Accueil
Envoyer à un ami
Version imprimable
Partager

I vini corsi sò tutti boni ! (o micca)



I vini corsi sò tutti boni ! (o micca)
Avà chì ghjunghje infine l'estate è ch'elli sò i primi calori, ripiglianu i rituali di l'apperitivu. Da Macinaghju à Bunifaziu, da a Cinarca à a Castagniccia, e terrazze di i caffè più o menu « brancati » s'empienu di nuvellu a sera venuta.

Ch'elli sianu funziunarii, ritirati, pinzuti, «chauffeurs-livreurs », cougars, prufessiunali di u poker, « Peoples » più o menu cunnisciuti, o simplici ghjucatori di u Skeubeu, tutti s'adduniscenu à l'ora di l'apperitivu pè beiesi un colpu in cumpagnia di i so amichi.

Ma dipoi qualchì annu sò finite e pastizzate ! Cume a cuntrata hè stata rimpiazzata da u poker, in li nostri lochi, Casà o Cinquant'unu sò stati rimpiazzati da u « Rosé ». Oghje l'apperitivistu ùn dumanda più una Moresca mà un Gris, o s'ellu hè cunniscitore di i vinu nustrali, dumanderà piuttostu un Tzaparal Castède, un Fioumichicol, o un Landru.

Mà d'induve venenu e riputazione di i nostri vini ?

Daretu à sti nomi chì tuttu ognunu cunnosce ind'è noi, si piattanu difatti denuminazione più o menu chjare è più o menu cunnisciute, segondu a lucalisazione di e vigne, e famose A.O.C...

Tutti l'anni, dopu à u Salon de l'agriculture, piovenu e medaglie nant'à i nostri vini. Etichette nove fiuriscenu nant'à e buttiglie è ognunu pò vede chì quessu hà a so medaglia d'oru, quill'altru quella d'argentu o di bronzu.

L'omu Corsu si dicerà, videndu quessa chì i nostri vini sò veramente bunissimi. Postu ch'elli si piglianu tutti l'anni tantu medaglie in Parigi, di pettu à altri vini più cunnisciuti cume Bordeaux, Côtes du Rhône o altri.

Di siguru à u mumentu di pagà ognunu si dicerà ch'ellu hè nurmale di fassi bastunà di pettu à tanta qualità è premi. Pagherà u so nettaru di i Dei quantu u so ultimu telefuninu, senza cuntestà.

Ma un ghjornu, circhendu à capisce tuttu st'imbrogliu di medaglie, omu si renderà contu chì stu famosu cuncorsu dà i so premii rughjone pè rughjone, culore pè culore... Chì, di produttori , ci n'hè pochi per ogni AOC (in l'AOC Portovèke, per esempiu, sò 4 !)... Chì ùn anu medaglie che quelli chì si prinsentanu... Chì d'altri cuncorsi o guide ricunisciuti (Vinalies, Hachette...) lascianu « cacahuètes » pè i vini corsi.

Allora francamente, fate piuttostu cume a maiò parte di e ghjente, ùn circate à capisce, prufittate di sta bella serata stivale, di sta bona buttiglia di vinu frescu incù i vostri amichi è....

À A SALUTE !

I vini corsi sò tutti boni ! (o micca)

u 1mu di Lugliu 2010
U Cignale



1.mandatu da per ride u 02/07/2010 00:09
ùn la sò s'è st'articulu trè quartu seriu unquartu macagna hà da piace à tutti.

Intantu intantu a li pruvate cù a capacità di i corsi à suppurtà a critica.

durarà ciò ch'ella durarà... "sinu à quantu iè sinu à quantu..."

Eiu vi supportu è vi sustengu.

2.mandatu da christian chjavé u 02/07/2010 00:14
iè chi so boni i vini corsi (ma micca tutti)

biite i vini di corsica!

3.mandatu da estrimei u 02/07/2010 06:48
mi pare ch'ellu si po dì chi i vini corsi so bonni ; mi pare dinnù ch'elli so troppu, troppu caru - 7€= 45 franchi !!!!!!! -(ma i vini strangeri un so micca a bon pattu !)
pe e meaglie, so ch'ellu dice U Cignale he piu che ghjustu : attenti chi u mondu di u vinu, ha a passione di a pratica , di so ch'elli chjammanu , i" lobbies " .

4.mandatu da ARC u 02/07/2010 10:43
U Vinu rossu (è u corsu in particulare) hè bonu pè a salute,ci hè nentru u "Resveratrol" chi ghjè indicatu indè u trattamentu di l'invecchjamentu, e po ghjè dinù u Sangue di u Nostru Signore ( Pè quelli chi ùn so ancu "Sfrancisati")

5.mandatu da GWM u 02/07/2010 11:28
un apperitivu salcicciolu - vinaccia ?

6.mandatu da YLP u 02/07/2010 11:33
Postu ch'é no simu indè a bienda parlemu appena di l'acque corse, chi pensà di u novu "packaging" di St Georges? o di Zilia ?prima si pudia ancu leghje duie parullucce di corsu "acqua linda di i nosci muntagni" avà un cornu à sunà ! è ùn si po mancu tene e buttiglie senza rivuccà a meta di a buttiglia !!!? FORZA CORSICA

7.mandatu da miccaèbastiaciuinnizza u 02/07/2010 13:21
"cuvée Aleria 1975" una maraviglia...

8.mandatu da polo u 02/07/2010 17:47
Ma allora " in vino veritas ", hè vera o no ?

9.mandatu da Filidatu u 02/07/2010 17:58
O ARC
s'o capiscu bè , per esse corsu, ci vole à esse cristiani?? S'omu crede indocu , si hè à colpu sicuru sfrancisatu?

10.mandatu da ARC u 02/07/2010 19:58
Bella sicura o Filidatu, a cultura ùn hè sola a lingua....ci hè dinù e tradizioni spirituale e storiche perchè esse senza fede cume i francesi d'oghje...

11.mandatu da millie u 02/07/2010 23:40
Moi qui boit du vin de chez nous depuis au moins 30 ans, j'ai eu l'occasion de "VIVRE" les allés et venus de notre vin local. J'ai pu apprécier les efforts de nos producteurs insulaires pour passer de la piquette (pour certain) à un vin noble. A voir la carte des vins insulaires avec les noms que tu lui donnes, je n'ai qu'une chose à te dire :
"je regrette ton humour décalé au nom des indigènes locaux dont je fais parti, qui ont reconnu l'avancée et l'effort fait par les producteurs de vin Corse, reconnu aujourd'hui par leur pères. " Continu à faire du jet ski et à boire du corsicacocla mon pote, et si tu en as, laisses ce poste inscrit sans l'effacer !!!!

12.mandatu da luna u 03/07/2010 00:15
Un credu chì custì hè dettu chì i vini corsi ùn sò micca boni o Millie! Cappiati appena!!
Intantu sò d'accordu cù quelli chì dicenu chì a religione face parte di a nostra cultura... pè quessa stasera a mo spiritualità hè à u so massimu, postu chì m'annegu ind'è u rosatu. A a salute!!!!!!!!!!!!

13.mandatu da mickey u 03/07/2010 03:53
millie n'a évidemment rien compris à l'article...

peccatu che tu un ai fattu u sforzu di leghje l'articulu. dice tuttu u cuntrariu di cio che tu credi...

serà cusi difficiule à capisce a nostra lingua?

14.mandatu da anto u 03/07/2010 06:40
Troppu caru ,ghjè bonu pè u "bobo" corsu chi s'hè messu a u vinu pè seguita a moda .Mi dumandu si tuttu u vinu corsu hè fattu cu l'uva corsa .!Ch'ellu un sia cume l'oliu fattu qualchi volta cu l'alive spagnole o i salami di Cote d'armor ,o puru u casgiu fattu in cu u latte d'altro . .E po un ci scurdemu di quellu chateau de Pianiccia fattu tant'anni fa cu l'acqua di Tavignanu ,u zuccheru e "les lies de vin " taliane
A BEGHJE CU MUDERAZIONE ..........

15.mandatu da filidatu u 05/07/2010 09:03
Hè vera chì n'avemu una cultura cristiana, si ritrova in u parlà in i pruverbii in e feste, ma eo mi scuserete ùn credu micca, eppuru ùn mi sentu micca francese, nè menu corsu chè voi.
Amme

16.mandatu da per ride u 05/07/2010 12:36
U corsu cristianu?
Ma vulemu ride! Bella sicura chì a nostra lingua hè impastata cù parolle è sprissione d'origine riligiosa cristiana, ma cù i detti è i pruverbii si dice tuttu ciò ch'è omu vole è po ancu u cuntrariu.

U fondu di a cultura corsa ùn hè cristiana, u cristianisimu hè u vernice, a cosa pà fà bellu, pà esse bellu pà sè stessu è po pà l'altri. Cum'è un cunfurmisimu.

Pà e pratiche riligiose (l'ochju, i mazzeri, l'invidia, e cridenze...) ne semu à un mischju d'antiche riligione è di cristianisimu.

Pà a pratica ùn vergu micca filusuffia cristiana inde a manera di fà di i corsi (parlu di a magiurità). Induva hè a misericordia? u pardonu? l'umilità? a vuluntà di puvertà?

U corsu ùn hè micca cristianu di cultura, ma d'aparenza (hè par ciò ch'elle piacenu cusì tantu e ghjesge barocche è e prucissiò).

Ma a ghjesgia ella, sarà cristiana?


17.mandatu da Filidatu u 05/07/2010 19:28
o Per ride ,
eo sò d'accunsentu cun tè , sopr'à tuttu chì durante guasi un seculu, a Corsica era musulmana, è ghjè CarluMagnu chì hè ghjuntu mandatu da u papa, per caccià i Mori è cristianisà torna l'isula.
Per u restu a chjesa serà cristiana?
A risposta hè in a to dumanda

18.mandatu da estrimei u 06/07/2010 07:51
"Ma a ghjesgia ella, sarà cristiana?"
" Induva hè a misericordia? u pardonu? l'umilità? a vuluntà di puvertà?"
u[ ?
]u

19.mandatu da ARC u 06/07/2010 15:42
O fIlidatu ghjè più una cultura che une fede oghje...E chi face di l'architettura , di l'innu naziunale di a bandera, ùn ci hè bisognu di crede pè esse cristianu, ghjustu esse...

20.mandatu da Isula rossa cità paolina u 14/07/2010 05:37
Vinu d'alzipratu

21.mandatu da estrimei u 14/07/2010 10:20
Postu ch'é no simu indè a bienda parlemu appena di l'acque corse, chi pensà di u novu "packaging" di St Georges? o di Zilia ?prima si pudia ancu leghje duie parullucce di corsu "acqua linda di i nosci muntagni" avà un cornu à sunà !
o YLP , he ghjustu so che tu dici ; postu ch'ell'he cusi , quand'ellu ci serà bisognu ,cumpreraghju a menu cara , e s'ella un he corsa , serà frencese o parmiggiana.

22.mandatu da titinu u 17/07/2010 19:03
A corsica un hè mai stata musulmana, i corsi ùn vulianu !!

23.mandatu da titinu u 17/07/2010 19:13
Cristianu a l'su corsu, croce in pettu e ceppu in manu...Cume circinellu..!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta