Accueil
Envoyer à un ami
Version imprimable
Partager

Ritrattu di u veru montasega

Si chjama montasega o sbaccone. Ch'ellu sia bastiacciu, aiaccinu o portivechjacciu, ch'ellu sia à l'Acapulco, à u Rex o in Via Notte, hè sempre u listessu.



CLICCATE per INGRANDÀ :

Di siguru, ogni corsu chì si rispetta si deve d'avè almenu unu di st'elementi...
Ritrattu di u veru montasega

I capelli : cuppa "staraccademizata" cun trè tone di gel.

Ray-Ban : e listesse ch'è quelle di Sarkozy, ma cumprate in Ventimiglia.

T-shirt "panza apparente" : Di preferenza cù una scrittura in inglese ch'ellu ùn capisce micca.

I musculi : techju di "muscu" à a "sala", à u montasega li piace à mustrà i so pec.

Tattuasgiu nant'à u bracciu : u montasega copia i so tattuasgi nant'à i ghjucadori di futbol. Ne riparleremu da quì à 10 anni...

Sguardu azezu : perchè l'aria antipaticu hè assai megliu per fà fughje e donne.

Chapelet : u patennostu hè purtatu di più per fà cum'è Beckham ch'è per fede religiosa, di siguru.

iPhone : per passà a serata à mandà SMS à i fratè. Eppò per u GPS dinù. Ùn si sà mai, omu pò perdesi pè i carrughji bastiacci.

U Johnnie : iè, ci n'hè chì pensanu sempre chì u Johnnie hè un whisky corsu è di qualità...

E chjave di "l'Audi à papa" : per fà u maccu u sabbatu sera, hè megliu ch'è l'antica 205.

U calzunettu chì si vede : à 60€ u slip, serà megliu ch'ellu si veca, nò ?

E paste : di siguru, a vita di sbaccone face ch'ellu ùn ferma guasi più nunda per manghjà in casa...
Ritrattu di u veru montasega

Dumenica 17 Ghjenaghju 2010
Disegnu di L'Orezzincu irlandese in Australia. Testu : Sgà



1.mandatu da Piratella u 2010-01-17 18:21

Si ricunnosce bè!

Avà u ritrattu di e closcie feminile chì li correnu impressu à stu povaru tippu chì si piglia pè un Kador? Alè, a Piazzetta, disignate a "fratè" fashion victim !

2.mandatu da Fabien u 2010-01-17 19:14
"ogni corsu chì si rispetta si deve d'avè almenu unu di st'elementi"

Manc'unu, per mè.
Avia qualchi musculi... parechji anni fà.
Per u montasega, e paste un so micca Panzani, so "bien vu" o "marque repère".
http://1000ideespourlacorse.wordpress.com/

3.mandatu da iè, we can u 2010-01-17 19:22
mancu l'iPhone per avè l'applicazione "a piazzetta" o fabien ?
http://www.corsicanova.com/La-premiere-application-iPhone-en-langue-corse_a258....

4.mandatu da Marboeuf u 2010-01-17 20:53
He bellu stu rittratu di u prossimu dischettu di u gruppu "Notte"... (basta da caccià e paste... Chi elli, manghjanu i tapas...)

5.mandatu da UBoziu u 2010-01-17 21:21
Mi rammenta à qualchissia ! Propriu cusi ! Ohimè !

6.mandatu da Cumpalliols u 2010-01-17 21:58
Ùn sò micca perchè, ma hè propiu sumigliante, è d'una certa manera, mi rassicura monda.
Certi dicenu di mè chì sò un monta sega è ancu u rè di i monta sega (incù a mio tendenza naturale à sempre parlà ch'è di mè è u mio situ ch'ùn ghjova à nunda). Incù stu ritrattu, sò infine in misura di pruvàlli u cuntrariu, à u vistu di u pocu di sumiglianza incù mè.

Grazie, quelli di a Piazzetta.
http://appuntamentu-corsu.forums-actifs.net/

7.mandatu da Tarzan di a vechja cità u 2010-01-18 08:36
Bella discrizioni di GFO rè di i montasega di u gruppu Notte, hè vera ùn magna micca pasti è annant'à l'iphone suvita à so propria vita di mugnazinzali....

8.mandatu da Fiumorbu u 2010-01-18 08:39
Avete sminticatu: fa nice di parla corsu.
Cunnoscenu una sola parolla ch'elli mettenu in ogni frasa,o frate! on sort ce soir ou o frate! sa me plaisir de te voir, ie ancu a me o figatellu . Ma u peghju ghje che i ghjovani d'oghje cercanu a assumiglia a que....

9.mandatu da ghjuvan u 2010-01-18 12:30
Què ghjè a closcia "sofisticata", ma c'hè dinù (...tanti paesi strangeri...) closcie cu mendeil,treilli o "bleu de chine" (è pensanu ch'ellu hè straciu corsu) pè stà in cità.
Ancu quessu a sempre u sguardu annerbatu,facce quellu chi falla di u paese ,u "veru corsu" mà cu tre parulle di vucabulariu "vrader" (ancu pè e femine) "babein" è "awa" ( cu u W ch'ùn esiste mancu in corsu).Que so closcie nustrale.
Mà l'amore di u "johnnie" raghjunghje ste duie closcie a u "gonToir".

10.mandatu da united colors of bande de closce u 2010-01-18 15:52
ah ah micca male, "a closcia sofisticata"...

s'ellu ci cerca bè, ci n'hè d'altri :

- a closcia culturale
- a closcia chi face a pulitica
- a closcia di u paese
- a closcia pinzuta
- a closcia bobò

ecc....

è tutte ste closce votanu pè l'elezzioni...

11.mandatu da heliofobu u 2010-01-18 21:42
Bellu riassuntu o "united colors... A vera closcia Corsa, si ricunoscie sùbitu : cuntinueghja sempre da vutà per l'elezzione !

12.mandatu da Minutugrossu u 2010-01-18 22:00
Bellissima figura di una certa parte di a ghjuventù di a corsica ( e micca sempre corsa ci vole à dila..). Sapiata bè chi u culunialisimu hè politicu, demograficu , economicu mà sopra tuttu culturalle, a peghju disfatta hè quella di l'identità oh ghjente, mà chi fà ?

13.mandatu da fiumorbu u 2010-01-19 07:06
Oh minu d'appressu a me simu fritti!!!!

14.mandatu da Minutugrossu u 2010-01-19 08:55
A vera vittoria sarà culturale, a disfatta dinù, d'altronde oh fiumorbu !

15.mandatu da fiumorbu u 2010-01-19 10:51
Cumu l'hai dettu u colonialisimu he culturale,he vera un si po nega, ma pensu quantunque che quandu ci he una brama tamanta d'esse corsu, que un si po para. Un he micca u statu francese chi m' impedisce di parla corsu ancu di piu quand'ellu ci he qualchissia chi mi risponde in francese.

16.mandatu da miccaèbastiacciuinnizza u 2010-01-19 13:44
cumplimenti à Sga e à L'Orezzincu irlandese in Australia ! chi risata !

aghju cinqui elimenti...

17.mandatu da ziu santu u 2010-02-21 19:43
d'estate u "pantacourt" incù e "tongues" pè sorte in discotecca
e và sempre in u caffè à a moda ma scambia à spessu di locu
hè una pecura di sicuru

18.mandatu da p'ti beur u 2010-03-03 14:26
Eccu l'avemu ancu noi, u nostru VENDETTA !!!!!!!

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter