Ghjennaghju sente a depressione

U blue monday, cunniscite ?

Natale hè passatu, ùn ci hè più soldi pè fà i saldi, a mutivazione si n'hè andata, aghjustemuci u fretu è l'assenza di sole è ci semu.

U terzu luni di ghjennaghju hè cunsideratu cum'è u peghju ghjornu di l'annu.

Bon, i giurnalisti si sò avvisti chì in fatti era una invenzione marketing d'una cumpagnia pè vende viaghji à u sole... Ma hè vera chì pochi sò à esse felici di sti tempi.

Dunque, s'è vo site in depressione, ùn v'inchietate, hè normale ! Ùn ci hè ch'è da aspettà ch'ellu passi, hè solu una stundaccia da passà.

Invece, per certi, ci hè veramente di chè inchietassi :

Cunsiglieri di l'ombra è pulitichi chì anu u ghjudice Duchaine appressu, naziunalisti chì ùn ci la facenu à adduniscesi, diritta à paghjolu, sucialisti chì si sterpanu... Per elli tutti, forse serà appena più longa a depressione.