Accueil
Envoyer à un ami
Version imprimable
Partager

A carta di a Corsica di l'amirale Piri Reis

À u seculu XVI, l'amirale turcu Piri Reis si lancia in a realizazione d'una carta di u mondu. A so rapresentazione di e coste è di l'isule di u Mediterraniu hè a più bella è a più cumpletta di a so epica.




Piri Ibn Haji Mehmed dettu "Piri Reis" ("reis" vole dì "cummandante" in turcu) fù un capitanu famosu di l'imperu ottomanu.

A carta di a Corsica di l'amirale Piri Reis

Ma s'hè fattu cunnosce sopr'à tuttu per a so opera di cartugrafia. Era passiunatu pè e carte è e cullezziunava. À partesi da quesse, hà scrittu un librone chjamatu "u libru di u mare" (Kitab-ı Bahriye) trà u 1511 è u 1521.

Ricensa in detagliu i porti, golfi, cale, coste, bocche è isule di u Mediterraniu ma ci si trova dinù infurmazione nant'à i populi è i paesi cunnisciuti.
A Sicilia (fiura : Wikimedia Commons)
A Sicilia (fiura : Wikimedia Commons)

Opera di sintesi trà e culture orientale è occidentale, u libru hè cunsideratu cum'è unu di i più famosi purtulani è atlanti marini di u so seculu.

A Sicilia (fiura : Wikimedia Commons)
A Sicilia (fiura : Wikimedia Commons)

Frà e numerose carte belle è culurite, ci si trova ben'intesu a Corsica :


Hè l'alfabetu arabu chì hè utilizatu per scrive i nomi di locu. Ma ùn ci vidite nunda di male hein ! Ùn vale a pena di dì ch'è no semu per l'islamizazione di a Corsica.

u 19 di Ghjenaghju 2017



1.mandatu da Giacomoni u 19/01/2017 11:58
A sciabula turca hà scumpertutu a Corsica da Egriate fin’à Cagna. Ùn hè micca u Pumonte è Cismonte ghjenuvese.

Luigi G.

2.mandatu da Le duc de Pie-Chatel u 19/01/2017 14:14
Saria interessante di traduce i nomi arabi di i lochi.

Novu cumentu :