Accueil
Envoyer à un ami
Version imprimable
Partager

Corsicagoffa : cumu a Corsica hè diventata goffa

Strade, centri cummerciali, parkings, lotissements, discount... A Corsica s'assumiglia di più in più à una banlieue francese senza anima.



Corsicagoffa : cumu a Corsica hè diventata goffa
Corsica, terra di belli paisaghji, di paesi pittureschi è di natura salvàtica ? O piuttostu di parkings, hangars, lotissements è centri cummerciali ? Cù l’urbanizazione frenètica è a splusione demugràfica di st’ultimi anni ùn s’hè mai custruitu tantu ch’è oghje, n’importa induve è n’importa cumu. Di più in più a Corsica s’assumiglia à una banlieue di Francia senza anima...

In Corsica avemu l’arte è a manera di strughje è d’imbruttà ciò chì era bellu è ciò chì facia a nostra ricchezza. In i paesi cum’è nant’à u liturale, dimmula franca a Corsica diventa goffa. Sott ’à a pressione demogràfica (+40 000 abitanti in 10 anni, a magiurità di ghjunghjiticci) ci vole à custruisce, di preferenza n’importa induve è n’importa cumu.

U fenòmenu cresce : e zone rurale sò manghjate è ingullite da u catramu è u bettonu, u liturale hè toccu da u “mitage”. Ma st’urbanizazione ùn hè micca cusì caòtica ch’è ciò ch’ellu si puderia pensà : hè u fruttu di e scelte pulitiche è ecunòmiche. Si cummencia in l’anni 60, s’allarganu e strade dipartimentali, pianu pianu smarriscenu l’attività agrìcule à prufitt u d’attività pè l’urbani (gîtes, centres équestres, turisimu verde...) Si cuntinuveghja in l’anni 1982-83 cù e lege di decentralizazione. Da per tuttu u terzettu chì passa è vince hè quellu di e strade + zone cummerciale + lotissements. Hè l’epica di e ZUP, ZAC, ZI ecc... E cità si stèndenu nant’à e terre rurali. A rete di strade cù i so “ronds points” sò in pienu sviluppu.


Sviluppu anàrchicu è acculturazione

À l’intornu hè a grande distribuzione chì hà u ventu in poppa. No parking, no business ! I giganti di u settore compranu centinaie d’èttare pè riceve e vitture di i cunsumatori. A Corsica hè tocca da u fenòmenu in l’anni 80. Ma u tsunamì sbatte veramente à u principiu di l’anni 2000, cù a splusione demogràfica ch’è no cunniscimu.

Ci vole à sapè (hè l’INSEE chì ci l’ampara) chì sta pupulazione cresce sopr’à tuttu per via di u “solde migratoire”, vale à dì di a venuta di pupulazione d’in altrò (circa 4000 à l’annu). Tuttu què si passa in u periurbanu. In ogni lochi casamenti novi (micca solu residenze segundarie), tutti listessi, senza anima, senza identità.

I punti di strutt urazione sò i lochi di cunsumazione, fast food, discount, magazini, centri cummerciali, hangars... E terre à vucazione agrìcula smarriscenu, allora ch’è no sapemu chì l’avvene serà a pruduzzione lucale.

Lochi di cultura di siguru, ùn ci n’hè. A RN 193 s’assumiglia à una serata nant’à TF1 : ùn si vede ch’è pannelli è insegne publicitarii.

L’accunciamentu di u territoriu hè impostu da e putenze finanziarie chì orientanu cum’elli volenu i flussi demogràfichi. Ùn ci hè micca prugettu di sucetà per ghjunghje à una demograffia appaciata. Hè u cuntrariu : ghjunghjenu masse di ghjente chì si fissanu in lochi induv’elli ùn si muveranu più, perchè chì averanu tutt u sopr’à locu. Hè l’esempiu di u “plus grand Hyper U de France” custruitu in Furiani (Corse-Matin di u 1u ferraghju 2011), à u centru di 1300 allogi è casamenti novi. U prugett u prevede ancu un decoru di u “Vieux Bastia” (sic) chì dispenserà d’andà in u “veru” Bastia.

A Corsica cunnosce un scunvulgimentu prufondu di u so territoriu, di i so paisaghji. Di siguru, ùn si tratta d’esse nostàlgicu di “A Corsica di i paesi di tandu” è d’idealizà u passatu. U scambiamentu ùn si pò evità. Ma ciò ch’ellu si passa hè u terramotu demogràficu, suciale è culturale. Cumu a ghjente chì si stalla hà da scopre a Corsica è integrassi ? Chì diventerà u restu di a Corsica senza ste “grandes surfaces” ? Cù unepochi d’indìgeni abbambanati è addisperati ? Averà da nasce una spezia di no man’s land tamantu cun qualchì pezzu di cunsumatori acculturati ? Aviamu l’ecunumia di mercatu : benvenutu in a sucetà di mercatu.
Corsicagoffa : cumu a Corsica hè diventata goffa

Generazione cunsumazione

A Corsica hè una di e regione di Francia chì hà a più forte prupurzione di magazini è di centri cummerciali di pettu à u nùmeru d’abitanti (statistica di l’INSEE), allora ch’ella ùn pruduce guasi nunda. In pocu tempu in u circondu di Bastia s’hè custruitu unu di i più grandi Quick d’Auropa è ci serà unu di i più grandi Hyper U di Francia. Hè stunante, vistu chì a pupulazione hè poca. I Corsi sarianu in traccia di diventà i più grandi cunsumatori di u mondu (sapemu digià ch’è no semu i più grandi cunsumatori d’anti depressori) ? Allora ch’elli perdenu a so cultura, a so lingua, a so identi tà... Et qui on est ?
Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

«Archiluxe», seria fottogràfica di Léa Eouzan www.leaeouzan.com
Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

Corsicagoffa : cumu a Corsica hè diventata goffa

u 25 di Marzu 2011
apiazzetta.com



1.mandatu da corsicadisgrazia u 25/03/2011 09:02
Aviamu un'isula magnifica cu un populu fieru e travagliatore, e generazioni avenne averanu un'isula di rumanzula e un populu di feneanti mafiosi. Simu tutti culpebuli cu i nostri cari eletti in testa. CORSICA NOSTRA TERRA D'EROI RIZZATI FIERA FALLA PER NOI . Mi si pare chi qualchissia appii dettu Corsica non avrai mai pace !!!!!!

2.mandatu da dumè u 25/03/2011 10:27
Ghjè esattamente ciò ch'eo mi dicu ogni mane quandu falgu di paese..." comme c'est goffu... pour les touristes on doit vraiment être des pumataghji"! Peccatu...

3.mandatu da topupinutuazzezu u 25/03/2011 11:35
Omu consume cunnerie pè acculmà un viotu "culturale" ...Ci hé da nasce o da spera un sicondu riaquistu...ma chi vive sperendu more cacendu...

4.mandatu da kiffà u 26/03/2011 08:05
u ritrattu di stu paese novu (scrivite Borgu) in fattu hè nant'à a cumuna di Biguglia. Anu spiantatu un anticu barraccone per fà un impiastru simule... Gandolfi Scheit ...
Per u restu, hè vera chì a Corsica hè inguffita "fisicamente", ma u peghju, hè chì l'affare viaghja à paru à l'evuluzione di e mentalità è i valori... S'ellu si vede bè chì ùn si rispara più terreni agriculi, ch'ellu si prumove un'abbitatu individuale, ch'ellu si compra pezzi di terra à prezzi spripusitati, hè puru segnu ch'elli partenu à pezzi i nostri valori è tant'altri affari...

5.mandatu da u webmaestru u 26/03/2011 13:48
Hè ghjusta o kiffà ! Aghju fattu a currezzione...

6.mandatu da ANTO u 26/03/2011 18:35
Cum'ellu dice u pinzutu "plus gôf que ça tu meurs !"

7.mandatu da Ghjà u 26/03/2011 20:56
O zite, ghjè cusi, pussete mira che i loci i piu goffi so in piaghja di Bastia, quand'eiu pigliu a via tra puretta e Bastia, hè a pienghje !

8.mandatu da Mauro Sarrecchia u 27/03/2011 11:44 (da un teleffuninu)
giustissima la denuncia del degrado che una certa idea di "sviluppo" vuole imporre alla Corsica. In effetti, se scendi da Piana o da Orezza e ti dirigi a Bastia ti sembra di percorrere un riassunto di tutte le peggiori periferie continentali. vorrei pero' dire che l'alternativa non può neppure essere la vergognosa speculazione che ha fatto del Sud, da Portovecchio a Bonifacio, una sorta di "Gallura" o di "Costa Smeralda" per borghesucci con camping e discoteche al posto di sughere e macchia. Senza offesa, ma che differenza con il Coscione, la Castagniccia o il Col de Vergio.
Tuttavia, a chi come me - di 60 anni e che vengo da 40 sull'isola - c'e' una cosa che sfugge: qual'e' l'idea che i lettori di A Piazzetta hanno del futuro dell'isola. Come immaginano di risolvere in modo positivo l'alternativa tra "museizzazione" e degrado a banlieu senza identita' ne' anima?

9.mandatu da Muammar u 28/03/2011 11:33
Ié, e in li paesi ci so tutti issi baracconi goffi, e sarrende di "palette" e "sommiers", e vitture abandunate e e rumanzule a mezzu. Simu un populu di closce e un avemu bisognu di nimu...

10.mandatu da orsusantu u 13/04/2011 22:11
muamar ta un pocu radghioni di di che no semu un populu di tchabattuli e ch'in i paese c'he tuttu tcho che tu dice ma cho chi si vedi a l'entrata di i citta si casi djiadinadii si hangar chi so magazeni cuissi dino nimu un dicci nudda e tuttu u mondu di ni metti pienu i stacchi

11.mandatu da Mala u 19/04/2011 01:41
Ghjè goffu, e un ci hè micca d'Ikea: tutt'u peghjiu, senza l'avantaghji ! (a mè mi piace Ikea ♥)

12.mandatu da anto di sarrula u 15/08/2011 15:22
è un si parla di I Peri , Afa , Bastilicaccia , Sarrula ( Baleo) è u restu , o chi scumpientu !!!!!!!!!!!!!!!!!!

13.mandatu da Franz u 28/09/2011 11:49
Ma cosa fa u FLN ?

So e mafie chi anu a putenza ava ? E noi, un femu nunda ? Povera Corsica...

14.mandatu da Màriu u 07/06/2012 18:09
nos depimus liberare frades corsos!!! ci divimu liberà frateddi corsi!!!
Sardigna e Corsica lìberas natziones!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta