Accueil
Envoyer à un ami
Version imprimable
Partager

Quantu avete da piglià chilò pè Natale ?

U peghju durante e feste ùn hè micca u ripastu di famiglia cù a vostra socera, i rigali goffi è l'orrore di e cummissioni di Natale, ma a panza ch'è vo avete da piglià in pocu tempu.



Quantu avete da piglià chilò pè Natale ?
Eccu di ritornu u tempu di a panza di Natale. Ùn vale a pena di fà quellu chì ùn hè micca cuncernatu, serete tutti tocchi. Almenu d'esse culpitu da una gastrò assassina.

Viderete, si ferà u contu principiu di ghjennaghju, quandu venerà u tempu di e prumesse di l'annu novu, di e bone risuluzioni, sopr'à tuttu quella di "nò ma capisci, sta volta mi mettu veramente à u sport".

Ùn v'inchietate, semu tutti passati pè custì.

Natale hè dunque u tempu di i ripasti in famiglia, di i vesperini chì ùn finiscenu più à colpi di bûches de Noël, di l'apperitivi chì a si stinzanu cun l'amichi in vacanze, di e visite ind'è i parenti chì vi forzanu à piglià quellu Mon Chéri chì vi stumaca, di tiramisù tracarchi, di salmone, di foie gras, d'òstrice, di mayonnaise, di champagnacciu, di pulendate, di figatellate, di pastizzate...

È tuttu st'imbuleghju di zùccheru, di grassu è d'alcool finiscerà direttamente in a vostra panza di Natale, cullezzione 2010/2011.

Allora, quantu chilò ? Dui, trè, cinque, dece ? Ci la ferete à fughje a tratichjina di Natale ?

Bon curagiu.

u 18 di Dicembre 2010
Plasticu Bertrand



1.mandatu da bern u 18/12/2010 19:52
Se un’ mi sbagliu , voi chi avete scrittu st’ articulu, devete esse magru !!!!

Eiu ne so oghje a 110 K… !!

Unu o cinque K di piu o di menu, ne aghju pocu primura !!

Magru o grossu, more si more ….

Tichjatevi puru pà isse festi prossimi … e bon pro.
.

Novu cumentu :