Accueil
Envoyer à un ami
Version imprimable
Partager

A passione di u goffu

In Corsica semu i più forti pè rende goffu ciò chì l'antichi avianu fattu di cusì bellu. Ancu in i paesi, corre u bettonu... Sta volta, semu in Bisinchi.



A passione di u goffu
Cumu serà chì i Corsi sò diventati cusì forti pè arruvinà u so patrimoniu ?

Pigliate un chjassu, à mezu à u paisolu di Vignale, cumuna di Bisinchi.

Piuttostu ch'è di rifà una ricciata à l'usu anticu (sapete, un chjassu di petre arritte), à mezu à i so pagliaghji è e so case di petre, ebbeh pigliate una bétoneuse, fate macinà durante qualchì minutu è lampate tuttu à rioccu : ottenite un magnificu scumpientu di cimentu armatu bellu goffu, à l'usu corsu d'oghje.

Francamente, chì si pudia fà di peghju ?

Sì voi dinù site testimoni di un bellu arruvinamentu, mandateci i vostri ritratti : apiazzetta@free.fr

u 30 di Lugliu 2011



1.mandatu da chjara murgana u 30/07/2011 12:21
ùn he cusi bellaghju, he vera ma m he parsu d'ave capitu à a telè ch'ell avianu fattu stu travagliu per permette a i vechji di rientre nu e so case d'inguernu senza incrusciassi i pedi. E s'o ùn me sbagliu, l'anu fattu aspettendu d'ave i soldi per fa a so ricciata antica chi quella, ùn costa manca appena listessu prezzu.
Alora sicura chi spessu, ind'e noi, u pruvisoriu dura ma ci vole a ricunnosce dino ch'in corsica, simu forti per critica.. :)

2.mandatu da estrimei u 30/07/2011 14:08
pe stu stravellu di Bisinchi ne anu fattu un cuncistoriu . a u foru di rcfm avemu autu u chjam'e rispondi , paisani , meri, contra- meri anu dettu a soia .anu fattu st'impiastru ? tantu peghju .
a disgrazia he chi u bisognu di a muernisazione face volle i cerbelli paisani : per avè e case pulite , caccianu e riccite e mettenu u tighjatu chi d'estate s'arricoglie tuttu u calore e chi d'inguernu he un veru strappacollu.
e po, ci sò ste petre di Brandu chi nu i paesi di a castagniccia , mercanu u sette !
e po , e po , e po ci so si ghjunghjicci chi volenu fà di ogni paese "un petit coin de Provence" .... e u peghju he ch'omu li si dà capu!!!

3.mandatu da estrimei u 30/07/2011 14:11
scusate , i mio sbagli : face (volle ) bolle i cerbelli . (e riccite) e ricciate

4.mandatu da machja u 30/07/2011 14:40
Quessu si vede in ogni paesi, i nostri paisani volenu campà in muntagna cume li campanu in cità, inde mè u mère ha difèsu a u pastore di fà passà e bande di capre per u strado, ch'ell'imbrutanu di cacàti scumudendu u nasu e l'occhji inciviliti.Ma e vitturone chi impuzzicheghjanu l'aria un li scumudenu mica.
Tempi e tempi !!!!

5.mandatu da ANTO u 30/07/2011 16:07
hè peghju in duv'elli un facenu nulla !

6.mandatu da estrimei u 30/07/2011 16:21
e capre puzzanu , i cani cacanu , i ghjalli cantanu , e svucialate discetanu, ma a e "vaches a prime " , li si face riverenza

7.mandatu da J G u 30/07/2011 19:20
O , O , O chi peccatu , chi ruina , ne stô zenza voce ,

8.mandatu da Suffredini Marie Thé u 01/08/2011 21:11
Per infurmazione : stu chjassu in "beton" hè statu fattu provisoriu per permette à a personna anziana chi stà sopra di rientre in casa soia. Ci hè un prugettu di rifezione di e canalisazione (chi pasanu sottu à stu chjassu) per qui st'anu chi vene, tandu sera rifattu in techje.
Hè statu dinu prupostu à i paisani un devisu per un chjassu in petre di Brandu.

9.mandatu da anonimu u 03/08/2011 15:20
è sempre più faciule di criticà tuttu e n'impurta che che di gestì una cumuna à u cottidianu ma quantunque , un picculu cunsigliu : e petre di brandu lasciatele in brandu ... e sappia chi ci so e imprese sempre capaci di rifà e ricciate e à usu anticu (l'hanu fatta nu u mio paese).

10.mandatu da naziunali u 04/08/2011 20:40
a vita ghje fatta a scala a chi colla a chi falla

11.mandatu da J G u 04/08/2011 21:27
ssu chjassu un 'hé piu una scala ma una sculiscella ! ! !

12.mandatu da ANTO u 05/08/2011 14:33
cum'ellu dice u pinzutu "laisse béton !"

Novu cumentu :