Accueil
Envoyer à un ami
Version imprimable
Partager

Ùn viderete più i cunduttori di 4x4 di a listessa manera...

L'infurmazione circula nant'à u net, ma pare difficiule à verificà. Un studiu hè statu fattu nant'à i cunduttori di 4x4, è e nutizie sò gattive per elli.



Ùn viderete più i cunduttori di 4x4 di a listessa manera...
In Corsica, u rè di a strada hè u 4x4. Micca tantu per andà à caccia, pè circà e vacche o pè piglià e piste (troppu periculosu), ma piuttostu per andà à fà e spese à u centru cummerciale, pè andà "à la salle" è sopr'à tuttu per mustrassi in cità.

I sbacconi, montasega, mittomani è pseudo-maffiosi di Corsica si devenu d'avè u so 4x4, hè a regula.

Ma attenzione, micca di quelli cughjosi chì sentenu a puzza di cane. Nò, ci vole ch'ellu sia luccicante, cù a clim è lettore mp3, hè impurtante nanzu di garassi nant'à u parking di La Rocade o di L'Acapulco.

Dunque, circuleghjanu nant'à u net i risultati d'un studiu chì saria statu fattu da u CNRS nant'à 2000 cunduttori di 4x4 in Auropa. Site pronti ? Attenzione. Ci dice chì

95% soffrenu d'un cumplessu d'inferiorità
87% anu prublemi d'erezzione
69% averianu sentimenti d'omossessuali rinfrenati


Eccu, ùn viderete più i cunduttori di Cayenne di a listessa manera...

Eccu da induve vene l'infurmazione.

Bon, pè rassigurà i nostri amichi lettori amatori di vitturoni, st'infurmazione pare tutta una magagna, un hoax (ste false infurmazione presentata cum'è vera chì circuleghja nant'à u web). Durmite puru tranquilli, nisuna traccia di u veru studiu nant'à un situ seriu, ancu menu venendu da u CNRS.

Ma quantunque, ùn ci serà un fondu di verità ?

u 10 di Dicembre 2010
Scrianzatu



1.mandatu da mamone u 10/12/2010 06:07
E sicura chi cu u 4/4 si guarda a ghjenta da "sopra" ,da n'altu...Spesu ,ancu si nul'hè a regula, i cunduttori di ste vitture so appenuccia tjucchi e cusi si credenu più grandi...i, tntacci!!E e donne!! Ce da vede cume le si cordanu u pettu!! quande l'aspettanu i figlioli(e) davanti a a scuola!!

2.mandatu da Hulot u corsu u 10/12/2010 12:02
Tù o scrianzà voli fà vultà u tempu di i calescini è di i sumeri (o i cavalli pè i più ricchi), so belli pratichi sti "Foristradda" comprabe unu ancu tù .

3.mandatu da Hulot u corsu u 10/12/2010 12:05
* comprane

4.mandatu da Rognoni & co u 10/12/2010 13:47
E di chè aghju dà campà eo .... i 4X4 so fatti pè l'omi chi hanu riesciutu micca pè i

looser..sti pinzuttacci so ghjesosi di i corsi.!!




5.mandatu da 403 à pédales u 10/12/2010 15:52
a digu sempre ! quelli chi annu i 4X4 annu qualcosa a pruva !!! a so ignurenza, esiste a traversu e so vitturo ! ma spessu e vitture so ripigliate pe l'organismu di creditu, et spessu manghianu pomi bulliti senz'ogliu e senza buttiru !!!
e chi pensi di e donne ( momossessuale renfrenate ?????

6.mandatu da anto u 10/12/2010 16:04
U risultatu di stu studiu un'hè mica pè stunami !Sopratuttu s'omu tènè contu di tutti st'inculati chi si credenu i rè di a strada e facènu piglia risighi a l'altri .E aghju dinò rimarcatu chi u piu suvente so ghjente di u 2A chi facenu stè fisiche pè stè strade .

7.mandatu da mamone u 10/12/2010 20:08
O Hulot u corso, un voglio micca volta a i tempi di i sumeri o di i calescini ma un c'hè micca bisogno davè un 4/4 per marcia ...una vittura hè fatta per cundicce a ghjiente d'un punto a un'altru e micca per sbaccà . Chi n'hè sai ,forse u mi posso crumpà ma so liberu ei spende i mo soldi cume voglio e si per mè ci so' cose più impurtante a fà ,cume a d'esempiu paghà i studi a i mio figliogli e tante cose che nun si vedunu ma chi per mè so più imputanti ....

8.mandatu da 403 à pédales u 11/12/2010 10:20
ava l'hai detta o Mamone,

9.mandatu da mamone u 11/12/2010 18:55
Aio o zitelli ,un ci vole micca a di che per marca à so reuscita , bisogna à marcià in 4/4 (cume lu dice Rognoni) ...i pinzutti ,cume i corsi ,appenuccia "pijhotti rifatti" ,un so micca ghjelosi perchè faccenu li stessu...e cume lu si dice "ils pêtent plus haut que leur c.." Pensu ch'ognunu facce cume la gli pare ma i sbaconi un facenu micca onore ai nostri valori ,mi si pare!!

10.mandatu da Dede pakhu u 12/12/2010 17:05
Venderaghju a mo casa a qualchi pinzuti cusi mi compru un bellu hummer!

11.mandatu da Per ride u 12/12/2010 19:37
È di e donne, belle numarose (ma micca sempre belle), chì anu u 4X4, chì sarianu i so"cumplessi"?

Esse un omu? Vede à l'altri da insù? Imponesi nantu à u stradò? ...

O forse fà vede à tutti chì u maritu t'hà i soldi?

Nulla di cambiatu ind'è a ghjente suprana

12.mandatu da Strada u 15/12/2010 22:00
Inno ,é a sicurita chi n'é fatte, u 4 X4 una vittura chi po salva una vita ,cun tutti sti scemi chi si piglianu per Fangio.

13.mandatu da Ghjuvan matteu u 20/12/2010 23:12
A ghjente facenu cume li volenu nô ?o ci vole un conu per di tu averai un 4x4 e tu o sumero una 4l

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta