Accueil
Envoyer à un ami
Version imprimable
Partager

Squadra naziunale : Corsica vs Congo u 6 di ghjugnu

Sta volta hè officiale : una selezzione corsa ghjucherà contr'à u Congo u 6 di ghjugnu prussimu in Mezavia.



Squadra naziunale : Corsica vs Congo u 6 di ghjugnu
N'aviamu parlatu parechje volte. 10 anni dopu à u macciu Corsica - Camerun, 17 anni dopu à Corsica - Juventus, a selezzione corsa hè di ritornu per una partita amichèvule contr'à u Congo.

A partita, organizata da a Corsica Football Association si ghjucherà in Mezavia.

Parechji ghjucadori di L1 anu accettatu di ghjucà per a Testa di Moru : Giuly, Modesto, Bérenguer, Penneteau.

Forse puderemu dinù vede à Squillacci è Flamini.

Quand'ellu si vedenu i nomi di a selezzione, ci dimu chì ancu à un livellu internaziunale, ùn sariamu micca ridìculi.

À u mumentu induve u Sporting è l'ACA sò in difficultà in segonda divisione francese, ùn pudemu ch'è ralegracci d'un tale evenimentu. Prima per mustrà chì u ballò corsu ùn hè micca mortu. È forse pè dimustrà à i presidenti bastiacci è aiaccini chì ghjucadori corsi di qualità, ci n'hè, è chì forse i giovani meriterebbinu appena di più d'avè a so cunfidenza è ghjucà più spessu...

Bon, da sperà dinù ch'elli ùn ci sianu insulte "razziste". Saria peccatu di fassi suspende da a FIFA dopu à una attesa cusì longa...

u 18 di Maghju 2009
u webmaestru


Da u più recente à u più anzianu | Da u più anzianu à u più recente

51.mandatu da bbpb u 25/05/2009 15:41
Civa! Ancu di gràzia,ch'un aghju che 38 anni ,sinno m'avia fà trattà di vecchiu fascistu collaboratore.In fatti 'ssa manera d'imbruttà a ghjènte ghjé una tattica di i "grandi umanisti" troskisti.Per contu meiu un'aghju parlatu ni di culori ni di genetica,incù i vostri falzi vestimi d'umanita sité d'accunsènte incù BARBIER per facci divintà tutti CHTI,cusi bravi francesi.A vostra pulitica di disintegrazione di u Populu Corsu serà in tempu è lochu felicitata da u statu francese.

52.mandatu da cucuruzzu u 25/05/2009 16:45
umbeh... pocu pastizzu ! passemu da a cullaburazione è i facisti à i trutskisti umanisti. subbitu i grandi nomi !

purtantu, ch'è vo a vogliate o nò, generazione di pinzuti, di lucchesi, di sardignoli, di pedi neri o di purtughesi si sò integrate. st'imbuleghju dura a prestoria, è quelli chi si so imbuleghjati so diventati corsi anch'elli

ùn ci hè ch'è da guardà e casate intorn'à voi, hè cusì !

cù i vostri criterii, i Thiers, Fusina, Talamoni, Buteau, Di meglio, Saldana, Rodriguez è cumpagnia ùn sarianu mai stati corsi.

è a lista hè longa !

allora ? appena d'apertura in a vostra visione stretta di l'identità, nò ?

53.mandatu da bbpb u 25/05/2009 19:06
U pastizzu u fatte voi,e bella sicura chi a Corsica a sempre integrate ghjènte di fora mà ava un simu più a què.Aprite l'ochji.A vostra manera di pigliàcci di n'altu,mi facce pensa a un grande Francese chi riflette cumé voi altri ;Barbier.D'altronde e parolle di razzisimu e tante cunnerie simule sortenu di a bocca di tutti quelli chi si ralégrenu di a nostra sparizione.Per compie vulerebbe responde a aio per dilli che s' ellu e d'accordu per dumandà u mio indirizzu @ mail a A PIAZZETTA so d'accùnsentu di falli manghjà u ceppu di famiglia per sabbe s'ellu e anticu o no .(attènti a e pene in corpu).Ava mi tirgu l'ùsciu.

54.mandatu da Blaccu Bloccu u 13/06/2009 23:43
Bona sera Mr.Piazzetta.
A quali ci voli à dumandà u parmessu d'essa corsu par piacè?

55.mandatu da Pinzu bloccu u 21/06/2009 16:22
Dumanda a u sgiò Paccou,a à signòra Vencensini, a à manca "naziunale",ecc.....

1 2
Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta