Accueil
Envoyer à un ami
Version imprimable
Partager

Nucleariu : ùn v'inchietate, ùn risichemu nunda

Si dice chì a catastrofa di Fukushima ùn ci tuccherà mai... ùn vi ramenta nunda ?



Nucleariu : ùn v'inchietate, ùn risichemu nunda
Fora di Dumènicu Bucchini chì hà cumplettamente craccatu è chì vole aiutà i Russii à stallassi in Corsica, per avà e radiazioni di Fukushima ùn anu toccu à nimu.

D'appressu à i spezialisti s'ellu ci hè un nulu radioattivu, ùn venerà micca sin'à ind'è noi, serà troppu luntanu. Di tutte manere s'arresterà à a fruntiera.

Ùn vi ramenta nunda ?

A catastrofa di Cernobil in 1986 hè stata una di e più grosse bugie di a storia di a Corsica (cun Flavio è Piekarski à u Sporting). È noi, baulli, ci avemu cridutu...

Bon ùn hè micca una ragione per favvi un stock di pìllule d'iodu è di cumpravvi un cuntore Geiger, ma avà forse seremu appena di più attenti è menu niscentri davant'à l'infurmazioni chì ci sò date.

u 17 di Marzu 2011
Plasticu Bertrand



1.mandatu da Urelianu u 17/03/2011 15:03
di tutti manera l'hannu da custruisce in Italia. S'ellu c'hè qualcosa seremu a u primu postu. Può dassi chi vederemu puru u "fungu" eheh

2.mandatu da ANTO u 18/03/2011 13:17
Eu un so micca oppostu a st'energia chi ghjè siguramente piu pulita chè u fiul pisante chi ghjè e chi sera in Corsica .Basta a piglia tutte e précauzioni chi ci volenu !

3.mandatu da Marcellu u 19/03/2011 15:54
Mi pare chì ancu Michel Stéphanie hè statu toccu anch'ellu dà u nulu giappanese : hè cuntentu chì i marinari CGt marsegliesi stiinu in greva quandu l'ecunumia corsa si ne more... Seranu e so radiche russie chì anu fattu di i cummunisti corsi e prime vittime di u nulu avvilinatu?

4.mandatu da estrimei u 21/03/2011 10:30
N
ucleariu : ùn v'inchietate, ùn risichemu nunda

bè! un he tantu sicura!
ci prumettenu u nullu per mercuri prussimu . he megliu a da capu : http://www.criirad.org://

5.mandatu da radiu-attivu u 21/03/2011 16:51
Un v'inchjetate chì u radiu-attivu ùn franca e fruntere...

6.mandatu da Tubisnaccu u 21/03/2011 18:38
E a Focu Cima chi seremu dino !

Novu cumentu :