Accueil
Envoyer à un ami
Version imprimable
Partager

Muammar Kadhafi, corsu di Vizzani ?

In Corsica si sente spessu dì, mezu seriu, mezu ridendu, chì u veru babbu di Khadafi serebbi corsu. Ma mai nimu ùn hà inchiestatu è l'infurmazione ùn hè mai stata ripigliata da un media francese. Hè fatta, cù u situ d'infurmazione Bakchich.info... Da fidighjà !



Quantu volti s'hè intesu "t'assicuru, a m'hà detta u tale, u babbu di Kadhafi, era u corsu !"

Si tratteria d'un militare di Vizzani, Albert Preziosi, chì era in missione in Libbia durante a segonda guerra mundiale.

Si dice... Ma nisun media ùn hà mai ripresu st'infurmazione è nant'à internet quand'ellu si cerca si trova pocu affari.

Hè dunque u situ Bakchich, chì cummencia di più in più à fà parlà d'ellu innù un paisaghju giurnalisticu scuzzulatu da l'internet chì ripiglia l'infurmazione.

Fidighjate sta piccula videò messa nant'à Dailymotion... Si ne puderia riparlà innù e settimane à vene.

In Vizzani, paese d'orìgine di u cummandante Preziosi, l'edea hà l'aria di piace.

Allora, serà veramente corsu u Guidu di a Rivuluzione Libbiana ? Serà u nostru paisanu anch'ellu, "l'amicu novu" di Sarkozy ?

Ma si l'affare hè ripigliatu da i media francesi, cumu serà trattatu ? Sapendu chì Kadhafi hè pocu pupulare hè in Francia, pudemu digià imaginasci e riazzioni è l'imbuleghji trà e parolle corsu, kadhafi è terroristu...

L'infurmazione cummencia à esse ripigliata nant'à certi blog.

dinù nant'à u situ di France Info.

(da seguità...)

u 15 di Farraghju 2008
u webmaestru



1.mandatu da Petru-Anghjulu u 15/02/2008 14:57
A revoluzione, ebbe, l'avemu propiu in u sangue

2.mandatu da estrimei u 15/02/2008 20:50
si u so babbu era corsu , ha sangue corsu,he d'origine corsa ma KHADAFI 'un he micca corsu.
u so paese he a LIBIA , HE LIBIANU.
diceraghju guasi listessa cosa di Napuleone:he natu corsu, ma a sceltu a Francia e l'ha detta e ripetuta era francese.D'altronde ha vulsutu ripusà in Pariggi.

3.mandatu da GWM u 16/02/2008 00:43
allora chi fà ?

4.mandatu da SERRA u 23/02/2008 12:07
no un si po dì di napulione ch'ellu un era micca corsu cume khadafi . ancu se napulione per suddisfà e so ambizioni s'he mutatu in nemicu di a nazine corsa he fermatu corsu sinn'à l 'ultima pensava corsu e in corsu e d'altronde un ha mai ammaestratu ben a lingua francese ch'ellu mischiava à spessu di talianu . he sempre statu ingiratu di corsi e era attentu à l 'affari di a corsica ( à usu soiu e per a nostra più grande disgrazia ).in quante à khadafi so 20 anni ch'omu sente ste cunnerie piantemu un pocu a risata .

5.mandatu da U cuginu u 31/05/2008 06:26
Salute
Tù parli d'un "scoup" !
Preziosi era un parintellu di a mio famiglia è u mo caru babbone mi parlava sempre di Normandie Niemen è di sta storia.
Forse Kadhafi sarà u me cuginu africanu, ma mi ne futtu perchè ùn aghju mai vistu ne i so drumadarii ne i so soldi, è cun a CIA chì gira, ùn vogliu fà qualchi passu in Guantanomo... À me ùn mi piace l'aranciu è los mosquitos...
Vi servu u tè Signora Memona Hintermann ?

6.mandatu da U cuginu u 31/05/2008 06:50
Scusate, Guantanamo, micca Gantanomo... Guantanomo ghjè per u meru di Pariggi...

O Estrimei, è "la communauté de destin" allora ?
Kadhafi hè Corsu è bastà, l'hanu dettu l'amici di Talamoni...
Una quistione di tontu:
Hè megliu per a Corsica Pasquale Olmeta è u so cervellu, Kadhafi è li so drumadarii?
Un chinese chì tene a bandera di a testa mora ?
O Dorothy Carington, ch'ùn era micca Corsa ?


7.mandatu da U cuginu u 31/05/2008 06:52
Eh... l'amichi di Talamoni, micca l'amici....of course...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta