Accueil
Envoyer à un ami
Version imprimable
Partager

I più grandi cunsumatori di Francia sò Corsi

Dopu à u più grande Quick d'Auropa, eccu u più grande Hyper U di Francia... in Bastia. Ùn ci saria micca un prublema cù a cunsumazione in Corsica, nò ?



I più grandi cunsumatori di Francia sò Corsi
Aviamu digià unu di i più grandi Quick d'Auropa (dixit u so direttore in Corse-Matin), eccu ch'è no averemu unu di i più grandi Hyper U di Francia (Corse-Matin di u 1u ferraghju).

Si l'infurmazione pò fà surride in un primu tempu (è quale semu ?) ci hè da veru da inchietassi in un segondu tempu. Ma perchè tanta cunsumazione, nant'à un territoriu cusì chjucu è cun cusì poca ghjente. L'articulu di u cutitianu ci dà qualchì pista di riflessione. Anàlisi d'un sìmbulu di u cambiamentu di a Corsica...

Primu puntu : a fine di u ligame suciale

Eccu ciò ch'ellu dice l'articulu : Il y aura des innovations qui n'existent nulle part ailleurs dans le même domaine. « (...) Avec le drive U, les clients passeront commande sur la plateforme internet. Ils choisiront tout ce dont ils ont besoin. Ensuite, il leur suffira de venir en voiture récupérer leurs courses qui seront prêtes à être emportées. »

Finitu i cuntatti umani è e casce. Ferete e vostre spese nant'à u web è un muzzu i vi purterà direttamente ind'a vostra vittura. A desumanizazione hè tutale, ùn averete mancu più bisognu di parlà.

Segondu puntu : una Corsica in cartone

Cuntinuvemu. S'ampara dinù chì : « Nous allons reproduire un quartier du Vieux Bastia. Pour le moment je ne peux pas vous en dire davantage, nous n'avons pas encore arrêté notre choix. »

Pè i nostri cunsumatori di u circondu bastiacciu, ùn ci serà mancu più bisognu d'andà à vede u "veru Bastia" (chì si trova à 5 minuti in vittura) postu ch'è no averemu un decoru d'un "falsu Bastia" in cartone. Prussima tappa : a ricustituzione di scene di "veri Corsi" ghjucati da attori ? Franchemu un passu suplementariu versu a "museificazione" di u populu corsu".

Terzu puntu : cunsumà à buzeffu

U peghju hè da vene : « Nous avons un terrain de 12 000 mètres carrés que nous comptons bien exploiter. Nous voulons y implanter deux nouvelles enseignes et un immeuble de bureaux. Cette zone va particulièrement se développer puisque plus de 1 300 logements sont déjà en cours de construction sur tout le secteur et d'autres programmes immobiliers sont à l'étude. Tout cet ensemble constituera une fois terminée la plus grande zone commerciale de Bastia. Mais notre futur Hyper U est déjà la plus importante grande surface sur la commune. »

L'accunciamentu di u territoriu si face dunque cusì : prima un centru cummerciale, è dopu i casamenti à l'ingiru. Sò e putenze finanzarie chì accuncianu u spaziu : ghjunghjenu masse di ghjente chì si fissanu in lochi induv’elli ùn si muveranu più, perchè chì averanu tuttu sopr’à locu.

Cunclusione : Generazione cunsumazione

Pè riassume, eccu l'esempiu di ciò chì certi chjamanu "sviluppu" ma ch'è no puderiamu chjamà "disastru". Disastru culturale, suciale è identitariu. U prugettu maiò hè a cunsumazione. Si custruiscenu lochi novi, senza identità, senza storia, senza radighe. I cunsumatori trovanu tuttu sopr'à locu (veri decori è falsi Corsi). Lochi di scambii, di cultura, di suciabilità ùn ci n'hè, tuttu u mondu stà chjosu in u so "lotissement" è ùn vale a pena d'andà à imbulighjassi.

Di tutte e manere hè ciò ch'elli aspettanu i ghjunghjiticci di u "boom demugràficu" chì a Corsica cunnosce (4000 persone à l'annu, chì si stallanu per a maiò parte in u peri-urbanu).

Cumu sta ghjente, in u so mondu di cunsumazione (lotissement-supermarché-télé) tagliata da u mondu, tagliata da a Corsica averà da integrassi ?

"Une dynastie est en marche", cunclude l'articulu. U giurnalistu di Corse-Matin hà riassuntu in qualchì linea i danni di i cambiamenti maiò di a nostra sucetà. Sempre di più cunsumazione, sempre di più individualisimu, per una pupulazione chì vene à stallassi in Corsica ma induve ùn ci serà più Corsi, più scambii. Li basta u sole, u Super U è u lotissement. Semu in traccia di custruisce a gabbia induv'elli anu da metteci, è ne semu cuntenti...


I più grandi cunsumatori di Francia sò Corsi

u 18 di Farraghju 2011
Plasticu Bertrand



1.mandatu da Viaghju u 18/02/2011 00:55
A Dumenica ind'è La Foire Fouille & Eurobazar, E QUALE SIMU !!!

2.mandatu da sonnu u 18/02/2011 02:12
Ancu Corse Matin po soffre di tutti sti cambiamenti (individualisimu), a ghjente và à ghjità un ochjiu nantu à Internet u pocu ch'ellu si po vede di l'articuli é u restu si ne impipa.
Di i morti, di tuttù ciò chi c'hè scritti d'altru si ne passanu.
Invece noi i corsi di stinti ci appiccighemu a spesa di 1 euro à 1euro 60 u ghjornu !
Simu militanti culturale per a difesa di u nostri giurnale corsu !

3.mandatu da Cagarella u 18/02/2011 12:50
Si po riassume in qualche parolla. A mundializazione si sparghje, a Corsica cume altri "chjuci" loci he toccata di piu in piu, cu u solu valore : i soldi. Tuttu u restu un so ch'e cunsequenze.

4.mandatu da Vomitu u 18/02/2011 17:33
Eccu avete dettu tuttu simu piu pe i fondi che pe e cime , quessa si chjama a fine.

5.mandatu da MARCUCCIU u 18/02/2011 18:36
é cusi i nostri paesi di muntagne si biotanu.i cumerci chiudenu i vecchi morenu,i giovani si né vanu in francia a circà travagliu. I Pocchi chi annu qualchi soldi si stallanu vicinu a si grande magazzini,o compranu da a lugiassi vicinu.E cusi va a vita in Corsica.Cume dice a canzzona??Qui fà, qui ci si po fà,????

6.mandatu da Terra Nova.. u 18/02/2011 20:45
E I cumerciate independanti di u centru-cità hanu dà smarisce pocu à pocu...

7.mandatu da Terra Nova.. u 18/02/2011 20:46
* cumercianti

8.mandatu da ANTO u 19/02/2011 14:37
Pensu ch'ell'ha da finisce ancu què quadu u suldacciu venera piu scarsu ,cio chi si pruducera fra pocu tempu .

9.mandatu da Amnesia20 u 01/03/2011 23:29
Un sara micca u piu grande Hyper U di francia. U piu grande di francia si trova in normandia in le grand quevilly è face 11500m². bastia sulamente 6000m². corse matin scrittu tante cunnerie è tutti ghornu ! ! !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta