Accueil
Envoyer à un ami
Version imprimable
Partager

Le broutch in prime time nant'à M6

In l'emissione Le chef en France, Cyril Lignac ci hà mustratu pastori, tragulini, cacciadori simpàtichi è Corsi à l'antica. Seranu stati veri o attori?



Le broutch in prime time nant'à M6
Hè bravu Cyril Lignac, hà fattu una bella emissione nant'à a Corsica, senza clichés. Ùn s'hè micca risu di noi è ùn hà parlatu nè di viulenza, nè di razzisimu, nè di saucisson d'âne.

Bon, hà fattu cum'ellu pudia, ci hà mustratu a fabricazione di "le broutch" è avemu vistu "la figadèl". Ma quessu ùn era micca u prublemu.

M6 hà vulsutu mustrà i Corsi "authentiques" : un pastore simpàticu, un bravu tragulinu, un purcaghju di prima trinca, è ancu una banda di cacciadori chì cantavanu ghjustu. Avemu vistu dinù una "mamma corse" à l'antica.

Ma c'era un prublemu, nò ?

Mancavanu i veri Corsi d'oghje, les vrais gens cum'ellu dice u francese. I veri Corsi d'oghje ùn sanu micca fà u brocciu, ùn vanu micca à caccighjà, ùn sanu micca fà a differenza trà un lonzu è un prisuttu.

I veri Corsi d'oghje manghjanu i knackis, u sabbatu ùn collanu micca in paese ma puntanu u caddie à Géant Casino. Manghjanu di più Caprice des Dieux chè brocciu passu, ci hè di più mittomani in Cayenne in circulazione chè di mulatteri. Sò più numerosi à campà in HLM è in lotissement ch'ellu ci n'hè chì respiranu l'aria pura di e nostre muntagne. È sò più numerose e tonfie piene di cuccaina chè e donne chì staccianu a farina pisticcina.

M6 ci hà mustratu una fiura di a nostra identità chè no vuleriamu vede, ma ch'ùn esiste guasi più. Quessa l'identità hè annigata in un tsunamì di cunsumerisimu mundializatu techju di TF1, di Quick, di grandes surfaces è di reality show.

Allora piuttostu chè di vede a realità in faccia, femu nece di crede chì sta sucetà corsa esiste sempre, chè no semu sempre differenti di l'altri, allora chè no semu cum'è l'altri.

Unu di i prutagunisti di u filmu hà dettu c'est ça la Corse. O micca.

u 17 d'Aprile 2012
U Sgaiuffu (azezu)


Da u più recente à u più anzianu | Da u più anzianu à u più recente

1.mandatu da Piatamò u 17/04/2012 13:47
L immissioni ùn l aghju vista ma mi fidu vulinteri à l analisi. Hè Vera chì finu à pocu c erani dui corsica quidda chì campaia in un filu cuntinuvu d usu è di stintu è quidda chì scambiaia peddi. Ma oghji 99,99% di i corsi ani ùn campà è un estru chì ùn hà più nudda à Veda incù i nosci missiavi è minnanni. Pà certi cosi sarà podarsi un bè ma mi pari ch emu persu che vintu.

1 2
Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta