Accolta > MUNICIPALI 2014

Vogalène ? O Zuccarelli ?

Chì ne surterà di sta brutta campagna chì dà a voglia di rende à tutti ? Dumenica, u scrutinu diventa un referendum.

À sente i candidati in Bastia dumenica sera, tuttu u mondu avia vintu. Zuccarelli era cuntentu d'esse in testa. Simeoni era felice di pudè piglialli a merria è d'avè fattu un risultatu storicu. Tatti perchè hè diventatu "l'homme-clé" cun pochi mezi. Bon, Milani era appena menu felice ma cuntava pisà nant'à u segondu giru. Simoni perchè hè statu a revelazione di a campagna ricunnisciutu da tutti cum'è bunissimu candidatu. Fanti perchè ùn era micca l'ultimu è Baccarelli perchè hà fattu 2%.

Ma luni, e cose anu scambiatu in furia. Fendu i calculi, omu s'avvede chì Gilles Simeoni ùn pudia vince solu. O allora di troppu pocu. Troppu risicatu, ci vole à fà un'alleanza.

A seguita a cunniscite, pocu à pocu si custruisce un'unione Simeoni-Tatti-Milani, senza Eric Simoni.

Da a vittoria di dumenica sera, tuttu u mondu s'hè trovu in una disfatta : a diritta li dispiace d'andà cù a manca, a manca li dispiace d'andà cù a diritta, à i naziunalisti anu l'impressione d'esse i curnuti di a storia, à Corsica Libera u stumacheghju d'esse scantati. Certi cantanu "mi ne vocu à cantà, cun Tatti è cun Milani..."

Ancu Milou perde... u so sonotone (a dice Corse-Matin).

L'alleanza ùn piace à nimu, ma ci vulia à fanne una per caccià quelli chi sò à u pudere dapoi 50 anni.

Nant'à u web tuttu u mondu hè in deprima è hà l'impressione di perde qualcosa. Insulte, parapiglia è teni. Tuttu u mondu hè traditore di l'altru.

À tal puntu chì certi dillusi di diritta, di manca è naziunalisti dicenu vutà à... Jean-Jean à u segondu giru. È i partigiani di Zuccarelli di ripiglià l'argumenti di... Corsica Libera.

Cumprumissione ? O sola manera pragmatica di caccià à Zuccarelli è d'ottene una vittoria storica ?

A situazione ùn piace à nimu. In cità l'ambianza s'ingattivisce. Tuttu u mondu vole rende ? Ma ci hè peghju : da u cantu di Zuccarelli, omu torna à crede à a vittoria.

Torna più forte : Jean-Jean parla di "arrangements politiciens dictés par des intérêts personnels". Ellu, l'omu di u "conclave de Venacu", passatu da u fondu di a lista à l'esecutivu di a CTC, dà e lezzioni...

Allora eccu, dumenica chì vene serà sia una "vittoria à a Pyrrhus", sia nova disfatta di Ponte Novu, sia una vittoria storica. Và bè avemu capitu, nimu serà d'accunsentu è sta campagna lascerà e tracce.

U scrutinu hè diventatu un referendum. Per o contru à Zuccarelli ? Stop o torna vinti anni di zuccarellisimu ? Hè a sola dumanda chì vale.

Vogalène ? O Zuccarelli ?

u 26 di Marzu 2014

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

1.mandatu da bastiacciu stortu u 26/03/2014 01:35

E si Dumenica ci n'andavamu tutti a pisca ....!!

2.mandatu da anto u 26/03/2014 01:40

Zuccarelli fora. puntu e basta !

3.mandatu da ZUCK FORA u 26/03/2014 01:51

é tempu di piantà cu u sistema di zuccarelli.... 50 anni a u pudere, basta !

l'allianza cun Tatti ùn mi và micca, ma vuteraghju perche ci vole a falla finita.
da qui à 6 anni serà troppu tardi.

fà eleghje JZ = parte pè 20 anni torna. BASTA !!!

pocu impreme l'unione, ci vulia u curagiu per lampà in pianu stu sistema.

l'allianza ùn mi piage, ma chi sulluzione c'era ? Cun CL ùn bastava micca.

NOI U VULEMU CACCIA' è u CACCEREMU

per quelli chi vanu à piscà, capiscu, ma un ci vulerà micca pienge dopu

4.mandatu da ZUCK FORA u 26/03/2014 01:53

UN BI SBAGLIATE

U NEMIGU DI U POPULU CORSU E ZUCCARELLI !!!!

5.mandatu da pseudo u 26/03/2014 02:47

Perche un unione senza Simoni !?

6.mandatu da liberu u 26/03/2014 02:47

(da un teleffuninu)

Traditori! Avete tupatu in faccia a i naziunali. Avete fatu legame inchu una ex PS un ex PRG et a dirita UMP.... quallé chi a da gesti e a dafa avanza i prugeti per bastia e per a CAB.... cume si po fa legame chun quelli chi so contru a cooficialita.

7.mandatu da liberu u 26/03/2014 02:50

(da un teleffuninu)

Per me side pediu chi quelli chi vulete caccia. Odie un a piu senssu. Basta.... qui chiodu foliu.

8.mandatu da Stefanu u 26/03/2014 03:01

Ci vole batte Zuccarelli.

9.mandatu da u musculu u 26/03/2014 06:09

U silenziu.....

10.mandatu da filanciu u 26/03/2014 06:51

Ok per batte Zuccarelli

11.mandatu da Paoli u 26/03/2014 07:01

Si pó leghje ,zuccarelli fora e basta ....iè ! Ma Giacobbi ún hè clanistu dà poi anni e anni ??? Ma nimu ,un lu vole mette fora di a ctc ....stranu no ?
Povera Corsica ,Simeoni vergogna à TÈ .

12.mandatu da Vomitu u 26/03/2014 07:26

Puvete cuntà tutte e votre chjachjere, ci vole à avè u curaggiu di chjamà st'unione per u so veru nome : un tradimentu. U Vogalène, pensu chì quellu chì n'averia u più bisognu, s'ellu hà una cuscenza, hè Simeoni. Vergogna !

13.mandatu da fora! u 26/03/2014 07:44

Sta situazione un piace a nimu

Ma ci vole a lampà lu fora

14.mandatu da tont'e finu u 26/03/2014 08:18

E chi ci vulià a fà ? Aspetta torna un altrà occasione ? Dà passeghju a Zucca’ per mezzu seculu ?
Un hanu da stà a bocca aperta, sei annate basteranu à rifà di Bastia u pistellu di l’opinione.
Iè, u gambit di i « duri » ghjè opera amara mà ghjuvevule.
Se ci vole a pate u musu strumbuchjatu di parangoni di virtù chjosi in citadelle di purezze...
Di poi u tempu che li sò azezzi !

15.mandatu da U veru Corsu u 26/03/2014 08:20

(da un teleffuninu)

U veru Corsu un hè mai cuntente. Si pò caccia Zuccarelli è avè u primu mètre naziunaliste di Bastia. A scelta si fà on furia per mè, anche si ci vole à dà una voce a Tatti.

16.mandatu da cignale u 26/03/2014 08:26

E chi vulete fà... Un simu mai cuntenti

6 mesi fà, s'elli ci avessinu dettu "avemu da lampà Jean Z per mette à Simeoni" nimu l'averia criduta

E avà ci simu e ci tazzemu

17.mandatu da tont''''''''e finu u 26/03/2014 08:38

Preferiscu : Simeoni-Tatti eletti dans "un fauteuil pour deux" (o tre)
Chi risicà una sola siconda: "Jean-Joffrey Baratheon sur le trône"

18.mandatu da J G u 26/03/2014 09:28

Ma in u fondu u solu rimproveru co sentu contru a Zucarelli , hé d'avè duratu troppu ! ! !
Un hé a sorte di Bastia chi premureghja i novi candidati , tuttu u mondu l'averà capita , cio chi conta he d'abatte a Zucarelli , per ghelusia o forse per interessu ,
Vaitine co mi ci metti ! ! !

19.mandatu da henry smart u 26/03/2014 09:41

Ma ghje sempre cusi !! finalmente Simeoni sera elettu cum'è Hollande ( a ghjente ha vutatu contr'à Sarkozy)
Digia per e legislative, a campagna di simeoni un era di ragiuna nant'à i sugetti di alta pulitica, ma di mette in piazza u TSZ. Arricurdatevi cum'ellu era tranquillu Gandolfi. E puru c'he da dì nant'à ellu è l'ump.
he vera chi l'allianza cu tatti a sentiamu. Tatti ha fattu picculi sforzi à a ctc, permettendu un unione. ava un a so s'Ella he legitima ?
Ma l'ump ( anzianu padduc etc.) un vecu micca.
E po he megliu à un insiste troppu nant'à u clanisimu di zuccarelli chi u clanisimu he ignilocu !

20.mandatu da henry smart u 26/03/2014 09:46

Ava l'ARC ( scusate femu a Corsica) , he sempre statu un mischju di manca di diritta ...allora si po fa alleanza cun tutti !!!!
una burghesia chi un ha micca u pudere contru à una burghesia chi l'ha avutu troppu.
À quandu l'autoterminazione di u populu !?

21.mandatu da o quellu u 26/03/2014 10:05

fate cume vulite.

capiscu a dillusione di tutti.

e capiscu quelli di Corsica Libera chi anu l'impressione d'esse da cantu

22.mandatu da Vomitu u 26/03/2014 10:36

Piscà, piscà, andemu à piscà.
Ghjè una canzona di Regina è Bruno.

23.mandatu da acquaviva u 26/03/2014 11:20

cume in portivecchju simeoni ha messu d'accantu i naziunalisti per ghjunghje a u putere e in portivecchju angelini s'he ancu alleatu a u peghju partitu naziunalistu francese quellu di melenchon l'amicu di riolacci e bucchini.GHJUNTI A U PUTERE COSA PUDERANU FA :certe volte he megliu d'un vince piuttostu che di cambia e faccie di quelli chi so eletti.ECCU CIO CH'ella diventa un idea smorfiata per ghjunghje a u putere fussu solu municipale:valia u colpu di lascia corsica libera, scumunicatu perche naziunalistu, per cumpiace a manca e diritta francese.MA SIMEONI E ANGELINI UN SO MASSONI ?UN IMPIEGANU TRAMINDUI U STESSU VUCABULU VIOTTU DI SENSU D'IDEE DI PRUGRAMI?UN HE L'IDEOLOGIA REPUBLICANA QUELLA DI L'UNIVERSALISMU BRACCIU ARMATU DI U CULUNIALISMU FRANCESE.METTE ZUCCARELLI FORA VA BE MA PER CHI FA PULITICAMENTE E IN CUNCRETU?SEREBBE ELETTORE IN BASTIA MI PAGHEREBE U PIACERE DI METTELI FORA O MI NE STEREBBE A L'OZIU? O SIGNORE FATEVOI!

24.mandatu da Eccu u 26/03/2014 11:38

Era a sola suluzione per caccià stu topu.

Preferiscu una MST à u cancaru.

25.mandatu da glabouni u 26/03/2014 11:51

Pigliate u vostru vogalene per vutà dumenica mattina, cusì ferà sempre effettu per a partita Rennes-Bastia #realpolitik #prammatisimu

26.mandatu da glabouni u 26/03/2014 11:51

Pigliate u vostru vogalene per vutà dumenica mattina, cusì ferà sempre effettu per a partita Rennes-Bastia #realpolitik #prammatisimu

27.mandatu da glabouni u 26/03/2014 11:52

Pigliate u vostru vogalene per vutà dumenica mattina, cusì ferà sempre effettu per a partita Rennes-Bastia #realpolitik #prammatisimu

28.mandatu da Antò u 26/03/2014 12:02

1 glabouni

Megliu què che 30 anni di Zuccarelli torna

29.mandatu da tavanincu u 26/03/2014 12:13

Salutu u curagiu di Gilles Simeoni chi si face insultà dapoi 2 ghjorni.

Forza !

30.mandatu da bastiacciu stortu u 26/03/2014 12:42

Quattr'ore venenu di sunna ..so semprè in traccia di manghjia ...a Meeerrriiiiiaaaa......!!!

31.mandatu da henry smart u 26/03/2014 12:46

Eiu un so micca ind'è l'insultu ! cercu à capì chi votu ! dunque ghje u nostru dirittu di participa à u dibbattitu è d'un esse d'accunsentu. He vera certi si scatenanu è mischjanu tuttu. pigliemu à portivechju, angelini ha fattu alleanza cun certi di u fronte di manca chi so vicini à maria guidicelli. Mi pare chi c'he una cuerenza vistu e pusizione !
E po l'anu fatta nanzu à l'elezzione. jc.a ha ancu dettu " chi cusi un intrappulemu à nimu tra i dui giri cu un acconciu eletturalistu fattu in 24 ore"
Per Bastia, he più difficiule à accetta sicondu me !
In quant'à i raporti tra Corsica libera è inseme he tuttu cumedia. i primi anu sceltu elli di parte qualchi annu fa. e l'altri anu a scusa di a viulenza clandestina ( ch'un esiste più ind'è i fatti), chi un si po palisa in publicu certi rimproveri .

32.mandatu da samantha fox u 26/03/2014 12:49

Què Tavanincu, si chjama a pulitica!! Zuccarelli sò 50 anni ch'ellu si face critica è guarda cum'ellu hè in forma!! ciò chì ùn tomba, ingrassa (assai d'attualità, mi pare nò?)

33.mandatu da sumenacitu u 26/03/2014 13:53

s'è no simu cuntenti d' Hollande seremu cuntenti di Simeoni!!

34.mandatu da anto u 26/03/2014 14:34

Cum'ellu dice u pruverbiu arabu "o Jean: hai manghjatu u muntone ci vole a caga a lana !"

http://www.blog-anto.be

35.mandatu da simu freschi u 26/03/2014 15:09

Avà l'unione hè necessaria ùn simu più à chjachjare

per a paranoia d'ognunu di viderà dopu

36.mandatu da simu freschi u 26/03/2014 16:01

si viderà dopu, scusate

37.mandatu da Ùn ci hè male u 26/03/2014 16:07

BASTIA: FEMU A CORSICA cù diritta è Tatti (manca? Diritta? Tattistu?...)
CORSICA LIBERA...Fora!

PURTIVECHJU: FEMU A CORSICA cù a Manca
U RIACQUISTU ... Fora!

AIACCIU : FEMU A CORSICA cù CORSICA LIBERA
Micca associu cù Renucci

Cuerenza naziunale micca, solu un calculu lucale par parmette à "parsunalità" di ghjungne à "e rispunsabilità" (sic) o di pisà nant'à l'elezzione par aiutà (à a zitta è à a muta) à quellu chì ci intaressa u più.

Di fatti di "Muvimentu Naziunale" ùn ci n'hè più, ci hè solu un inseme di gruppi in manu à picculi gruppi di parsone chì facenu e so cumbricule, a so pulitica (scusate) sigondu i so intaressi particulari.

Ùn ci hè male, basta à sapella chì cusì dilusera ùn ci ne sarà.
U naziunalisimu ùn hà cambiatu i puliticanti corsi (malgradu ciò ch'elli dicenu), sò i puliticanti corsi chì anu cambiatu i naziunalisti ma ...forse ch'elli eranu aghjà cusì?

38.mandatu da simu freschi u 26/03/2014 17:07

"la carpe le lapin et le loup" ? percò, quandu u caccaru (o babbone o papy) di jean hà fattu l'unione cù i cumunisti per piglià a merria à Faggianelli in 68, cosa era ? a volpe è i corbi

39.mandatu da proffu u 26/03/2014 21:00

quelli di corsica libera un ne devenu vulè che à elli stessi , a so incapacità e u so mancu totale di credibilità .. ch'elli tirinu e cunsequenze di i so sbaglii e u di u perchè di i so scori di miseria .. s'arripiccanu à a solidarità cu una lotta armata ch'un esiste più nu i fatti e chi l'impedisce di fà alleanze ..in piu ci vole à parlà da quale elli so riprisentati e dumandàssi cumu omu po avè a voglia di vutà per certi capilista senza carisimu e incapaci di sorte di discorsu stereottipati .. un li ferma dunque che u pudere di nuce : un l'hanu micca inventatu elli , anni fà i cummunisti fecianu vutà in sottu per a diritta contr'à i sucialisti , chjamavanu que u "votu rivoluzionariu " curiosu quantunque di vede riclamà di fà lista communa da quelli chi sei anni stracciavanu a sera tutti l'affissi di gilles o ancu chi impiastravanu i muri di "pnc kollabo" .. curiosu dino quandu so quelli chi nu u listessu tempu s'acconcianu cun giacobbi à l'assemblea fendu passà i buggetti o ancu chi si piglianu a camera d'agricultura di u cismonte inseme cu i giacubbisti , chi caccianu un prisende di a camera di u pumonte femu a corsica per mettene unu di l'ump .. ma elli so puri e duri (lolu) e danu e lezzio !!

40.mandatu da simu freschi u 26/03/2014 21:06

Blaise Pascal hà scrittu "Vérité en deça des Pyrénées, erreur au delà", cusì accade in Corsica : Verità di quà di Vizzavona, sbagliu al di là. Pè u Jean Zuccarelli di Bastia, ci vole à calcicà u naziunalisimu funestu, pè u Jean Zuccarelli d'Ajacciu, u so cuginu carnale, si pò esse candidati nantu a lista di Renucci à fiancu à i naziunalisti è ancu appena si truvava cun José Filippi. L'avia detta Biasgiu, quellu sì chì ci capia

41.mandatu da Zeruffu u 26/03/2014 22:52

Zuccarelli hè l'omu chi ha tumbatu a Corsica.
L'omu di u riferendu mancatu di 2003. L'omu di u INNÒ à tuttu. L'omu chi chjamava i Francesi à mette i Naziunalisti in prigiò. L'omu chi insultava a ghjuventù. L'omu chi hà distruttu tuttu è chi ci hà fattu perde 10 anni, purtenducci a betunizzazione è u banditismu.

FUTTEMU FORA I ZUCCARELLI PER SEMPRE !

42.mandatu da hantzu u 26/03/2014 23:26

Eccu Zeruffu. Fora e basta. I conti si feranu dopu.

43.mandatu da henry smart u 27/03/2014 00:36

Ie o proffu. abbastanza d'accunsentu cun tè !
possu critica femu/inseme ma da capu à e lezzio di Corsica libera !!!! que po allora lasciemu corre !
per piace, un ci fate u colpu di u tradimentu !!
voi chi v'accunciate cun certi maffiuselli/maffiusone è l'ump ...in parechji lochi.
ie per a camera d'agricultura...e per tuttu u restu !!
u prublema di Corsica libera un he micca una lotta armata sincera ! so tutte e cumbriccule mancu appena revoluziunarie ! so dure di che ??
ava l'altri ? ghje vera chi diventa una mossa à pezzi è à bucco .

44.mandatu da basta ! u 27/03/2014 00:45

Per piacè, n'avemu intesu abbastanza !

Avemu capitu chi CL/Inseme un so d'accordu

Un' vale a pena d'aghjustane, basta l'auto-destruzione !

45.mandatu da ohimè u 27/03/2014 01:01

si capisce a desillusione di corsica libera....
si capisce a voglia di rende davant'à st'unione....
si capisce quelli chi volenu caccià i Zuccarelli....

i campi anu datu i so punti di vista.. un si puderanu sente

un vale piu a pena di cummintà, forse si po chjode u dibatitu. videremu dumenica avà. e aspettemu a seguita

46.mandatu da carlu u 27/03/2014 01:48

Zuccarelli FORA PER SEMPRE !

u restu Mnf !

47.mandatu da Vomitu u 27/03/2014 07:06

O Sgiu Proffu, voi chì sapete tuttu, spiecatemi un pocu : in Aiacciu, in Corti o altrò via site adduniti à Diabule ?
È in Portuvechju hè colpa di Corsica Libera si i Simeonisti facenu perde à Angelini ?

48.mandatu da proffu u 27/03/2014 07:45

digià un aghju mai dettu chi corsica libera era u diavule : ci so i militanti sinceri ma difendenu una ligna ch'hà fiascatu tuttu u longu ch'hè un pezzu e i so capizzoni un hanu mai sappiutu tiràne e cunsequenze (ti feraghju rimarcà chi guasi tutti i militanti di FAC venenu da l'anziana Cuncolta ..) . In aiacciu e in corti era piu faciule di fà l'unione postu ch'un c'era nunda à vince (ne à perde) ,per cio chi tocca à bastia e purtivechju hè vera chi hè disgrazievule chi à u statu attuale corsicza libera ca un sia micca in capacità d'offre un alternativa credibile o d'integrassi à st'alternativa (aghju digià dettu perchè)

49.mandatu da O CORSU RIFLETTI u 27/03/2014 11:52

A tattica di Simeoni fendu l’unione cù sucialisti è cù a diritta seria un bè o un’alba nova sì a Corsica andessi versu l’Autunumia scartendu l’Indipendenza impussibule. Ùn si puderebbe capisce chè cusì u ricusu d’alleanza cù Corsica Libera. S’ell’hè a megliu suluzione per una Corsica appaciata perchè micca ? Avà ci vole à sapè si veradimente si cerca l’Autunumia o s’ell’ùn hè chè un cambiamentu d’omi per a sacchetta.

50.mandatu da un idea... u 27/03/2014 12:02

Piutostu chi di parlà d'autonomia o d'indipendenza, perche micca travaglià nant´a u piu urgente : u statutu di residente

5000 francesi in per annu, eccu cio chi ci tomba

Mettemu ci d'accordu, CL, FAC e eletti "di prugressu" per ghjunghje à què, in furia

Ci hè urgenza