ; si il avait senti en plus le concombre celà m'aurait fait mes 5 fruits et légumes du jour....°
per me, sta sera, beieraghu Piétra cu lonzu et altre carne nustrale

4.mandatu da Babbo u 18/11/2010 12:37
Biite micca, hè ancu megliu!
Panza è nasu rossu pè i gaulois!

5.mandatu da Cugnome u 18/11/2010 16:05
Ha ragio estrimei, ancu a vinaccia corsa he troppu cara ! Noi vulemu rubbaccia nustrale a bon pattu !!!

Evviva a cuvée du barbu e i "cubis" d'alalia

6.mandatu da renusinca u 18/11/2010 16:44
eiu a dicu altu è forte! vogliu solu sorte :p ( è u goffujolais ùn ne beiu micca)

7.mandatu da anto u 18/11/2010 16:56
In du i tempi anziani quelli chi beianu a vianaccia éranu i briaconi !Oghje tempu un si sa chi fa pè esse in du u ventu ,a droga ,a coke e u vinu so i passa tempu favuriti di parechji giovani .

8.mandatu da appinzapalu u 18/11/2010 17:18
SCIMIA SI

BEAUFJOLAIS NÒ !!!

9.mandatu da Ali gator u 18/11/2010 17:32
Un vinu si !! mà vinu hallal !!

10.mandatu da traduzziorariu scemu u 18/11/2010 17:37
u "Beaujolais" hè mortu, evviva à u bellu ghjolesu !

11.mandatu da Zeruffu u 18/11/2010 18:52
Mi vene l'angoscia : e se a serata di u Beaujolais servava a finanzia u PCF e tuttu l'amichi di u nostru Bucchini ?

12.mandatu da per ride u 18/11/2010 19:17
Eiu sò anni è anni ch'e beiu U VINU NOVU nustrale. Hè bellu menu caru (2,50 à 3€) cà u Beaujolais è mi piace di parfumu è di gustu. A sera cù a suppa è un pezzu di casgiu fresu m'accunsente assai.
Eppuru ùn sò ne spezialistu nè (par avà) briacone.
Avà ch'ellu ùn sia un vinu di sottu scala, quessa hè capita, ma ùn dà mancu a pena in capu.

À a salute !!!

13.mandatu da mighé ghjuvan u 18/11/2010 19:19
peddiu pa u beaujolais sta sera biite un colpa per me a me salute anche roba nustrale

14.mandatu da per ride u 18/11/2010 19:31
FRESCU è micca fresu, a dicu subitu prima di pigliammi a piulata da ELVIZIU.

15.mandatu da wine house u 19/11/2010 22:35
U "Francisume" cresce tutt'i ghjorni in corsica nostra..... a prussima Gay-Pride, u

prussimu ramadan, participeremu ancu noi altri corsi.. e pè Thanks Giving dino??

16.mandatu da Ornano u 21/11/2010 17:36
A più bella scruccuneria hè di fà crede chi senza a corsica a francia puderebbi campà indipendante è ricca...

17.mandatu da Massimiliano u 23/11/2010 18:43
Questo sito è bellissimo! Vi leggo dalla Sardegna e mi fa piacere leggere i vostri commenti. Siete molto simpatici!

Viva il vino nustrale!

Novu cumentu :