A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > PRESIDENZIALI 2012

U paese induve Sarko è Le Pen anu fattu 0%

Esiste una cumuna di Corsica induve Sarkozy è Le Pen anu fattu 0% : L'Alzi, in a pieve di u Boziu.

Ci hè un locu di Corsica induve Jean-Pierre Pernaut ùn venerà mai.

Induve Didier Barlevien ùn cumprerà mai a so residenza segundaria.

Induve Nadine Morano è Brice Hortefeux ùn veneranu micca à fà campagna.

Stu paese si chjama L'Alzi, in Boziu.

Nant'à i 27 vutanti, nisunu hà lampatu un biglittinu pè un candidatu di diritta.

Hè una di e rare cumune induve a candidata FN hà fattu 0 votu (5 cumune nant'à 360 : A Munacìa d'Orezza, E Casevechje, A Parata è Currà), a sola induve Sarko ùn hà nisun sustenidore.

Serà l'anima di Sambucciu d'Àlandu chì hè sempre viva in Boziu ?

DSK, Robert Hue, è Laurent Fabius puderanu dumandà l'esiliu puliticu in paisucciu buzincu, casu mai Sarkozy sia elettu presidente di a Ripublica...

u 26 d'Aprile 2012

U Sgaiuffu

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

18.mandatu da u nostru campa u 26/04/2012 22:46

In Alzi hannu vutatu per Melenchon chi u riccunosce micca u tibet.

17.mandatu da Duttor' Caseddu💼 u 26/04/2012 21:55

Si qualchissia ha un dubitu, u missaghju di sopra hé à piglia à u 10mu gradu e di piu...😉
À prupositu d'un' affari ricenti, vurriu di ch'un supportu micca chi certi 'Gaulois' ancu di La Ciotat, si ni pigliessini à i nosci Arabi, sopra tuttu s'eddi so nati qui, dunque so Corsi! CQFD!😜

16.mandatu da Duttor' Caseddu u 26/04/2012 21:23

Forza l'Alzinchi !😍❤
Qualchi d'uni so à cant'a vo !
Salvareti u nosciu onore, Isula à mez'a Corsica invadita d'una marighjata stercaghja 💩incu ritornu di i camisgi neri.👿
U vosciu paisolu sara podarsi tale quiddu d' Astérix, circundatu da i campi frusteri di Bayrum, Dupontaignanum, Sarkozis e Lepenis!😡💪
I brigliuli sarani a voscia puzioni magica!😃
À Dumenica sei di Maghju VINCEREMI !!!!✌⚡

15.mandatu da Zeruffu u 26/04/2012 16:53

Ghj'hè sempre cusì quandu ùn si hè micca tonti cum'è l'altri : si hè soli.

14.mandatu da à fond la droite u 26/04/2012 15:55

O sinno si po andà à A Porta d'Ampugnani

Sarkozy 73%
Le Pen 10%

demucrazia !

13.mandatu da Petru mazzulincu u 26/04/2012 15:52

Catali "1ère dame d alzi"! Chi tante Carlita!!!

12.mandatu da ANTO u 26/04/2012 15:40

Bravi l'alzinchi !U sei di maghju sera tombula pé Hollande !

http://www.blog-anto.be

11.mandatu da Martin Mystère u 26/04/2012 15:10

Ch'ella s'Alzi a Corsica

10.mandatu da catalina u 26/04/2012 14:24

Forza Dume !!!!!!!

9.mandatu da lucetchibiscadiusoleincorsica u 26/04/2012 13:48

Sò di l'Alzi è mi ritirgu !

8.mandatu da Petru mazzulincu u 26/04/2012 12:56

À Mazzola e l alzi: dui paisoli à 500 metri unu da l altru: u primu, marine 35%, u secondu 0 à diritta! Mi vendu à mio casa à à Mazzola e mi ritirgu à l alzi!! U pegghju e chi à l alzi ci hé statu anni e anni un arabu, brahim, un tipu In oru sempre prontu à rende serviziu: e mancu un votu FN. À à Mazzola Arabi un ci n hé mai ghjuntu, o forse solu pe fa qualchi ghjurnata sottu pagata. Poveri noi.....

7.mandatu da Petru mazzulincu u 26/04/2012 12:46

Vutate dumenicu!! ( si ricunoscera)

6.mandatu da Mika Nomi u 26/04/2012 12:31

ALZI FOR EVER

5.mandatu da nazione corsa u 26/04/2012 10:14

simu tutti zitelli di ALZI

4.mandatu da Michè u 26/04/2012 01:17

fate un appiccicatoghju "Alzi zona libera"

3.mandatu da Enid Blyton u 26/04/2012 00:43

Dumani coddu in u Bozziu à circhà una casa in Alzi : Ils n'auront pas l'Alzi et la Parata..

2.mandatu da Tuminacciu u 26/04/2012 00:39

Dumandu l'asiliu puliticu in Alzi !