Accueil
Envoyer à un ami
Version imprimable
Partager

Da i pagliaghji à e paillotes : tamanta strada !

Averà da riprincipià a guerra di e paillotes ? I patroni corsi di i stabilimenti di mare s'averanu da batte à colpi di transat ? Mentre ch’ellu si vede i pippoli difende i “socio-professionels”, a pulemica nant’à a privatizazione di u liturale cresce. Dop'à 40 anni di lotta, u populu corsu serà diventatu u “populu di e paillotes” ?



U vechju mondu

Ci sò evuluzione chì ùn si ponu evità. Durante seculi è seculi, i Corsi anu custruitu pagliaghji. Ste piccule casette (o caseddi) di semplice petre à l’asseccu ghjuvavanu d’agrottu quandu ci vulia à andà in campagna. Sìmbulu di a Corsica tradiziunale, ci n’hè millaie, abbandunati per ste machje.
Da i pagliaghji à e paillotes : tamanta strada !

D’altronde ci vole à leghje u libru di Ghjiseppu Orsolini nant’à st’architettura ch’ellu chjama “simple et digne”.
Da i pagliaghji à e paillotes : tamanta strada !

A guerra di paillotes, stagione 26, episodiu 30

À quessa s’aghjusta un paese induve i patroni di u turisimu (scusate, ci vole à dì “socio-professionnels”, hè megliu) anu pigliatu una piazza maiò, è si ghjunghje à un episodiu novu di l'affare di e “pagliotte”.

À u principiu di l'estate in Calvi hè nata una mubilizazione per salvà una pagliotta, cunsiderata cum'è illegale da a ghjustizia dapoi u 2003.

Tandu, a pupulazione lucale (pippoli cumpresi) hè entrata in lotta per dumandà a libertà pè pagliotta cundannata.


Ci vole à dì chì e paillotes sò cunsiderate cum’è fendu parte di u “patrimoniu” corsu.
Da i pagliaghji à e paillotes : tamanta strada !

Più tardi in l'estate, certi si sò fatti sente per dumandà di più piazza pè i “transats” è ancu a mudificazione di a lege liturale.


“Mudificazione di a lege liturale”, accresce a privatizazione di u nostru bè cumunu… Dop'à 40 anni di lotta. Site siguri ?

Ci vole à dì chì ancu i turisti stranieri sò surpresi da a privatizazione di i nostri mari, induve ùn si pò mancu più mette un pede.

A dicenu ancu i turisti...


Hè quantunque appinuccia esageratu, nò ?

Certi ne sò ghjunti à dumandà u ritornu di... Bernard Bonnet.


U paillotegate hà fattu nasce ancu parechje magagne nant'à a rete :

Da i pagliaghji à e paillotes : tamanta strada !

È e critiche dinù. U muvimentu di A Manca Naziunale scrive :

Nous rappelons aux professionnels du tourisme que la Corse, notre pays, est avant tout notre lieu de vie et d’existence. Les espaces naturels sont et resteront la propriété collective du peuple corse. Le bien commun ne peut en aucun cas être soumis aux ambitions de la minorité qui veut s’arroger le droit de disposer de notre pays à sa guise.

À u core di a pulemica, falanu scutrate nant'à e pagliotte. Purtantu, basteria à rispettà e regule. Per esempiu nant’à un mare, 20% di u spaziu pò esse occupatu da un stabilimentu.


Spessu sta regula hè rispettata è ùn ci hè prublema. Ma micca sempre.


Quale pò esse oppostu à un stabilimentu di mare discretu, chì ùn chjode micca l'accessu à u mare, chì hè integratu in u paisaghju ? Nimu. Ma in Corsica avà, “capisci c'est compliqué”.

In u so libru Sociologie de la Corse (La Découverte, 2018) u circadore Jean-Louis Fabiani scrive : "La cause environnementale s'est souvent confondue en Corse avec la revendication identitaire dans son acception la plus large (...) La situation actuelle est passablement différente de celle des années 1970, où les premières revendications autonomistes-nationalistes étaient portées par des individus éloignés du pouvoir économique et des institutions politiques. Aujourd'hui, la situation est beaucoup plus complexe : des chefs d'entreprise investis dans le tourisme peuvent être de sensibilité nationaliste, et leurs intérêts peuvent être mis en question par le zèle écologiste de militants radicalement engagés dans la défense de la nature."

Allora, chì hè u prugettu ?


u 17 di Sittembre 2018


Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta