Accueil
Envoyer à un ami
Version imprimable
Partager

Innò, ùn era micca in Biguglia...

Ùn ci vole micca sempre à fidassi à i ritratti ch'ellu si trova nant'à internet. Corse-Matin vene di fanne a pessima sperienza...



Micca sempre faciule di truvà i boni ritratti, ancu pè i giurnalisti. Sì u net pò esse una manera strasordinaria per truvà testimonii nant'à u terrenu (cum'è sta pagina di France 3 Corse cù e cuntribuzioni di l'internauti), pò esse dinù una trappula.

Esempiu cun sta fottò d'illustrazione d'un articulu di Corse-Matin nant'à u tempurale chì hà toccu a regione di Bastia, in l'edizione di u 29 nuvembre :
Innò, ùn era micca in Biguglia...

Per disgrazia, stu ritrattu ùn hè manc'appena statu pigliatu in Corsica, ma in u Var, è in u 2010, cumu u mostra st'articulu di Le Monde :
Innò, ùn era micca in Biguglia...

Serà cusì faciule di fassi intrappulà ?

Ci vole à crede, postu chì u listessu ritrattu si ritrova nant'à parechji siti d'infurmazione... algeriani, cum'è Algerie 360.

Sì i macchettisti di Corse-Matin leghjianu A Piazzetta, l'averianu sappiuta. Noi dinù avemu utilizatu stu ritrattu, ma in a legenda l'avemu detta ch'ellu si passava in u dipartimentu di u Var...

Allora perchè stu sbagliu ? U primu à lancià l'infurmazione chì l'affare si passa in a regione di Bastia si trova nant'à Twitter. Vene da u contu parodicu (hè a moda nant'à internet, cun l'americanu The Onion o u francese Le Gorafi) di... U Gorsmatin.

Cun stu Tweet :


Ma nò, era bè quattru anni fà, à parechji chilòmetri di a Corsica...

Bon d'accordu ùn avemu nunda à dì chì pazzìe n'avemu scrittu ancu nant'à A Piazzetta. È ancu di grazia ch'è no avemu à Corse-Matin, ch'o sinnò ùn esistiamu micca.

Una ghjurnata difficiule è un "bouclage" in l'urgenza sò siguramente à l'orìgine di sta mancata. Ma attenzione o Corse-Matin ! Ùn ci vole micca sempre à crede U Gorsmatin...


Finalmente, Corse-Matin hà fattu una risposta in a so edizione di dumenica. Fair-play, hà ricunnisciutu i so torti :

Innò, ùn era micca in Biguglia...

St'articulu hè statu traduttu nant'à u situ Ampargu a lingua corsa.

u 29 di Nuvembre 2014



1.mandatu da antone u 29/11/2014 10:31
GLUPS.

2.mandatu da ossau le basco corse u 05/12/2014 17:52
c'est pourtant facile à voir, les voitures sont trop petites pour être celles de Corses, pas de Page héro ni de Caille hyéne, élémentaire mon cher Ouatesonne

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta