Accueil
Envoyer à un ami
Version imprimable
Partager

Cuntinuveghjanu i rimusci di l'affare Séguéla

Ùn avemu micca compiu di parlà di u permessu di bettunizà accurdatu da u tribunale amministrativu di Bastia à Séguéla. Difensori di l'ambiu è naziunalisti sò scandalizati mentre ch'elle falanu scutrate nant'à u novu merre di Bonifaziu, Ghjuvancarlu Orsucci, chì paga pè a pazzia di l'anzianu merre Ati Lantieri.



Sbanditu avia digià parlatu di i limiti di l'azzioni pulitica publica davanti à l'incapacità di l'azzioni legale à impedisce e custruzzioni di e case di i pippol in Cala Longa.

L'affare di Séguéla cuntinuveghja di fà i rimusci, vistu da parechji cum'è un'autorizazione di bettunizà u liturale corsu, cun l'accunsentu di i servizii di u Statu, di a ghjustizia, di l'eletti, è ci vole à dilla di certi corsi più primurosi di fà i so affari ch'è da a preservazione di e coste.

I difensori di l'ambiu alzanu a voce. Norbert Laredo di i Verdi Corsi hè assai inchietu nant'à Alta Frequenza
mentre chì u Cullettivu pè u rispettu di a lege liturale ùn conta micca piantassi custì, a spiega Michèle Salotti, assai critica in quant'à a Ghjuvancarlu Orsucci, u novu merre di Bunifaziu chì avia fattu nasce tante speranze pè impedisce u scempiu di u liturale.

Prublema : avia dettu di manera chjara innù a so campagna eletturale ch'ellu ùn impedisceria micca e custruzzioni accurdate in l'anzianu PLU catastroficu d'Ati Lantieri, è certi parenu scoprela. Nant'à certi forum, u dibattitu s'infiara è e riazzione sò spessu arrabbiate.

Al dilà di u casu Séguéla, stumachente perchè mediatizatu è perchè l'omu hè un amicu di Sarkozy, stu fattu pone u prublema di u sviluppu di a Corsica è di a scelta di turisimu ch'è no vulemu.

Ma chì serà l'interessu di sviluppà u turisimu di e "maisons segondaires" pè ricconi è "jet-setteurs", cun i so pippolacci disprezzanti è dispettosi, chì venenu à chjodesi innù i so bunker di bor'di mare, è chì s'impatruniscenu di un liturale ch'ùn hè micca soiu ???

Un ghjornu o l'astru, ci vulerà chì quelli chì anu fattu scalà tutta sta rubaccia chì face ghjunghje u vòmitu è chì sfracella u nostru patrimoniu ecològicu paghinu !

u 25 d'Aprile 2008
U Sgaiuffu



1.mandatu da in cauda venenum u 25/04/2008 07:25
He ora ch'elle finischinu tutte isse storiacce tuttu issu cumbugliu tuttu st'arrubecciu di a terra corsa a pro di ghjente pochi ricuniscenti di cio chi simu. Un ci vole micca dinu scurdassi chi i meri e parechji corsi so a l'origine di issa brutta situazione ci vole dinu dinuncia quelli chi vendenu e chi permettenu di cumpra a nostra terra. ci vole un'unione forte di pettu a cio chi si passera in'un avene assai vicinu.

2.mandatu da ribella u 25/04/2008 16:36
Hè di l' occhi affasciati di l'ultime arrestazioni di resistanti in Ajacciu cum'è s'elle fussenu l'arrestazioni di terorista à usu americanu di Guantanamo !
M' HA FATTU MALE !
U terorismu u piu grave hé sempre statu quellu di i STATI ! Indochine, (Vietnam,) Iraccu ,Tibet , Corsica , Africa, Caraibe , America suttana ! ecc...ecc...infine tutte è culunisazioni fatte dà i paesi occidentali !!
Omu un si po scurdà di è suffranze di i populi sottumessi, chi un li lasciavanu sceglie mancu è so idee !
A l 'Assembléa di i C... (chi avimu guadanta ) , sò anch'elli cù i culunizatori , un vale a pena di pienghjula nant'à Aimé Cesaire è a NEGRITUDE senza mentua a parola CORSITUDE DI U FRC ! Povera Assembléa, POVERA CORSICA ! mansa di ladri !
Ci vole una manifestazione in Ajacciu !!!!!!!!!!!!

3.mandatu da Ahmed Zumar u 25/04/2008 19:16
Si pò firmà una petizione. Si deve firmà a petizione!
http://cll-corse.org/

4.mandatu da ribella u 26/04/2008 17:47
UN AGHJU PUSSUTU FIRMA A PETIZIONE !CHI SI PASSA.

5.mandatu da Mazzone u 26/04/2008 22:03
Hè bellu è bona di difende a legge liturale in u so statu attuale. Ma sarà veramente una para di pettu à a bettunizazione è a manumessa di u sollu nantu à u bor'di mare ?
S'ellu hè per impiastrà a costa à partesi da i centu metri ùn m'intaressa tantu...

S'è no pruibiamu e cutruzzione di cumplessu immubiliarii ingiru à u mare per una distanza d'un bellu chilometru è ch'ella era messa in sesta a citadinanza corsa chì parmette di cumprà à tarra à partesi da 10 anni di risidenza, soca chì quì ghjunghjariamu à un qualcusella...

6.mandatu da Paulu u 26/04/2008 22:41
Ciò chì pare u più inchietante in Corsica hè chì, di più in più a rumpitura si face trà quelli chì campanu bè è quelli chì strazianu. Qual'ellu sia u partitu, diritta, manca è ancu u muvimentu naziunale, u fossu s'allerga trà quelli chì anu a fame è quelli chì anu l'appitittu. Si ponu cusì capì certe rumpiture e certe prese di pusizione da a parte di certi chè no' cunsideravamu sin'à pocu fà cum'è fratelli di lotta. Certi, in a speculazione è a bettunizazione ci trovanu un'interessu persunale è ghjè per quessa ch'elli sò belli muti.
Un ci scurdemu di u pruverbiu corsu : u techju ùn crede u famitu !
A i naziunalisti d'apre l'ochji nanzu ch'ellu sia troppu tardi.

7.mandatu da Yvanuterribule u 29/04/2008 17:39
ch'elli campinu Seguela, Sulitzer, Clavier è tutti quanti, chi noi in Corsica simu turnati MERDE, GROSSE MERDE

8.mandatu da SABBATORSI MARIA CATALINA CHIAMATA LILY u 20/03/2009 09:58
O SEGALA CHI INVITERAI A MANGIA A PULENDA O UCAVIAR SECONDU I TOMEZZU

Novu cumentu :