Accueil
Envoyer à un ami
Version imprimable
Partager

Sardegna, cusì vicina, cusì luntana...

Sì u scopu era di fà parlà, l'oghjettivu hè riesciutu. Ma sò stati numerosi à esse scandalizati da una publicità pè una cumpagnia corsa di battelli rossi, abbastanza "beauf".



Tuttu hè partutu da sta publicità. Ci si vede un omu, si pensa ch'ellu hè sardu. Porta un "marcel" biancu è parla cù e mane.

"Vous avez quatre heures pour apprendre à parler avec les mains" dice a pubba.

Difficiule di fà più cliché. Ùn ci sò ch'è ondeci chilòmetri trà e duie isule, 10.000 anni di storia cumuna, a listessa lingua (iè iè u gallurese hè corsu)... ma "l'isula surella" ùn hè mai stata cusì luntana.


Ma perchè, noi altri Corsi, chì suffremu tantu di i stereotipi, chì ci lagnemu tantu è tuttu l'annu di i clichés chì i Francesi ponu avè nant'à noi, semu capaci à sorte un affare cusì ?

Nant'à a e rete, falanu scutrate.




Imaginate appena un'affare di u listessu generu, pè una cumpagnia francese, cù un Corsu rapresentatu di manera grussiera (un maffiosu chì face a siesta cù una castagna ?).

Ci saria digià stata una chjama à manifestà, 40 chjame à u Forum di RCFM, una petizione, quatordeci hasthags differenti, ottanta pagine Facebook per chjamà u boycott è sette cumunicati differenti di a CDC.

Ancu di grazia, ferma a magagna. Subbitu, hè ghjunta a parudia. (pustata nant'à Facebook da Yann Lorec).


Hè ciò chì si chjama un bad buzz.

Un'altra, vista nant'à Facebook (ma avemu dettu basta cù i clichés...)
Sardegna, cusì vicina, cusì luntana...

A bona nutizia in tuttu què ? Forse chì i publicitarii è quelli chì anu validatu sta pubba rifletteranu à duie volte. È forse ch'ellu si viderà menu clichés à l'avvene.

In quant'à a Sardegna, merita megliu è merita 1000 volte d'esse visitata. Ma quessa, ne parleremu un'altra volta...

Sardegna, cusì vicina, cusì luntana...

Edit : A campagna di pubba di i battelli rossi hà cuntinuvatu à ispirà... Eccu i muntagi di Lisandru Ristorcelli




u 27 di Marzu 2019



1.mandatu da Stefanu u 31/03/2019 10:06
Ùn c'hè chì francesi nentr'a sta cumpagnia. Ancu noi pudemu lu risponde cù e mane à quellu chì à fattu sta publicità :)

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta