Accueil
Envoyer à un ami
Version imprimable
Partager

Attenti à e vostre arechje, ghjunghje "The Corsica Sound"

"The Corsica Sound" ? Chì serà torna què ? Un cosu di DJ di paillote, di musica electrò per lonzi techji à mojitos à u mare ? Difatti, manc'appena. Unepochi d'ex-Cantelli si sò rimessi à travaglià inseme, è casca bè, n'aviamu bisognu.



Attenti à e vostre arechje, ghjunghje "The Corsica Sound"
Bon d'accordu u nome face pensà à un gruppu di scurnachjoni in brama di "soirées branchées électro-pop à la plage", ma manc'appena.

Dop'à dui cultissimi dischi ("I Cantelli", in u 2001 è "Cunniscenza di u corpu umanu", 2005) i membri di I Cantelli anu tutti pigliatu una via differente. Forse era venutu u tempu ch'ognunu fessi un pezzu di caminu solu, dop'à anni di vita in cummunità.

Ma "dop'à centu anni è centu mesi, l'acqua torna à i so paesi".

Hè cusì chì in u 2013 unepochi di l'antichi Cantelli tornanu à travaglià inseme à a dumanda di Jean Leccia, per illustrà una scena di l'ultima stagione di Mafiosa. Ci vulia forse à passà per quessa per ch'elli si dessinu appena di rimenu è facci infine qualcosa di bè.

Fatta quessa, Tonton, Paul Cesari, Paul Miniconi è Bruno Vidal lancianu The Corsica Sound, un album di quattru tìtuli (ahè ! Ne vuliamu di più, noi !) induve si ricunnosce bè a zampa di quelli "post-punk en milieu semi-rural".

Quattru tìtuli, ma quattru tìtuli putenti. Per Tonton : "quand les premières réactions aux maquettes ont été : "la voix est trop saturée", "on comprend rien", "on entend pas le chant", j'ai su que j'étais sur la bonne voie."

Dunque, site prevenuti, ùn si capisce nunda, hè veru rock (micca quellu di i "rockers en mocassins"), sò azezi è sò di ritornu. È face prò in un paisaghju musicale induve tuttu u mondu s'assumiglia appena troppu, è chì forse s'addurmenta appena troppu. A so ambizione : « Tena arrittu pà ùn cascà !».

Di sti quattru tìtuli chì sò nant'à Deezer n'anu ricacciatu unu per fanne un clip : Ùn sà chè.

Dicenu nant'à u so situ ch'ella hè a prima tappa di stu cullettivu, è chì "ripartenu, mà sta volta… gattivi !". L'avete capita, noi semu fans è aspettemu a seguita.


u 10 di Sittembre 2014



1.mandatu da sardu u 10/09/2014 18:46
oh ma alizée chi fine ava fattu?

2.mandatu da sardu u 10/09/2014 18:55
aiò i kongoni a u mare no!!!! ahahahahahahaahah

3.mandatu da acqualacciu u 10/09/2014 23:21
I Daft Punk nustrale...

4.mandatu da Casata u 11/09/2014 10:38 (da un teleffuninu)
Mancu male ! Mi piace

5.mandatu da U Tumbatodi u 11/09/2014 16:00
Mbeh... Hè troppa "electro" quissa, priferiscu li 3 altri canzoni di u dischettu, quissi sì chi sò rock'n roll !

6.mandatu da corraDO u 02/12/2014 12:41
Sintiti questa :

https://www.youtube.com/watch?v=X0v3mBRTlCU

:)

7.mandatu da corrado u 02/12/2014 12:49
è quess'autra.
https://www.youtube.com/watch?v=LYeEV1ZEVpQ&index=2&list=RDz8_fl2UL0L0

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta