Accueil
Envoyer à un ami
Version imprimable
Partager

Hè esciutu u primu quaternu di vacanze in lingua corsa !

Chjuchi, semu tutti stati traumatizati da i quaterni di vacanze. Avà, hè pussibule di falli dinù in lingua corsa.



Hè esciutu u primu quaternu di vacanze in lingua corsa !
S'è vo site custituiti di manera à pocu pressu normale, nunda chè u nome di "Passeport" vi deve dà u trimuleghju. Quale ùn hè statu traumatizatu da i quaterni di vacanze di l'estate ? In generale, si facia duie pagine d'esercizii, è dopu ci sbrugliavamu per chì i parenti si scordinu di l'esistenza di i "cahiers de vacances" sin'à l'annu chì vene.

Ma què, era nanzu.

A squadra d a rivista di ghjochi U Zazu prupone u primu quaternu di vacanze in lingua corsa... Ma pè i maiò. U scopu hè di fà chjucà i grandi, è perchè micca di fassi aiutà da i zitelli.

Per i Zazinchi, "u scopu hè dinò di rispunsabilizà i maiò in quant'à l'amparera di u corsu à i so figlioli è di dà li a brama di mettesi o di rimettesi à u corsu..."

Appena di matematiche, di storia è di geugrafia di a Corsica, di scenze... ma sempre cù a magagna.

Allora cumpratelu puru, pruvate à fallu è circate di fà ghjucà appena i vostri chjuchi, li cambierà di a Playstation.

3,80 €, a lista di i punti di vèndita nant'à a pàgina Facebook.

u 19 di Lugliu 2012



1.mandatu da Duttor' Caseddu💼 u 19/07/2012 23:54
Cunnoscu abbastanzu be u ghjovanu chi ha avutu sta bona idea. Miriteghja d'essa sustinutu!
Allora, inveci di paga 2 o 3 pastizzi, cumpreti stu librettu! Sara un be pa u vosciu ciarbeddu ( e ancu megliu pa u vosciu fegatu!!!)

2.mandatu da François Tazzu u 20/07/2012 02:20
Aspettemu a riazzione di Tatti, di a FSU, di u SNUIPP è di a FCPE per stu scandalosu "cahier de vacances discriminatoire".

Hu ?

3.mandatu da Capicursinu rancicu u 20/07/2012 02:24
Mi piace ! Solu prublema, un hè micca gratisi, e so capicursinu....

4.mandatu da mamone u 20/07/2012 06:09
Hè una bona idea , stu quadernu !!

5.mandatu da no trolls u 20/07/2012 10:02
ma basta... ùn vidite micca ch'ella hè una magagna stu kevinacciu ?

6.mandatu da ANTO u 20/07/2012 11:20
E vacanze so fatte pè ripusassi e micca pè rompesi e stache o altru in cu sti quaderni chi mi parenu torna un'operazione cummerciale innanzi a tuttu !

7.mandatu da u zazu u 20/07/2012 11:55 (da un teleffuninu)
ùn ti possu lascià dì ch'ella hè un'uperazione cummirciale, straziu à bastanza 10 ore à ghjornu chì sò barman da pudè cunfirmà ch'ùn pigliu manc'un soldu! Simu un associu è ùn femu micca binifizii...

8.mandatu da mamone u 20/07/2012 12:24
E perchè sarebbe una magagna ? un' operazione cummerciale ? Perchè sempre a critica , si qualche sia face qualcosa ?

9.mandatu da Capicursinu rancicu u 20/07/2012 12:33
Sempre a lagnàvvi.. Sarà pussibule ?

10.mandatu da 150 grane di dimucrazia u 20/07/2012 13:48
per una volta ch'elli caccianu i cumenti in francese...più nimu ùn capisce nunda di a cunversazione è tuttu mondu s'intazza ! hahahahah @u zazu ci hè @no trolls chi ti tratta di "kevinacciu" ! hahahahaa :-p bomba !!! :-D

11.mandatu da Hanzu u 20/07/2012 13:55
O Anto cume tu si azezu ! Ci vole à felicità sti giovani chi s'impegnanu per fà campà a Nostra lingua. Bravi ! Cuntinuvate o zitè!

12.mandatu da u zazu u 20/07/2012 13:59 (da un teleffuninu)
hà a ragione u capicursinu, ci lagnemu troppu ma suldaghju ùn sò micca è vuliu solu pricisà lu... Per prova, o rancicò, manda mi puru u to indirizzu è ti mandaraghju un quaternu di rigalu. Dopu kevin...ùn ti capiscu o troll, qual'hè ssu kevin?

13.mandatu da no trolls u 20/07/2012 14:15
Spiegazione : "Kevin" avia lasciatu un messagiu in francese per mette a puzza (ma hè un troll chi ci magagna...) è qualchissia li avia rispostu in francese. sti dui messagi so stati sguassati. CQFD...

Eiu vuleria solu felicità a squadra di i zazinchi per u so travagliu è u so impegnu. suldaghji ùn pensu micca ch'elli u sianu...

14.mandatu da u zazu u 20/07/2012 14:59 (da un teleffuninu)
aaah! Avà capiscu megliu... À ringrazià vi tutti per i vostri cummenti è u vostru sustegnu, à prestu.

15.mandatu da Antifacebook u 20/07/2012 14:59
Facebook un aghju eiu, voddu cunosce i punti di vendita per piace

16.mandatu da Antifacebook u 20/07/2012 15:02
Ancu si hé un cosu cumerciale ci vole a cumpra listessu , arrestate d Ave à paura Che u vostru vicinu divente piu riccu Che voi

17.mandatu da Antifacebook u 20/07/2012 15:03
@anto

18.mandatu da Hanzu u 20/07/2012 15:32
Ouais enfin quelli chi facenu i soldi in Corsica sò a Brise de mer è Géant Casino... Micca quelli chi facenu i libri in corsu !

19.mandatu da Antifacebook u 20/07/2012 15:58
Di u celu un casca nunda,vulete soldi travagliate cume lu ci vole micca à cerca una piazza di merda

20.mandatu da u zazu u 20/07/2012 17:16
Eccu, per avà, a lista di i punti di vèndita:

-Hyper U Bastia
-Géant Furiani
-Carrefour market Borgu
-Proxi Oletta (da quì à pocu)
-Leclerc L'ìsula
-Super U Calvi
-Casino Calvi (à partesi da luni chì vene)
-Super U Ponte à a leccia
-Casino Corti
-Hyper U fulelli
-Leclerc Aleria
-Leclerc Ghisunaccia
-Casino Prunelli
-Utile Sulinzara
-Leclerc Portivechju
-Gèant Portivechju (à partesi da luni chì vene)
-Casino Prubià (à partesi d'agostu)
-Carrefour market Prubià
-Géant Aiacciu
-Leclerc Aiacciu "rocade"
-Carrefour market Mezavia

21.mandatu da Capicursinu rancicu u 20/07/2012 17:19
O zazu ! S'eiu ti do u mo indirizzu, mi manderii ùn quaternu gratisi ? Ch'eiu so rancicone ma so capicursinu dunque ghjè nurmale :p

22.mandatu da Capicursinu rancicu u 20/07/2012 17:22
Per esse più seriosu, ùn si ne vende micca in Luri ?

23.mandatu da u zazu u 20/07/2012 17:32
innò, ùn sò pussutu cullà insin'à quassù chì a facciu in u mo tempu lìberu è n'aghju pocu... ma manda mi u to indirizzu à: u-zazu@live.fr è ti prumettu di mandà ti ne unu dumane o luni chì vene.

24.mandatu da Pseudonimu u 20/07/2012 17:32
Quandu ci n'hè chi si danu di rimenu cusì è facenu un travaglione per a nostra lingua ci vole à felicitalli è à incuragisceli.

Bravi o ghjente ! Ùn cappiate micca

25.mandatu da u zazu u 20/07/2012 17:38
à ringrazià vi!

26.mandatu da Zazu marinu u 20/07/2012 18:14
Hè quantunque Incredibile chi in sti tempi di dicerbellizazione, d'acculturazione è di corsa à i soldi generalizata ci sianu sempre ghjente chi si battenu è piglianu di u so tempu per difende sta lingua.

Big up the Zazu !

27.mandatu da GIACOMONI u 21/07/2012 11:27
Perchè u zazu hà sceltu 'ssa scrittura di spicchera : "fate vi". Un' era micca bella : "fatela" ?
Luigi G.

28.mandatu da GIACOMONI u 21/07/2012 11:31
Rettificheghju : "Fatevi" ben intesu à locu di "fate vi " (è micca fatela di u cummentu 27)

29.mandatu da Capicursinu rancicu u 21/07/2012 13:29
Innò o zazu, ghjè bellu bravu di à to parte, mà quandu dicu chì so rancicu, ghjè pè ride ! Falleraghju in Bastia pè compràllu ! Ti ringraziu quantuque ! :-)

30.mandatu da Capicursinu rancicu u 21/07/2012 13:31
Giacomoni : si po dì di e duie manere

31.mandatu da Piatamò u 26/07/2012 02:42
Par avè una parti chjuca chjuca ind'è i zazinchi, v

32.mandatu da Piatamò u 26/07/2012 02:49
Vi possu accirtà ch edd'hè un travaddonu par u Zazu chì s'abbuchja 99% d u travaddu. Altr'affari, capiscu pocu issa sgena ch eddi t'ani certi à appaghjà cultura è icunumia. I culturi Vivi in i paesi sviluppati facini campà millioni d aghjenti. Mi piaciaria à divintà milliunariu grazia à un attività liata à a lingua corsa è saria un beddu segnu dì saluta mi pari...

Novu cumentu :