Accueil
Envoyer à un ami
Version imprimable
Partager

Tù dinù, arrubati un pezzu di patrimoniu corsu

Puderia esse una magagna, ma nò. A statua di San Petru in cima di u San Petrone hè stata arrubata.



Tù dinù, arrubati un pezzu di patrimoniu corsu
U monte San Petrone hè appena a muntagna sacra di l'abitanti di a Castagniccia, ch'elli sianu pagani o cristiani. A muntagna hà ancu a so pagina di fans nant'à Facebook. In cima si pò vede unu di i più belli panorama nant'à e muntagne di Corsica, da u Cintu à l'Alcùdina.

Ma ùn sò i bàrbari chì mancanu, ch'elli sianu Corsi o fresteri.

Ci sò dunque intelligentoni chì ùn anu micca esitatu à cummette un sacrilegiu, peghju chè l'affare Limelette : si sò arrubati a piccula statua di San Petru chì era in cima. Era stata fatta una trentina d'anni fà da artigiani di A Rocca Suprana, paisolu di Merusaglia.

Simbòlicu di i tempi d'oghje, l'affare si passa di cummenti.

Allora postu chì e parolle di cumunu, di patrimoniu, di memoria ùn volenu più dì nunda, ancu voi, arrubatevi puru un pezzu di patrimoniu corsu. Pigliatevi una stàntara di Filitosa o di Cucuruzzu, un pezzu di chjesa pisana di a Canònica o di San Mighele di Muratu, u guadru di u museu Fesch è vendite tuttu nant'à eBay.

O mettiteli in giardinu, ça fait bien à coté de la piscine pour la soirée barbeuk avec les voisins.

S'induvinanu e discussioni : "Dis-donc, il est chouette ton nain d'jardin sculpté ! Tu l'as trouvé où ? A Eurobazar ?"

Tù dinù, arrubati un pezzu di patrimoniu corsu


u 20 di Maghju 2012
U Sgaiuffu



1.mandatu da Luna chjara u 20/05/2012 19:04
Hè tremendu.. ma mi scuserete questi fatti, d'arrubà pizzatelli di storia, ùn sò micca novi in Corsica!! U fattu di cunservà in casa soia hè quasi diventata un'abitudine... ùn mettimu micca in valore u patrimoniu, u ci pigliemu in casa!
Menu male ùn simu micca tutti cusì... ma parechji affari o sò da particulari o cumu fù u casu qualchì annu fà...à vende nant'à u mercatu di Bastia!!!

2.mandatu da Petru mazzulincu u 20/05/2012 19:19
U peghju e chi s'ella casca, e capace à esse un corsu, e micca un pumataghju! Ch'ellu li fali u tonu!!

3.mandatu da pazzurgu u 20/05/2012 19:21
fatti onore à ripiglià stu pezzu di la to storia è lampà fora stu ladru à la manu troppa ardita !

4.mandatu da Populu sumerone! u 20/05/2012 19:30
Era bellu simpaticu stu San Petrone ! Centu volte piu bellu chi ste cruciacce de beton o di ferraglia inficate in punta a e nostre belle muntagne.
Avà arresta a sapè quale sara stu manghja m... chi si l'ha chjappu

5.mandatu da Figatellu appesu u 20/05/2012 19:48
Bravu Pazzurgu !

Magnifica canzona di GP Poletti

6.mandatu da Saul Pilvani u 20/05/2012 19:50
Eiu, aghju arrubatu un libru di Paul Sivani...Ma micca par leghjalu!

7.mandatu da Ghjacaracciu u 20/05/2012 20:18
Senza razza e senza ceppu ...

8.mandatu da ANTO u 20/05/2012 21:59
E UN NE SIMU CH'A U PRINCIPIU !

9.mandatu da youpi u 20/05/2012 22:14
Saremu sempre obligati di mette a causa di e nostre debulezze nant'à mudernità è a smarrita di e valore. So fantasmi. Un credu micca in lu passeismu.

10.mandatu da Hansu u 20/05/2012 22:44 (da un teleffuninu)
Forse o Youpi... Un era micca sempre megliu nanzu. Ma vedi bè in giru à tè chi e cose ùn s'ameglioreghjanu micca...

11.mandatu da henry smart u 20/05/2012 23:25
Puttana Gobba !!!!!

12.mandatu da un amicu u 21/05/2012 06:29
pochi gjhiorni fa, aghiu intesu un cundanna di l'attentati nanta rcfm.mi so dettu,deve esse u procuratore alzeari .sbagliu ,ghjera simeoni dettu gillou .nisuna differenza tra u procuratore e u naziunalismu dettu moderatu o sviattu!!

13.mandatu da Scortu u 21/05/2012 09:42
Pudemu ancu arrubà e bone idee di l'altri, mà ci vuleria fore un altra mentalità che quella d'oghje in Corsica : (mi scuserete per l'articulu scrittu in francese) :

En Espagne, il y a une petite ville anticapitaliste qui résiste à l’idéologie dominante, cette ville c’est Marinaleda ! Dans la campagne Andalouse des environs de Séville, ses 2700 habitants appliquent le droit au logement, au travail, à la santé et à l’éducation.

Cette aventure particulière commence en 1979 par une victoire aux élections du Collectif Unitaire Des Travailleurs. Après de nombreuses luttes, les habitants parviennent à exproprier une partie des terres agricoles en friche, afin de disposer de leurs outils de travail. Ils construisent ensuite une usine de conserve de légumes sous forme de coopérative qui ne redistribue pas les bénéfices ; ils servent à créer de l’emploi et à améliorer la vie des habitants. Dans le même temps, la ville se dote d’une chaine de télé et de radio locale pour lutter contre la propagande médiatique des groupes de pression économique qui déforment l’information.

C’est la cupidité qui a plongé le monde dans la crise, c’est le carriérisme et la professionnalisation des élus qui a éloigné les citoyens de la politique et les politiques des citoyens. A Marinaleda, le maire et ses adjoints ne touchent aucune rémunération, et s’engagent par contrat à être les derniers à percevoir un quelconque bénéfice ou avantage d’une décision prise par le conseil municipal auquel tout le monde peut assister. De toute façon, ce ne sont que des porte-paroles de la volonté générale : car, ici, tous les élus sont révocables par simple vote des habitants. Toutes les questions importantes sont soumises à la concertation et au vote populaire.

14.mandatu da GWM u 21/05/2012 09:49
A Piazzetta duveria offre una ricumpensa per qualunque infurmazione permettendu di riguarà a statua (è forse di tazzà u ladru).

15.mandatu da Grossu panzutu u 21/05/2012 10:52
Ghjè una vergogna... Ci vuleria a chjappalli e falli zappà l'orti di mezza Castaniccia pè falli pagà i so picati a sti scridenzati!!

16.mandatu da Claude E. u 21/05/2012 11:55
qualchi tempi fa in bastia ci so ghjente chi so entrati in un' a ghjesa, anu pisciatu nant'a i santi etc etc... un avemu mai truvatu ... e ci so parechji affare cusi

devemu fa una pagina di a ghjente i "most wanted" di corsica per tutti sti fatti, inc'u ricumpenza onorifica e tuttu

17.mandatu da Claude E. u 21/05/2012 12:26
o amicu si scemu gilles "il est trop bo", o "capisce un e micca u listessu che angelini", o dinu "a fattu un prucessu tremendu cu l'affare erignac, u tippu a diffesu i diritti di u populu corsu" (mi fa male di scrive va bè !!), o sinno " 'cu ellu un ci he che tippeti"

e pe compie : zuccarelli figliolu di zuccarelli, simeoni figliolu di simeoni... poveru mondu

18.mandatu da Mare nostrum u 21/05/2012 13:17
Ma chi vergogna Arrubba u nostru patrimoniu !

19.mandatu da un amicu u 21/05/2012 14:33
yvan colonna riprinsitava u populu corsu? agjhu mancatu un capitulu. gs ha dettu che u commando era vigliacu!!!

20.mandatu da Michè u 21/05/2012 19:10
Chi ci entrenu Simeoni è Colonna in quellu affare?

21.mandatu da sempre vivu u 21/05/2012 19:37
E s'ellu era l'ultimu cristianu ?? ch'a vulsutu salva a statula ,una voce a dettu piglia mi cun té n'é aghju una techja di fighja passa tutta sta ghjente ,cercu u ripose ,a pace.
O po esse un bastiacciu ch'a vulsu fa un rigalu a u ré di Corsica Hantz??
A sapé??

22.mandatu da GIACOMONI u 21/05/2012 20:41
Ci hè da crede chì s'ell'ùn la rende micca a statula 'ssa latra persona, San Petru ùn li aprerà micca e porte di u Paradisu.
Luigi G.

23.mandatu da Claude E. u 21/05/2012 20:44
nunda ghjera solu cusi...

cume a nutizia d'alta frequenza :
u culetivu parlemu corsu chi dice "un bilan qui s’avère être des plus satisfaisants"... s'ella dicenu cusi alora tuttu va bè... mi pare sente u prefettu chi fa u riassuntu di l'annata "tuttu va bè" . s'elli so cuntenti cusi cuntinuemu

24.mandatu da annie u 22/05/2012 11:10
chi scumpientu chi vergogna e di sicuru forse un e micca un pumadaghju! si cuminccia per pigliarsi una petra di muraglietta po un pezzu di pagliaghju, di fornu, e dopu a statua e ai a raggione forse e stantare nimu un rispetta piu nunda
eu aghju raccoltu una vecchja tavula di a verga di Spasimatta lampada,e una tavuletta tinta in rossu e biancu nantu un pezzu di GR 20 anzianu (chjosu)!!!chi ricordu !!! aghju riflettuddu un ora prima di pigliarli!! ava pensu che sarrebbe statu megliu di lasciarle

25.mandatu da Zitellu u 22/05/2012 17:19
Vergogna à quelli chì l'anu arrubata !!!!!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta