Hè mortu l'ultimu cougar

Bon, si tratta di l'animale, micca di a donna cugara chì ella si porta bè.

U serviziu americanu di a caccia è di a pesca (US Fish and Wildlife Service) hà annunziatu a trista nutizia à u principiu di stu mese : u cougar americanu (chjamatu dinù puma) hè smaritu di u nostru pianeta.

Finita. Mai più.

Imaginate ciò ch'elli sò stati l'ultimi anni di stu pòveru felinu, solu solu, à girandulà cum'è un disgraziatu in u disertu di l'Est di i Stati Uniti, in brama di truvà un cumpagnu o qualcosa chì s'assumiglia à a so razza...

A nutizia hè stata annunziata da un banale cumunicatu di stampa.

Soca serà dinù cusì, quandu si serà spentu l'ultimu corsu di u mondu. Cù un cummunicatu di l'AFP, è in l'indifferenza generale...