Accueil
Envoyer à un ami
Version imprimable
Partager

Tony Chapron è i clubs corsi, una longa storia d'amore

L'arbitru Tony Chapron hè entratu in a storia per esse u primu direttore di ghjocu à avè messu un calciu à un ghjucadore in una partita prufessiunale. Era un amicu di i clubs corsi.



Era a partita di a dumenica sera nant'à Canal+. Ferma pocu à ghjucà trà Nantes è u PSG, quandu Tony Chapron perde l'equilibriu in un'azzione. Finisce per cascà, cerca di mette un calciu à u ghjucadore (ghjudicatu rispunsevule di a so scialbata), è finisce per metteli una cartellina rossa. A federazione francese di futbol hà finitu per suspende u direttore di ghjocu.


Circhemu d'arricurdacci a so ricca storia cù i clubs corsi.

Nuvembre 2012 : l'affare di a pezzuccia

Hè l'annata di u ritornu in L1 per u Sporting. Ma dop'à duie stagione triunfale cù Hantz è dui tituli di campioni (National è L2), quessa quì serà un infernu. Pè u quartu di finale di cuppa di a Lega contr'à Lille in Furiani, un arbitru si riceve una pezzuccia nant'à u capu (di quessa ne aviamu bisognu...). A LFP ùn supporta più i numerosi incidenti è decide di pichjà forte. Bastia ghjucherà... ondeci partite senza u so publicu (à porte chjose in Furiani, o à Gueugnon...).

Di sigura, hè Tony Chapron chì direge a partita.

Guingamp - Bastia 2013

Bastia vince 1 à 0 à u Roudourou. Ma Chapron ùn a supporta è riesce a prova di fischjà dui penalties contr'à Bastia in pocu tempu. Unu serà mancatu è a partita finisce 1 à 1. Ancu Pierre Ménès piglia a difesa di Bastia. Per divvi...


U ditu à i sustenidori di u GFCA

Marzu di u 2013, hè l'affare di u "ditu" addirrizzatu à i sustenidori di u Gazélec... On n'a pas le même maillot mais on a la même passion.



Più tardi, u chjocchipilatu dicerà : « À Ajaccio, oui c’était violent. On avait l’impression d’être dans le film de Mocky, “A mort l’arbitre. C’est la première fois que l’on recevait des menaces de mort. »


2014 : penalty, è rossu per Cahuzac

Ma cumu averà fattu Bastia à mantenesi tutti l'anni ? Di settembre di u 2014, Bastia riceve à Nantes è Tony u macellu appiega a regula di a doppia pena à Cahu chì l'hà appena toccu. Cinque partite di suspensione per u capitanu.


Bordeaux 2017, torna un rossu...

Chapron ùn pò finisce una partita di Bastia senza mette un rossu à un turchinu. Una volta di più, serà cusì per a partita contr'à Bordeaux.


Tony Chapron è i clubs corsi, una longa storia d'amore

u 15 di Ghjenaghju 2018



1.mandatu da Fabrizio Albertini u 17/01/2018 12:30
Bonghjornu, u Sporting hè statu penalizzattu perchè hè un club corso. Forza Bastia

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta