Accueil
Envoyer à un ami
Version imprimable
Partager

Diana di l'Alba mette a concia à Black Eyed Peas

Antone Marielli hè più forte chè Coldplay, The Black Eyed Peas è Adele reuniti. I pesta tutti, vi và ? Hè u risultatu d'un sundagiu fattu da u Museu di a Corsica in u quadru di a so mostra "La Corse et la musique".



Diana di l'Alba mette a concia à Black Eyed Peas
41%, luntanu davant'à u restu di u mondu ! U gruppu Diana di l'Alba hè in testa di i gruppi preferiti di i liceani d'appressu à un sundagiu fattu pè a bella mostra "La Corse et la musique : Entre tradition et modernité". Da vede dinù quì.

Ùn vale a pena di ride o di mughjà ch'ellu ci hè statu a froda, a metudulugia è i risultati sò spiegati in u catalogu di sta mostra. 1077 cullegianti è 203 liceani sò stati interrugati.

Serà colpa à a surtita di l'ultimu dischettu Indiature ? U successu di u so tube A Cispra ?

Hè cusì, pè i liceani corsi, Antone Marielli hè più forte chè u lonzu di Will.i.am di "BEP". Ùn vi pare nunda ?

Bon, in cullegiu hè più dura. A sapemu, i cullegianti sò croce. Anu messu in testa u gruppu LMFAO (23%) ma I Muvrini ùn sò luntanu (18%). Canta u Populu Corsu hè terzu (12%) davant'à Diana di l'Alba (10%), à tocca tocca cù Sexion d'Assaut (10%). Iè, si tratta bè di Sexion d'Assaut.

In quant'à L'Arcusgi, facenu partita para cù David Guetta (6%) !

Allora vidite chì a giuventù corsa ùn hè ancu cumplettamente persa.

Diana di l'Alba mette a concia à Black Eyed Peas

u 12 di Sittembre 2013
U Sgaiuffu



1.mandatu da bastiacciu stortu u 13/09/2013 09:31
Eio aghju vutatu pè " sans opinion " avimu fattu novè per centu quantunquè...

2.mandatu da bastiacciu stortu u 13/09/2013 09:34
Ah ma no ....quindèci !!!....e so sicuru chi l'altri annu arrubatu .......

3.mandatu da andri u 13/09/2013 09:48
s'ella hè vera, hè una bona nutizia !

4.mandatu da JPP u 13/09/2013 09:55
I più azezi diceranu chi u sundagiu ùn hè micca "fiable"

ma pocu impreme.

d'una certa manera, vole dì dinù chi in stu paese si resiste appena à l'uniformizazione è à a mundializazione.

Preferiscu I Cantelli è Les Varans, ma hè bon segnu !!!

5.mandatu da ulmisgianu u 13/09/2013 09:58
BRAVI

Diana di l'Alba hè veramente un gruppu di qualità.

Felicitazioni !!!

6.mandatu da Grossu panzutu u 13/09/2013 11:08
Sti mucicosi di cullegiani so di piu impizutiti che i liceani. Certi si scupreranu un identità è un populu à 15 anni...

7.mandatu da Carlo Leonardi u 13/09/2013 17:41
Ago sentitu u gruppu Diana di l'Alba su Youtube e ago lettu i commenti che ci steono: quasi tutti in francese!?
Saluti da l'Umbru-Sabbinu.

8.mandatu da Heliofobu u 13/09/2013 22:01
Isiè, sundame simpaticu... Mà bon, fora di i (vechji) gruppi corsi, di qualità ; i ghjovani isulani anu veramente tasti musicali di merda — è què ùn hè micca una sorpresa...

9.mandatu da buzz a s'arrêta u 14/09/2013 09:39
Mario Bross, je t'aiiiiiiiiiiiiiiiiiiiiiiiiiime.

10.mandatu da henry smart u 15/09/2013 12:27
Diana Di l'alba mi piace assai ! ancu s'è l'ultimu discettu mi piace menu chi " da musica la vita" è chi a canzona " a cispra " ha un gustu forte assai Di " deja vu "
Da sente quantunque " l'usina Di canari", " " "pentirennica", è a concia Di pasquale paoli chi m'ha fattu ride !
ma un he un discone sicondu me !
un discu Di l'annu per me he quellu Di Barbara furtuna. ascultatelu puru.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta