Si cuntreranu bè cantu tradiziunale è folk ? Hè l'idea di Micheli Solinas è Tonton (trà Ziu Micheli è Tonton, ùn ci manca più ch'è Tonton David) chì anu lanciatu Contraversu.
U prugettu hè natu parechji anni fà. Spiega Micheli Solinas :
"L'idea m'hè vinuta vint'anni fà, à l'epica ascultaiu mori i canzoni di i Pogues. In a cerca di valurizà i canti populari nustrali, mi paria intarissanti di scriva li ind´una musica cumpagna. À l'epica quiddi chì pudiani purtà un prughjettu simuli erani siont´è mè, I Cantelli. Ne aviamu discorsu una sera cù Tonton è u tempu hà sfilatu."
U prugettu vede infine u ghjornu oghje. Ci sò quattru canzone ch'ellu si pò stà à sente quì è d'altre veneranu allocchè à l'estate chì vene. Nunda di cummercializatu, hè tuttu di rigalu.
Spieganu i dui cumbotti : "hè solu una rilittura di a nostra lascita culturali, quilla immatiriali tramandata mori di più in i caffè isulani, à u bancu di i festi, quilla chì hà francatu i foci è chì ugnunu faci soia."
Un'interpretazione di canzone di a nostra tradizione chì hè "à tempu citadina è paisana, à tempu corsa è internaziunali". Contraversu sì nutrisce di strumenti tradiziunali (u viulinu, a caramusa), è si sente a tuntia di i Pogues.
E parolle è e musiche sò dunque tradiziunali. Sò i dui zii chì sonanu di i strumenti è e percussioni sò di Bruno Vidal.
Cumu serà chì d'altri ùn ci avessinu pensatu nanzu, tantu i dui stanu cusì bè inseme ? Dice Tonton : "Ci sò parechje influenze, ma simu veramente vicini di ciò chì ste canzone averianu pussutu assumigliassi senza l'influenze "lattinò" o lìriche di st'ultimi anni".
Tuttu què hè pruduttu da Corsica Sound, un cullettivu d'artisti chì travaglianu è scambianu, appena à l'usu d'una cooperativa artigianale à l'usu anticu ma cù l'arnesi d'oghje.
A scuzzulata face prò à u paisaghju musicale corsu. Alè o zii, avà aspettemu a seguita !
U prugettu hè natu parechji anni fà. Spiega Micheli Solinas :
"L'idea m'hè vinuta vint'anni fà, à l'epica ascultaiu mori i canzoni di i Pogues. In a cerca di valurizà i canti populari nustrali, mi paria intarissanti di scriva li ind´una musica cumpagna. À l'epica quiddi chì pudiani purtà un prughjettu simuli erani siont´è mè, I Cantelli. Ne aviamu discorsu una sera cù Tonton è u tempu hà sfilatu."
U prugettu vede infine u ghjornu oghje. Ci sò quattru canzone ch'ellu si pò stà à sente quì è d'altre veneranu allocchè à l'estate chì vene. Nunda di cummercializatu, hè tuttu di rigalu.
Spieganu i dui cumbotti : "hè solu una rilittura di a nostra lascita culturali, quilla immatiriali tramandata mori di più in i caffè isulani, à u bancu di i festi, quilla chì hà francatu i foci è chì ugnunu faci soia."
Un'interpretazione di canzone di a nostra tradizione chì hè "à tempu citadina è paisana, à tempu corsa è internaziunali". Contraversu sì nutrisce di strumenti tradiziunali (u viulinu, a caramusa), è si sente a tuntia di i Pogues.
E parolle è e musiche sò dunque tradiziunali. Sò i dui zii chì sonanu di i strumenti è e percussioni sò di Bruno Vidal.
Cumu serà chì d'altri ùn ci avessinu pensatu nanzu, tantu i dui stanu cusì bè inseme ? Dice Tonton : "Ci sò parechje influenze, ma simu veramente vicini di ciò chì ste canzone averianu pussutu assumigliassi senza l'influenze "lattinò" o lìriche di st'ultimi anni".
Tuttu què hè pruduttu da Corsica Sound, un cullettivu d'artisti chì travaglianu è scambianu, appena à l'usu d'una cooperativa artigianale à l'usu anticu ma cù l'arnesi d'oghje.
A scuzzulata face prò à u paisaghju musicale corsu. Alè o zii, avà aspettemu a seguita !
A seguita si trova quì.
U 2 è 3 d'aprile sò i "prestaticci", è hè normale d'avè tempacciu
