Accueil
Envoyer à un ami
Version imprimable
Partager

Cumu a piaghja hè diventata Rumenzuland

Hè una regione ricca, bella, induv'ellu si trova u situ archeologicu u più impurtante di Corsica. Oghje, hè diventata a regione induve si mettenu e rumenzule chì nimu d'altru vole. Dop'à Tallone, Prunelli, ci serà Ghjuncaghju ?



Cumu a piaghja hè diventata Rumenzuland
Si chjamava "A Piaghja". Avà u territoriu hè spartutu è si chjamanu e cumunità di cumune di "L'Oriente" è di "Fiumorbu Castellu". Hè a regione a più agrìcula di Corsica, è hè piena di ricchezze. Ci si trova u situ archeològicu u più impurtante di l'isula (Aleria). Quì ci sò ghjunti Cartaginesi, Grechi, Etruschi è Rumani.

E bellezze naturale ùn mancanu : stagni di Diana, d'Urbinu, di Terrenzana, Mare è Stagnu. È l'interessi stòrichi non più : torre ghjenuvese, castellu di Covasina, chjese rumàniche, battisteru paleocristianu di Bravone...


Ma "La Plainorientale" soffre di a fiura d'una regione goffa induv'ellu ùn ci hè nunda. U solu interessu hè a strada naziunale, per andà da Portivechju à Bastia. Fora di e stazione per fà l'essenza, ùn ci hè nunda. Ci vole à dì chì l'urbanizazione u longu di a RN 198 ùn hè micca stata fatta pè attirà l'ochju.

Serà per quessa chì i Corsi ùn si ne sò mai (o pocu) interessati ? Hè forse cusì chì a piaghja hè diventata "u locu induve mettemu u mullizzu di l'altri chì nimu vole".

U triangulu Tallone-Ghjuncaghju-Prunelli di Fiumorbu hè diventatu "le triangle du mullizzu".
Cumu a piaghja hè diventata Rumenzuland

Ghjudicate da per voi :

Tallone

Più d'un milione di tone di mullizzu messe sottu terra. A mubilizazione hà impeditu u prugettu per stende u centru.



Prunelli di Fiumorbu

U rumenzulaghju di Prunelli hè pienu à tappu. Ci vole à dì ch'ellu hà travagliatu bè, ci avemu lampatu tuttu u mullizzu di Cismonte durante anni è anni.


Ghjuncaghju

Dop'à avè interratu tone è tone di rumenzule in Tallone è Prunelli, tuccherà à Ghjuncaghju à accoglie tutta a miseria di Corsica ?


Malgradu a mossa di u cullettivu Tavignanu Vivu, u Statu ùn vole sente nunda.

Cumu a piaghja hè diventata Rumenzuland

Cumu a piaghja hè diventata Rumenzuland

È dopu ?

A voce dice chì un altru locu puderia accoglie un ruminzulaghju : sò E Lunarie. Stu duminiu si trova nant'à a cumuna di Tallone. Appartene a e cumune di u Boziu dapoi u XVIIIu seculu. Hè u locu storicu d'impiaghjera di i pastori buzinchi. È oghje à chì si pensa pè rimpiazzà i pastori ? E rumenzule.

Per seguità à Tavignanu Vivu


u 25 di Nuvembre 2019


Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta