Accueil
Envoyer à un ami
Version imprimable
Partager

E più grande invasione turchine

A mezafinale Monaco - Bastia serà l'occasione d'un impurtante spiazzamentu d'accaniti. È l'occasione per noi di vultà nant'à i spiazzamenti maiò di a storia di u Sporting.



1972 : in Parigi (finale contr'à l'OM)

U 1972 hè l'annata di a prima finale di cuppa di Francia à u Parcu di i Principi. U SECB si ritrova contr'à l'OM chì hè campione. Marca dinù u primu spiazzamentu massicciu di Corsi. Disgraziatamente, n'avemu poche fiure.



Ma in l'isula cum'è ind'è a diaspora studientina di Nizza è di Parigi, hè in traccia di passassi qualcosa. Hè u mumentu di a presa di cuscenza identitaria, di e prime rivendicazione.

Hè u principiu di u "miraculu di u settanta". È u fattu di ritruvassi cusì numerosi in terra frestera, à fà sventulà a testa mora, face piglià cuscenza à certi Corsi ch'elli anu a so identità propia.

L'ARC ne prufitta è distribuisce 30.000 stampini (tracts) per l'occasione.


1978 : in Torino, in cuppa d'Auropa

15.000 Corsi ùn anu vulsutu mancà l'occasione di vede a squadra bastiaccia ghjucà in Italia, in ottesimi di finale di a cuppa di l'UEFA. Cunniscite a storia : u grande Torino, a neve, Krimau è i so guanti rossi...

Da leghje : Era un 7 di dicembre in Turinu

Disgraziatamente, custì dinù avemu poche fiure di u publicu è di i sustenidori corsi. Peccatu d'avè cusì pochi ricordi d'un viaghju èppicu.
E più grande invasione turchine

E più grande invasione turchine

Pè u piacè ci turnemu à mette un colpu di Vangelis.

1981 : in Parigi, pè a finale contr'à Saint-Etienne

Trè anni dop'à l'epupea di u 77/78 in cuppa d'Auropa, Bastia ghjunghje in finale di a cuppa di Francia. Trova à Saint-Etienne, campione di Francia quist'annu.

I sustenidori corsi metteranu un tazzu infernale à u Parcu è Thierry Roland dicerà chì "la Marseillaise a été chahutée..."
E più grande invasione turchine

E più grande invasione turchine

Sta volta, Bastia vince è u ritornu triunfale in Corsica serà d'antulugia.

1992 : in cuppa, à Nizza

Cascatu in segonda divisione, i turchini strazieghjanu. A cuppa di Francia serà l'occasione di discità i sustenidori chì dormenu è a piccula squadra di René Exbrayat ghjunghjerà sin'à a mezafinale, contr'à l'OM. Chì ùn si ghjucherà mai.

Forse, saria statu megliu di fassi eliminà.

Ma l'ottesimi di finale in Nizza, contr'à u nemicu odiatu, serà l'occasione d'un spiazzamentu d'erdiavule. Dui battelli pieni à tappu, un'ambianza di tonti in una tribuna riservata per l'occasione à 5000 Corsi scatinati, baruffe in ogni locu è bombe nant'à u terrenu, un CRS pigliatu à calci da Pierrot Bianconi...

U futbol di l'anni 90, un altru mondu. Ùn pare mancu vera sta storia.
E più grande invasione turchine

5000 Corsi à u Stadiu di u Ray...
E più grande invasione turchine

Una bona ambianza nant'à u terrenu...
E più grande invasione turchine

Dumandate à Jean-Philippe Mattio, u capitanu di Nizza...
E più grande invasione turchine

U ballò di l'anni 90, quelli chì ùn l'anu micca campatu ùn ponu mancu imaginà ciò ch'ellu era...
E più grande invasione turchine


Ritrattu : situ Corse Football
Ritrattu : situ Corse Football
D'altri detaglii è articuli nant'à u situ Corse Football, i resiconti di PZD è altri ritratti nant'à Camperemu.


2001 : in cuppa di a Lega à Monaco

L'annu 2001 vede u publicu bastiacciu riprincipià a tradizione di i spiazzamenti massicci. L'occasione serà un... ottesimu di finale di cuppa di a lega à Monaco.

4000 sustenidori (in settimana !) metteranu l'ambianza à Louis II.

Ma a tradizione in Bastia hè di mancà l'occasione impurtante. Bellu spiazzamentu, ma macciacciu è grande desillusione dop'à l'eliminazione.

E più grande invasione turchine


E più grande invasione turchine

2002 : à Saint-Denis, in finale contr'à Lorient

20.000 Corsi in Parigi, è una di e più grosse vergogne di a storia di u Sporting.

Partita indegna per forse u spiazzamentu u più impurtante di sustenidori corsi, per una finale chì Bastia duvia vince quarante volte.

Orribile.

Ritrattu : Spiritu-Turchinu.com
Ritrattu : Spiritu-Turchinu.com






u 3 di Farraghju 2015



1.mandatu da canapu u 04/02/2015 08:17
tandu si...!!!

2.mandatu da acquaviva u 04/02/2015 09:12 (da un teleffuninu)
suggeriscu trasferta per spiazziamentu dellusione per desiluzione etc principiate appena a sfrancizazione di u corsu altru che scrive ponte a leccia invece di ponte
leccia e altre pazzie a costi nostri un si ne po piu di ste cacciate orveliane!!!

3.mandatu da claude e u 04/02/2015 14:36
ahah pzd, ava u santu inchisitore di u sporting !! môrtu di risa

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta