Accueil
Envoyer à un ami
Version imprimable
Partager

Un centru cummerciale plasticatu... da un cignale

L'affare ùn si passa micca in Corsica, ma in Meurthe-et-Moselle. Un cignale arrabbiatu hà messu a panicca in un centru cummerciale nanzu di distrughje u salottu d'un piluccheru. Interpellatu, l'animale hè statu tombu.



Un centru cummerciale plasticatu... da un cignale
Precisemu ch'ella ùn hè micca una magagna (andate à vede l'articulu nant'à u situ di TF1).

Semu in Frouard, a simpàtica banlieue di Nancy. Un animalottu di 60 chilò hè spuntatu eri in u centru cummerciale per mette appena di panicca.

D'appressu à i testimonii, u cignale hà cumminciatu cù u magazinu di prufumi Marionnaud (pè ride appena). Dopu per scallassi s'hè affaccatu in u supermercatu Leclerc, à u rayon frutti è legumi. In piena forma, hà finitu per stripà u salottu d'un piluccheru. Custì, hè statu un veru macellu :

"Le sanglier s'est senti piégé: il a massacré le salon de coiffure, il a arraché les lavabos, on a même dû couper le courant, puisqu'il y avait des sèche-cheveux en marche", hà spiegatu un testimone spaventatu davant'à u scempiu.

Ci hè vulsutu l'intervenzione di e forze di l'ordine per piantà u cignale arrabbiatu. L'animale hè statu tombu.

Cumu spiegà stu gestu ? Militante altermundialistu anti-cunsumazione ? Gestu addisperatu d'un militante pro-Kadhafi ? O anti-cacciadore ? Vuluntà di seguità a mossa di e rivuluzione arabe ? Aspettemu sempre e cunclusioni di l'inchiesta.

Sì ancu i cignali cummencianu anch'elli à mette a panicca è à vulè fà a rivuluzione, semu male. Unu và bè, ma hè quand'ellu ci n'hè parechji ch'elli ci sò i prublemi. È imaginate si a cuntagione tocca a Corsica... Ancu di grazia chì i cignali ùn vanu micca nant'à Facebook.

Un centru cummerciale plasticatu... da un cignale

Un centru cummerciale plasticatu... da un cignale

u 10 di Marzu 2011
U Sgaiuffu



1.mandatu da MARCUCCIU u 10/03/2011 17:34
RABBIA ! ! ! ! ! !

2.mandatu da Carlu u 10/03/2011 19:59
Qui, a mumenti, ci hanu da entre e vaccine inde e butteghe ...

3.mandatu da ANTO u 11/03/2011 06:17
Soga era andatu a fassi taglià i capelli !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta