Accueil
Envoyer à un ami
Version imprimable
Partager

Hè ora d'amparà l'ochju !

Una volta fatte e vostre spese à l'ultimu, manghjatu u "tizzone di Natale" è aperti i rigali, pensate à amparà l'ochju. Hè sta sera à mezanotte, o mai !



Hè ora d'amparà l'ochju !
Natale ùn hè micca solu un mumentu di tichjina è di cunsumazione à buzeffu. Hè ancu una festa religiosa (vi ne site scurdati ?).

Ma hè dinù a vigilia di Natale à mezanotte ch'ella s'ampara a preghera di l'ochju. Bon, ùn ci vole micca à dilla à u vescu di Corsica Olivier de Germay, entratu in guerra contr'à sta cridenza, ma ùn vi scurdate ch'ella si passa sta sera.

L'ochju hè una vechja cridenza, spapersa in tuttu u Mediterraniu chì hè trasmessa cun u "sguardu" d'una persona ghjelosa o invigliosa. Ma si pò ancu innuchjà à qualchissia senza vulella, in francese "mauvais oeil".

Per caccià l'ochju esistenu parechje manere è parechje preghere. A più cunnisciuta essendu quella cun l'oliu.

Per quelli chì ci credenu, a prigantula di l'ochju hè efficace. Per l'altri, lasciate corre.

S'è vo vulete amparà a preghera ùn vi ne scurdate. Dopu serà troppu tardi. Si pò amparalla per iscrittu (ma u lindumane ci vole à straccià a carta) è ùn ci hè micca applicazione iPhone per quessa.

È voi, ci cridite ?

u 24 di Dicembre 2013
U Webmaestru



1.mandatu da duttore u 24/12/2013 13:54
poca cunneria che quella di l'ochju ... u peghju hè chi truverete sempre à qualchissia chi vi dicerà chi detta a pregantula li hè passata a pena in capu , per furtuna anu inventatu l'Efferalgan ..

2.mandatu da Casata u 24/12/2013 13:58
Eiu ci credu, è emmerdu à quelli chi ùn ci credenu, soprattuttu stu pinzutu di vescu

3.mandatu da ozit u 24/12/2013 14:08
Avemu tutti in memoria casi di ghjente chì l'hè passata a pena in capu o di ciucci chì stavanu megliu dopu à esse stati signati. Hè cusì, tantu peghju per l'ultra cartesiani; ùn impedisce micca d'avè un bon duttore.

4.mandatu da ochjacciu u 24/12/2013 15:38
à i tempi quandu rientrava di buatta techju di whisky e cu u capu prontu à splosà a mio zione lampava l'oliu nu u piattu e mi trovava l'ochju ...lol mi signava e u lindumane m'era passata (grazia à ella !)

5.mandatu da Caradellu u 24/12/2013 16:32
Per u sgio duttore ...megliu di crede a l'ochju e a pulentà che a u "pain bagnat " o l'efferalgan ....
Bon natale a tutti

6.mandatu da caca in furia u 24/12/2013 21:51 (da un teleffuninu)
pè caccià l''ochju merlinu, preghate à San ROCCU SIFFREDI

7.mandatu da J G u 25/12/2013 10:07
Aprite l'ochju ,

8.mandatu da J G u 25/12/2013 10:10
Bon Natale a tutti

9.mandatu da U Stronzu u 25/12/2013 19:12
L'aveti dighjà fattu st'articulu sò duii o trè anni.

10.mandatu da ozit u 25/12/2013 19:23
è cosa pò fà ? ci sò altri lettori dapoi

11.mandatu da bis repetita u 25/12/2013 20:57
"maronier" cumu si dice in corsu ?

12.mandatu da anto u 26/12/2013 15:39
u piu chi mi piace hè l'occhju merlinu !

Novu cumentu :