Accueil
Envoyer à un ami
Version imprimable
Partager

75% di residenze segundarie, ùn basta micca

Per Antoine Giorgi (merre UMP di Sarra di Ferru), e residenze segundarie sò un bè pè a Corsica è ne ci vulerebbe di più. Rapresentanu 75% di e case di a so cumuna...



75% di residenze segundarie, ùn basta micca
Antoine Giorgi, hè appena u Frédéric Lefebvre corsu. Cappia e bombe per vede sin'à induve a cunneria pò andà. Ma cun ellu almenu e cose sò chjare, ci vole à custruisce !

Criticatu nant'à u fattu chì in a so cumuna ci sò più di 75% di residenze segundarie, hà tenutu à difende stu risultatu nant'à l'onde d'Alta Frequenza.

D'altronde ricunnosce stu sciffru di 75% di residenze segundarie nant'à a so cumuna. Ma d'appressu à ellu, 70% di e residenze segundarie appartènenu à i Corsi. Semu salvi ! Pudemu dunque cuntinuvà à scempià u paisaghju n'importa cumu postu ch'è no scempiemu corsu.

Ma siamu onesti. Hè vera chì in i paesi di l'internu a magiurità di e case sò residenze segundarie di Corsi... per avà ! Visti i prezzi, di menu in menu sò i Corsi à pudè cumprà.

In quant'à u bor'di mare, face un pezzu chì in certi lochi i Corsi sò minuritarii, o ne sò ancu smariti. Basta d'andà à vede in i lotissements di Portivechju.In Cala Purcina o in Sperone, Antoine Giorgi ci cunfirmerà chì 70% di quelli chì ci stanu sò Corsi ?

Ma l'omu và ancu più luntanu : ste residenze sò un bè per a cumuna, aiutanu à u so sviluppu. E tasse d'abitazione di i residenti anu permessu di sviluppà e rete di cundutti è d'elettricità : "s'il n'y avait pas eu autant de résidences secondaires, nous n'aurions pas pu réaliser ces équipements".

CQFD ! Cuntinuvemu a lògica di u "sempre di più" : ghjente, ecchippamenti, strade... è tantu peghju s'è no perdimu a nostra identità è a nostra qualità di campà. Postu chì l'abitanti novi di i lotissements anu u "tout à l'égout" è a TNT, tuttu và bè !

U festivale Giorgi cuntinuveghja : s'è no ci piantemu di custruisce "on va tuer la Corse !" I capizzoni (Giorgi n'hè statu unu, era à l'esecutivu di a CTC è era à u capu di l'ATC) ùn anu ancu capitu chì a ricchezza di a nostra isula era ghjustu à puntu a so natura priservata da l'invasioni è a pressione immubiliare chì sfragella tuttu.

Megliu : Per ellu bettunizà hè un cumbattu suciale. S'ellu ùn si cunstruisce à buzeffu, "les prix vont augmenter de manière importante, et en augmentant les prix on aura des difficultés". Serà per quessa ch'ellu ci vole à sviluppà residenze è lotissements, è micca allogi suciali.

I 30.000 corsi chì càmpanu in a puvertà è e "classe mezanu" chì cunnoscenu e fine di mese à paghjolu seranu felice d'amparà chì i prezzi di l'immubiliare ùn sò micca crisciuti di manera impurtante. Sin'avà, a crisa era solu pè ride.

Speremu solu chì per Antoine Giorgi serà cum'è pè Frédéric Lefebvre. Ci vole à dì n'importa chè à a ghjente per abitualli à u peghju.

Ma Antò palesa chì u paisolu induv'ellu stà si chjama "Sarcunacciu". O Sarkunacciu ?

u 13 di Sittembre 2010
U Sgaiuffu



1.mandatu da Pucelle u 13/09/2010 22:49
Chì fà ? Ci vole...

2.mandatu da BOUYGUES u 14/09/2010 07:48
Tuttu u mondu parla di l'intaressu di a corsica, ancu quelli chi si dicenu naziunalisti...mà u veru intaressu ùn hè quellu di i corsi...mà di quessi ùn si nè parla tantu mi pare..

A "Corsica" vs i "Corsi" ????

3.mandatu da Felagà u 14/09/2010 09:17
Oh Pucelle...."fà saltà" un basta più......allora chi fà..?????

4.mandatu da nicolas sarà cusì u 14/09/2010 09:27
ùn ci hè più nunda à fà dapoi un bellu pezzu simu cotti , fritti è trafritti, ùn avemu mai avutu un stintu di resistenza malgradu e fole ch'elli contanu nantu à noi è chè no femu nice di crede o ch'avemu finitu per crede. I soldi è l'onori ci sò sempre piaciuti,sin'à pocu fà avemu tenutu chì ùn ci era tutti sti soldi ma oghje à u tempu di u neoliberalisimu è di u cunsumerisimu simu morti

5.mandatu da Pucelle u 14/09/2010 10:39
Felagà, in pulitica simu fritti. È "fà saltà", ùn basta micca perchè ci vole fà saltà di più. Incù i nostri "durs" chì sò più "mous" che "mous" ùn anderemu mai luntanu. Anche e case plasticate sì facenu ricustruisce.

Suluzione ? Vutate Tony Cardi. O micca, ùn simu micca abbastanza ind'a merda ahah

6.mandatu da micca nome u 14/09/2010 11:31
e puru ,chi s'omu quì , ùn a piu rispunsabilità pulitiche (forse d'esse merre , ma "bon") !Allora pò dì ,ciò ch'ellu volè !

7.mandatu da Felagà u 14/09/2010 12:20
@ Nicolas hai a raggio.. mà u più dispiacente ghjè di sapè chi certi hannu dà fà "carriere pulitiche" nant'à a morte di u nostru populu...e pè quessa si facenu passà pè ghjente bè.. "modérés" anti-racistes "non violent" è ben intesu Fra-Massoni... so .quelli chi hannu ruvinatu u naziulisimu corsu....avà lottanu pè "a corsica" è più pè i corsi, tuttu que hè statu messu in Ballu à i scontri di "l'isule Aland" incu Giacobbi..JCA è JFA è tant'altri......eu nanzu un veru annti-naziunalistu chi u falzu patriottu..

A bona ghjurnata à tutti..!!

ps : i più imbecile simu noi chi vutemu naziunalistu è chi credimu chi vutà Zucarelli o Camillou ghjè male...à ci facenu crede....quelli chi volenu à piazza...solu a piazza..!!

8.mandatu da machja u 14/09/2010 18:46
I corsi aspetenu sempre che l'altri,i frusteri, piglianu l'iniziativa di mette in piazza, o di sfruttà una trafila economica, o cumerciale,per lampassi daret'a elli mughjendu e noi, e noi !
Ghje cio chi se passatu cu i pedi neri in 60, quandu elli hanu svilupatu tutt'a costa orientale,u "miraculu di ipedi neri";i 59 u vignètu corsu hè passatu di 180 000 hl a 2 milioni hl in 71,e i corsi hanu messu quatr'anni per movessi cu l'affare di a vinnaccia e i morti d'Aleria.
Ma a lezione un l'hanu capita,so sempre a liticassi per l"elezione mentre chi l'altri facenu i so affari cu l'aiutu di l'eletti corsi.

9.mandatu da luciani u 14/09/2010 19:26
C4... ET C4 ET UN PEU DE C4 .

10.mandatu da GODF u 14/09/2010 20:46
@ Luciani H5N1 o Dengue ùn hè megliu è più efficace...

@ Machja. hè quessu u prublema..ghjè ch'elli facenu i so affari...in terra nostra è contra l'interessu generale di u nostru populu...è pè compie incu l'aiutu di l'eletti corsi di a francia è u silenziu di l'eletti naziunalisti...!!

11.mandatu da Jojo de serra di ferraux u 15/09/2010 14:00
cun Giorgi dettu "Jojo" almenu e cose so chjare : ci vole a custruisce sempre di piu, fà vene sempre di più mondu, n'importa induve, n'importa cumu...

cusi facenu elettori in più à tene : "vous avez vu monsieur Bougnard, on vous a mis le tout à l'égout, l'éclairage et le goudron, je suis gentil, inscrivez-vous sur les listes electorales !"

ci vole a crede che no meritemu veramente tutta sta mediocrità

GIORGI TU ES MEDIOCRE

12.mandatu da imbecille u 15/09/2010 16:44
intesu:

preferiscu i case a u muchju

preferiscu i case a i vacchi

ci vuleria ottu mesi cume u mesu d'agostu !!!!!

so diventati scemi!!!!

un si po piu vede u mare; ci so i muraddoni in igni locu

attenti: cane cattivi!!!!

purtoni eletricchi!!!!

case hispano-provençal !!! italo grecchi, franco-belge !!!!

green , pelouses, piscine, tennis, yacht

merguez !!!! chipolattas!!! saucisses de strasbourg!!! de toulouse!!!!










13.mandatu da anto u 15/09/2010 16:52
@felagà:si tu chi ai raghjo !U naziunalismu ha i so "bobo" cume i sucialisti e piglianu l'aperitiu insème a u caffè di a Pace, rifacendu u mondu . !Un ci po esse naziunalismu in "charentaises" ,cum'ell'un ci po esse cumunismu a l'assemblea ,u soldu face cambia a percezzione di u mondu !

14.mandatu da corsu u 17/09/2010 08:53
peghju che antoine giorgi c'he cesare filippi chi ,calchi anni fa, dicia ( corse matin): seria formidabuli di ave 6 000 000 turisti !!!!!!. digu be sei millione di turisti !!!!! . semu a tre millione..fate a vostra opinione per l'annu chi vene nanta i strade cu u doppiu di turisti !!!!
bona salute

15.mandatu da per ride u 19/09/2010 18:06
@ felaga è Nicolas

Aiò aiò chì guigna ch'è vo fate, ci vole à ride. À mumenti a Piazzetta diventa un veru murtoriu, oimè!

Avete troppu cuscenza, hè da quessa ch'è vo sete cusì neri. U megliu hè d'ùn pinsà, si stà cusì bè quand'omu un pensa micca.
Eiu aghju decisu d'ùn pinsà più è cusì cumenciu à truvà un pocu di pace, è prestu a felicità.

Fate cum'è mè ch'osinnò v'hà da accade calchì magagna di quelle pessime pessime.

Aiò ridimu tutti inseme, ridimu ridimu...

16.mandatu da ferrandinu u 20/09/2010 22:53
O à Jojo... Un hà paura di nunda chi t'hà u sustegnu di i so amici cari. E cum'è i soii, ùn l'avete voi...
L'omu face piazza à i novi vinuti da cuntinente è à noi ci firmarà a piazzetta pè truvà un vicinu corsu.
Basta cusì ò Giorgi, ch'hè digià troppu...

17.mandatu da Cochise di Serra di Farru u 22/09/2010 13:07
‎PRUVERBIU INDIANU

"Quandu l'omu averà tagliatu l'ultimu arburu, impuzzicatu l'ultimu fiume, tombu l'ultimu pesciu, allora capiscerà chì i soldi ùn si manghjanu micca"


POVERU A TE O GIORGI

18.mandatu da antoine u 16/01/2011 01:28
speculatori fora

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta