Accueil
Envoyer à un ami
Version imprimable
Partager

26 d'aprile di u 78 : Bastia in finale di a cuppa d'Auropa

36 anni fà, Bastia ghjucava una finale di cuppa d'Auropa... in un fanghicciu.



26 d'aprile di u 78 : Bastia in finale di a cuppa d'Auropa
S'è vo ùn l'avete campata, di l'epupea di Bastia ne cunniscite parechji affari : una canzona d'Hubert Tempête, una vittoria in a neve in Torino cù Chariots de Feu di Vangelis, un paghju di guanti rossi è "Castellini n'en revient pas".

Cunniscite a bella storia : sette vittorie cunsecutive contr'à Lisbona, Newcastle, Torino. Una chjiba 7 à 2 in quarti di finale contr'à Iena, è un macciu di legenda contrà i Grasshoppers di Zurich è una rete di Claude Papi :



Eppo ci fù a finale contr'à u PSV Eindhoven. Tandu e finale di cuppa UEFA si ghjocanu in duie partite, andata è ritornu. L'andata si ghjoca in Furiani.

Ma ci hè statu un veru dilluviu nant'à a Corsica. Hè piossu à rivocchi durante ore è ore. Nant'à u terrenu d'Armandu Cesari l'acqua s'appozza è si cerca di caccialla quant'ellu si pò : stagnoni, spazzòsule, sacchi di cimentu... ùn ci hè nunda à fà.

Hè chjara ch'ellu ùn si pò ghjucà. Ma ci hè un almanaccu à rispettà. Da quì à qualchì settimana principia u mundial argentinu. L'arbitru iugoslavu Maksimovic ùn vole sente nunda.

Durante novanta minuti u purtiere neerlandese Van Beveren caccia tutti i tiri di l'attaccanti bastiacci. È nant'à a sola azzione di a partita induv'ellu hè battutu, hè... un pozzu d'acqua ch'impedisce u ballò di francà a linea.

Finisce zeru à zeru. Pè a prima volta in st'epupea bastiaccia, u SECB ùn vince in casa soia. N'hè finita di i sogni di cuppa.

À u ritornu i leoni di Furiani ùn tenenu u colpu. Disfatta trè à zeru.

Chì saria stata sì a partita andata si saria ghjucata in cundizioni nurmali ? Ùn si saperà mai...

Qualchì leia :
L'epupea nant'à Spiritu Turchinu
U situ Bastia 78
U ducumentariu di Michel Moretti fattu in u 1988

È di siguru u filmettu di Jacques Tati è a so figliola Sophie Tatischeff, "Forza Bastia" da vede nant'à Vimeo

26 d'aprile di u 78 : Bastia in finale di a cuppa d'Auropa


26 d'aprile di u 78 : Bastia in finale di a cuppa d'Auropa


26 d'aprile di u 78 : Bastia in finale di a cuppa d'Auropa

26 d'aprile di u 78 : Bastia in finale di a cuppa d'Auropa

26 d'aprile di u 78 : Bastia in finale di a cuppa d'Auropa

26 d'aprile di u 78 : Bastia in finale di a cuppa d'Auropa



26 d'aprile di u 78 : Bastia in finale di a cuppa d'Auropa

26 d'aprile di u 78 : Bastia in finale di a cuppa d'Auropa
Nò, hè un ghjucadore di u PSV cù a maglia bastiaccia.

u 26 d'Aprile 2014



1.mandatu da llija pantelic u 26/04/2014 21:57
voilà, avà pienghju...

2.mandatu da Pititu u 26/04/2014 23:22
Un era che un zitellacciu tandu, mà c'era incu babbu e ziu....un mi scurderaghju mai ancu se no simu stati scunfitti à a fine.

3.mandatu da sardu u 27/04/2014 11:50
almenu avete batutu u torino... eu chi sò juventinu vi diraghjiu sempre...BRAVI!!!

4.mandatu da zizu u 27/04/2014 12:46
aghju sempre a bandera

5.mandatu da orsoni u 28/04/2014 19:44
o zitè, site tutti morti quelli di l'epica ??!!

Novu cumentu :