Accueil
Envoyer à un ami
Version imprimable
Partager

U 2 è 3 d'aprile sò i "prestaticci", è hè normale d'avè tempacciu

Aspettate u sole è truvate u tempu di i primi ghjorni d'aprile goffu ? Hè normale. U dui è u trè d'aprile sò i "ghjorni prestaticci" (o "pristaticci" o "imprestaticci"). Eccu a storia.



Almanaccu di Maistrale, 1929
Almanaccu di Maistrale, 1929
Chì i passiunati d'apperitivu in terrazza à u sole ùn s'inchietinu, l'estate venerà, ma micca subbitu. I primi ghjorni d'aprile si chjamanu i "ghjorni pristaticci" o "impristaticci" (in Niolu) o "imprestaticci" o "prestaticci" (in u restu di u mondu).

Di regula u tempu ùn hè bellu. Colpa à i ghjorni chì u mese d'aprile hà imprestatu à u mese di marzu. Cusì dice un'antica fola tradiziunale.

Sta fola dice chì à u mese di marzu, un pastore (un picuraghju) si ne ridia di u mese di marzu. L'inguernu venia di compiesi è u pastore a s'avia francata. E pecure eranu grasse, i so casgi tamanti, i so brocci belli bianchi... è allora si muntava appena a sega.

Dispettosu, si magagnava u mese di marzu : « Marzu, catarzu, figliolu d’un bugnone, facciu l’agnelli tamanti è muntoni, u brocciu tamantu è spurtoni » è cuntinuvava à stuzzicà.

Ma u mese di Marzu hè un biscone. Vole vindicassi è dumanda à u mese d'Aprile d'imprestalli dui o trè ghjorni per vultà à metteli una concia : « O Aprile, u mo fratellu, imprestami u primu è u dui, ch'aghju da fà penta u falsu picuraghju ».


U 2 è 3 d'aprile sò i "prestaticci", è hè normale d'avè tempacciu

Sulidariu, Aprile li risponde : « U primu u tengu per mè. Ma t'imprestu u dui è u trè » .

Allora, u tempacciu di u mese di marzu face u so grande ritornu d'aprile. Furibondu è azezu fragicu, face nasce una timpesta di quelle maiò. Toni, saette, acqua à sechje è ancu neve per punisce u pastore appena troppu pretensiunutu.

Cusì si spiega chì u tempu hè sempre gattivu u dui è u trè d'aprile. Ma avà chì pastori ci n'hè di menu in menu, chì ne serà ?

U 2 è 3 d'aprile sò i "prestaticci", è hè normale d'avè tempacciu

Articulu publicatu u 02/04/2016 è aghjurnatu u 01/04/2017

Da leghje :
I Pristaticci nant'à u blog bunifazincu
Nant'à u situ In punta di a lingua
È si ne parla nant'à u foru Isula.

u 1mu d'Aprile 2017



1.mandatu da Guerrini u 03/04/2016 17:34
St'articulu mi face pensà à duie riflessioni:

_L'omu hà bisognu d'avè una spiegazione à un fenomenu di a natura cum'è quellu di "i prestaticci."
I nostri antenati osservavanu a Nature più ch'è noi.
_L'umani anu invintatu e religioni da pudè dà una risposta à u sensu di a vita .

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta