Accueil
Envoyer à un ami
Version imprimable
Partager

Si chjama "Corsica" è vende a droga

Quelli chì seguitanu a bunissima seria The Good Wife (passa nant'à M6 è Téva) averanu trasaltatu quand'elli anu intesu u nome d'unu di i persunagi di l'episodiu The Deep Web (stagione 5, episodiu 20). Quelli chì ùn a fideghjanu micca farianu megliu di mettesi.



Corsica, una rivinderola di droga in a seria "The Good Wife". Corsica fora ?
Corsica, una rivinderola di droga in a seria "The Good Wife". Corsica fora ?
Prima, ch'è no vi contimu cumu si passa (ma micca spoilers, prumessa) :

Lockhart & Gardner - u cabinettu d'avucati di a seria - deve difende à Robbie, un studiente accusatu di travaglià pè Silk Road (un situ di u Deep Web induve si vendenu arme, droga è servizii di mercenarii) (Innò, ùn si sà s'ellu esiste in veru) (Innò, ùn vi deremu micca l'indirizzu).

Un testimone hà assiguratu à u procuratore chì Robbie travagliava per elli. È stu testimone si chjama Corsica. Face u deale di cannabis, è ùn hà nunda à dì. (V'aspettavate veramente à un'avucata onnesta è simpatica ? Siate puru felici ch'ella ùn sia maffiosa).

Ùn si sà sì stu nome hè statu sceltu da un scenaristu americanu venutu in vacanze ind'è noi l'estate passata, un scenaristu corsu in esiliu à i Stati Uniti o un abitante di Corsica, South Dakota, ma ci trica di vede à Portovèk in 24 heures chrono o Napoleona in House of Cards.

Ùn hà nunda à dì. Normale, nò ?
Ùn hà nunda à dì. Normale, nò ?

u 7 di Maghju 2014
Laura



1.mandatu da sardu u 07/05/2014 10:43 (da un teleffuninu)
????? Ma dai chi fantasia....

2.mandatu da Pititu u 07/05/2014 11:52
Circate sempre u mignoculu ?!

3.mandatu da domirossi u 07/05/2014 13:53
Silk Road esistava, mà hè statu chjosu da u FBI.

4.mandatu da domirossi u 07/05/2014 13:53
Silk Road esistava, mà hè statu chjosu da u FBI.

5.mandatu da laredoute u 07/05/2014 16:28
e pensanu tutte, ancu a redoute prupone sciogne pè cuscini cù a testa mora!!! il y a vraiment 2 mondes : i corsi è quelli chi volenu esse corsi

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta