Accueil
Envoyer à un ami
Version imprimable
Partager

Eri curria un fiume quindi...

Ancu di grazia, u tempurale chì hà toccu a regione bastiaccia eri ùn hà fattu nisuna vittima. Ma sì e fiure di i ghjargali chì falavanu à rivoccu anu impressiunatu, ùn ci vole à scurdassi chì un ghjornu o l'altru, a natura ripiglia a suprana nant'à l'omu. À mezu à a piaghja tutta urbanizata, correnu sempre i fiumi.




Avete tutti vistu i filmetti amatori di u tempurale, da veru impressiunanti :


È si pò felicità i succorsi ch'ellu ùn sia accadutu nunda di veramente grave. Oghje si contanu solu disguasti materiali.

Ma ci vulerà à stunacci, una volta di più ?

Aviamu parlatu annu di a memoria di i lochi chì si perde, è di u fattu chì spessu a tupunimia c'insegna i lochi d'acqua induve saria statu megliu d'ùn custruisce micca.

Da leghje : Forse, ùn ci vulia micca à custruisce custì

Sò (per esempiu) i nomi cumposti à partesi da : canna, padula, isula, fanga, pozzu, fiume, lotu eccetera.

Eri curria un fiume quindi...

Ci vuleria à studià in detagliu a tupunimia di a piaghja di u circondu bastiacciu. À mezu à ste zone forse appena troppu custruite à certi lochi c'eranu in i tempi fiumi chì currianu.

Un'ochjata à l'anticu catastru ch'ellu si pò cunsultà in linea nant'à u situ di u CD2B ci dice chì à cantu à zona cummerciale tocca da a fiumara, c'era un fiume chjamatu San Pancraziu :


Oghje, hè u fiume chì hè annigatu à mezu à u cimentu (fiura Geoportail)


Nunda d'anormale ch'ellu ripigli un ghjornu a suprana...

u 25 di Nuvembre 2016



1.mandatu da lafronce segrand pays u 25/11/2016 15:55
ùn ci scurdemu di ringrazià i merri, i prefetti è sopr'à tuttu i servizii di u statu quelli di a DTTM (pulizza di i fiumi) numinati in Corsica pè fà i so barbeu k (ch'elli crepinu!!!) è chì ùn futtenu nunda...

2.mandatu da sadisè u 27/11/2016 11:16
mi pari che i primi culpevuli so i merri chi cunnoscenu i so loghi ....ma cunnoscenu ancu i so elettori e hanu bisogni di i so voti... i funziunari , cume m'ha dittu unu tanti anni fà :" surtout pas de vagues" ...u statu ellu si n'impipa...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta