Accueil
Envoyer à un ami
Version imprimable
Partager

Vergogna à tè chì vendi...

"Scambia maglietta di Claude Papi contr'à quellu di l'Equipe de France"...



Eccu l'annunziu ch'ellu si pudia leghje in u settimanale Corse-Hebdo.

Adimettite chì u sìmbulu hè forte è hè siguramente u segnu di i nostri tempi. Sbarazzassi di u nostru passatu, di ciò chì face a nostra identità, di ciò ch'è no semu... per qualcosa di francese.

Si puderia avvicinà a simbòlica di stu gestu cun pienu d'altre cose : lingua, cultura, identità, manera d'esse, di pensà, di cantà, di manghjà... Senza parlà di quelli chì si vendenu case è terreni à fresteri.

Vergogna à tè chì vendi a terra hè una canzona di Canta u Populu Corsu chì hà 25 anni, ma hè più ch'è mai d'attualità.

D'accordu, semu in u duminiu di l'affettivu è di u simbòlicu, ùn hè ch'è un annunziu di Corse-Hebdo. Ma a so lettura face male, nò ?
Vergogna à tè chì vendi...

l'8 di Farraghju 2011
U Webmaestru



1.mandatu da Managhja... u 09/02/2011 06:24
Si stu baschicciu chi vole Barattà... hè corsu...ghjè un veru disonore...!!!!

2.mandatu da facciabuk u 09/02/2011 11:13
vistu nant'à facebook :

"Échange exemplaire de la constitution de Pasquale Paoli contre acte de naissance de brice hortefeux"

3.mandatu da pastorniolink u 09/02/2011 11:27
échange chêvre corse contre biquette blanche de charente , e bianche si chjavanu megliu

4.mandatu da nuit bleue u 09/02/2011 15:37
Per me un hè una surpresa, oghje, tuttu si vende,e tuttu si compre, ognunu vole "kiffa a vita" cume dicenu i francesi, per quessu ci si vole u soldu, e si vende babbi e figlioli, tradizione, ricordi i piu cari, lingua, terra.
E vecchje case di i nostr'antichi si so viutate di e mobuli anziani, un si trova piu in corsica ne imbastiu, ne mèdia, ne sècchià, ne fune,manc'una tintenna, tuttu cio chi facia a nostra storia, ghjè cume in de a canzona di Jean Ferrat "le formica et le cine ils en revaient" ,l'hanu trovu u prugressu cu e so vitturaccie e si tecchianu di quick e cume i francesi hanu sceltu di campà "cu u so tempu" .

5.mandatu da nuit bleue u 09/02/2011 15:42
si ticchjanu

6.mandatu da Chibonda Pascal u 09/02/2011 21:32
Eiu, li dogu ancu u me slip di l'échippa di Francia...

Novu cumentu :