Accueil
Envoyer à un ami
Version imprimable
Partager

Peghju chè l'epidemia di gastrò : u Harlem Shake

Da per tuttu hè digià trapassatu è fora di moda. Ma in Corsica, ghjunghje in forza.



Peghju chè l'epidemia di gastrò : u Harlem Shake
U mese di ferraghju 2013 hà vistu nasce l'epidemia di gastrò è quella di Harlem Shake.

Un Harlem Shake hè una piccula videò chì mostra ghjente chì ballanu n'importa cumu, nant'à un pezzu di musica electrò piuttostu angusciosu (d'un certu DJ Baauer chè no ùn ringraziemu micca).

Hè ciò chì face u buzz in u mondu sanu dapoi un mese, è saria forse ora di piantà.

A videò si passa in dui tempi. Prima si vede un omu ballà solu solu (mascheratu) à mezu à un gruppu d'altri chì facenu cumu s'elli ùn u vidianu micca. In un segondu tempu, dop'à una tagliatura, tutte e persone si mettenu à ballà di manera frenètica. Certi sò travestiti, d'altri à pelu.

In quindeci ghjorni, più di 50.000 Harlem Shake eranu in linea nant'à i siti di videò.

Per fà nece d'esse cool, ci vole à fà un Harlem Shake in a so intrapresa. Ancu una sezzione parigina di l'UMP hà fattu u soiu, per divvi...

In fatti hè un imbuleghju di Gangnam Style è di lipdub. Vale à dì orrìbile.

U 18 ferraghju, u situ Slate scrivia chì u Harlem Shake era digià "ringard".

In Corsica, parechji caffè, bars, clubs di sports anu messu a so videò nant'à Youtube.

È cum'è sempre, quandu tutti dicenu chì u Harlem Shake hè anticognu, goffu è ch'ellu ùn ghjova à nunda, induve hè ch'ellu ghjunghje in forza ?



l'11 di Marzu 2013
U Webmaestru



1.mandatu da Capicursinu rancicu u 11/03/2013 09:34
Mbeuuuuuh chì ghjè ?! Eiu ùn n'aghju mai intesu parlà

2.mandatu da L'orsu u 11/03/2013 11:00
Sò anni è anni ch'o ballu cusì...lol

3.mandatu da bip bip u 11/03/2013 11:10
Per fa i bauli, seremu sempre i primi !!! alllééééééééééééééééééééééééééééé

4.mandatu da ANTO u 11/03/2013 15:38
Hè megliu a vède què che esse ceghi !

5.mandatu da iutubbu u 11/03/2013 20:55 (da un teleffuninu)
http://m.youtube.com/index?&desktop_uri=%2F#/watch?v=8Ld20H5C4RM

6.mandatu da Lisandru u 12/03/2013 10:37
Torna una cuneria di a nostra ghjuventu. Ah la la, francisata è mondialisazione = Harlem Shake

7.mandatu da u nostru campa u 12/03/2013 22:46
Harlem shake u durera tantu stu ballu scemu, a dilla franca s'avia 20 anni pensu chi anc'eiu serebbi u veru ballatore ,so di l'épica HIP HOP.....


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta