Accueil
Envoyer à un ami
Version imprimable
Partager

Ùn vale a pena, ùn tenerete micca e vostre risuluzioni

Cù l'auguri di capu d'annu vene dinù u mumentu di e bone risuluzioni. Ognunu prumette e soie... ch'ellu ùn tenerà micca.



Ùn vale a pena, ùn tenerete micca e vostre risuluzioni
À tempu à i sempiterni "pace è salute, mais surtout la santé hein !" ch'è vo avete da sente sin'à u 31 di ghjennaghju ci sò e bone risuluzioni di l'annu novu.

In generale sò sempre e listesse : piantà di fumà, perde 5 chilò, arrestà l'apperitivu, fà u sport, piglià menu a vittura, manghjà megliu, ùn più annerbassi in vittura o peghju, esse di più bravi.

Tutti l'anni si facenu e listesse, è pochi sò à tenele sin'à dicembre.

D'appressu à una inchiesta di u prufessore Wiseman (di l'università d'Hertfordshire) fatta nant'à 3000 persone, solu 12% ci la facenu à tene e so prumesse.

In l'inchiesta, quelli chì avianu prumessu di piantà di fumà o di mettesi à fondu à u sport anu cunnisciutu un fiascu à più di 70%.

In fatti, si omu ùn ci la face è chì si vede omu troppu grande. Troppu ambizioni ! Perchè ghjurà di perde a panza... per tichjassi di Nutella duie settimane dopu ? Perchè prumette di sorte menu... per finisce à tappu sabbatu chì vene ? Avà pò saria ora di cunnoscevi megliu è di sapè di chè site capace, o micca.

Fate dunque risuluzione menu ambiziose, più mudeste è ci la ferete. Pò esse per esempiu, d'arrestà di fidighjà Plus belle la vie, di passà menu tempu nant'à Facebook, d'ùn più crede e bugie di Sarkozy, d'arrestà a mittumania (di tutte e manere più nimu ùn v'ascolta), d'ùn spende più soldi per nunda (di tutte e manere site fusciatu), d'esse menu appiccicatu à u vostru iPhone... quessa, a pudete fà !

u 4 di Ghjenaghju 2011
U Sgaiuffu



1.mandatu da anto u 04/01/2011 08:29
Solu quelle si u nostru nannu seranu tenute (cume sempre !)

2.mandatu da U Palatinu u 04/01/2011 11:27
Prima, Pace è Salute à tutti.

Ghjustu una questione : cumu si prununcia, Hertfordshire ?

3.mandatu da Rè di e galette u 04/01/2011 11:42
A mea a resoluzione a teneraghju, serà d'ùn ascultà u prussimu dischettu di l'infamu gambini, specialistu pè dà e lezzione à l'astre mà sempre u primu pè fà parte di u cumbriculu pè e stacche sistematiche di u so astru mondu...

4.mandatu da Carlu lewissu u 04/01/2011 12:32
Pè u sport o Sgaiù, principiemu quandu ??

5.mandatu da colomba u 04/01/2011 17:57
bona risuluzione n°1 : spenghje a tv è a radio quandu parla Emile Zuccarelli
bona risuluzione n°2 : spenghje a tv è a radio quandu parla Jean Baggioni
bona risuluzione n°3 : spenghje a tv è a radio quandu parla Jean-Martin Mondoloni
bona risuluzione n°4 : spenghje a tv è a radio quandu parla Jean-Guy Talamoni
bona risuluzione n°5 : spenghje a tv è a radio quandu parla Stéphanie Grimaldi
bona risuluzione n°6 : spenghje a tv è a radio quandu parla Josef Guipoletti
bona risuluzione n°7 : spenghje a tv è a radio quandu parla Jean Vitusalbertini
bona risuluzione n°8 : spenghje a tv è a radio quandu parla Edmond
bona risuluzione n°9 : spenghje a tv è a radio quandu parla Paul Giacobbi
................
...........
.....
...

6.mandatu da U Palatinu u 05/01/2011 11:34
In cundizione simile, o Colomba, seria assai più simplice d'ùn mai stà à sente a televisione o a radiò.
Nò ?

7.mandatu da U Palatinu u 05/01/2011 11:36
À contu meiu, aghju pigliatu a bona risuluzione di piantà di fumà quist'annu è di beie u pastis.

Sò sicuru di tenelle : ùn fumu dighjà micca, è sò allergicu à l'anis (chì ancu i canistrelli à l'anis, ùn i possu manghjà).

8.mandatu da U Palatinu u 05/01/2011 11:37
Solu pigliu a VERA risuluzione di pruvà à fà vene assai più ghjente anant'à u mio forum (Appuntamentu Corsu di a Tela). Ma què, ùn dipende micca di mè.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta