Accueil
Envoyer à un ami
Version imprimable
Partager

Tutti barbuti

Benoît Poelvoorde hà lampatu una chjama a settimana passata : fin'tantu chì a situazione ùn si serà megliurata in Bèlgica, ùn si taglierà più a barba. È s'è no faciamu listessu in Corsica ?



Tutti barbuti
"Gardons nos barbes, jusqu'à ce que la Belgique se relève !" Hè ciò ch'ellu prupostu u cumediante Benoît Poelvoorde in una videò chì hà fattu u giru di i media. Ci vole à dì chì a situazione hè pèssima in Bèlgica induve ùn ci hè più guvernu dapoi... sette mesi.

Allora perchè micca fà listessu in Corsica ? Lasciassi cresce a barba di a sulidarità ! Cum'è Poelvoorde : "laissez pousser votre barbe pour montrer que vous êtes solidaire".

Ind'è noi l'eletti ci sò, ma ùn mancanu i penseri : Ecunumia, disimpiegu, acculturazione, minacce nant'à l'ambiente, demugrafia chì schjatta, perdita d'identità, di lingua, droga, giuventù addisperata, cultura, educazione, puvertà, agricultura in perdizione... senza cuntà u Sporting in terza divisione.

Saria una bona idea... ma chì causa sceglie ? Lasciassi cresce a barba fin'tantu ch'ellu ùn ci serà più manghjeria ? Ùn più sbarbassi sin'à chì a maffia si n'andessi ? Ch'ellu ùn ci serà più droga o permessi di custruisce nant'à u liturale ? Chì i soldi pùblichi ùn anderanu più ind'e stacche di certi ? Chì a lingua corsa ùn serà micca resa obligatoria ind'e scole ?

Bon, in fine di contu, ùn hè micca siguru chì l'operazione "barba di a sulidarità" sia una bona idea...

u 25 di Ghjenaghju 2011
U Webmaestru



1.mandatu da U Palatinu u 25/01/2011 09:02
Ùn sò micca s'e no averiamu a pacenza.

2.mandatu da nuit bleue u 25/01/2011 11:05
Piombu di a sulidarita !!!

3.mandatu da MARCUCCIU u 25/01/2011 11:08
eiu prupongu in più di lasciassi crescé a barba,di tagliassi i capeddi a rasciu.Videreté a l'assemblea di corsica é a i cunsigli generali tutté sé chighié barbuté é capi rasciaté...

4.mandatu da Cugnome u 25/01/2011 17:29
Eccu una bona iniziativa ! Cusì in corsica un ci serà più che barbuti a l'usu ZZ Top !

5.mandatu da ANTO u 25/01/2011 17:53
Facenu cinquant'anni ch'aghju a barba e mi pare chi l'affari (corsi) un si sianu tant'arranghjati.

6.mandatu da U Palatinu u 26/01/2011 17:18
È e donne, cumu anu da fà ?

Ùn avete micca pinsatu à elle ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta