Accueil
Envoyer à un ami
Version imprimable
Partager

I Corsi Fora !

Cunniscite a "Table ronde de Montélimar" ? In u 1965, i dirigenti di parechji clubs francesi si reuniscenu per mette fora i clubs corsi di u campiunatu. Mutivu : "l'ambiance hostile et antisportive dans laquelle se déroulent les déplacement en Corse". Eri, i clubs di L1 è di L2 anu purtatu u so sustegnu à Thiriez contr'à Bastia.



I Corsi Fora !
"L'histoire est un éternel recommencement" dice u francese. In corsu quand'elle cascanu e nutiziacce si dice "l'affari sò in francese".

L'affare si passa in u 13 di marzu 1965 è hè u presidente di u club di Montélimar chì hà pigliatu l'iniziativa.

Ci sò 10 presidenti di clubs di u gruppu Sud-Est di u campiunatu di CFA : Annecy, Avignon, Chambéry, Draguignan, Hyères, Louhans, Miramas, Monaco, Saint-Etienne è Port-de-Bouc.

Tutti decidenu d'ùn andà più in Corsica pè a stagione 1965-66, per via di : "l'ambiance hostile et antisportive dans laquelle se déroulent les déplacement en Corse, de l'insécurité des joueurs et dirigeants, de l'insécurité des arbitres" (leghje u libru di Didier Rey La Corse et son football).

I dirigenti di u futbol francese ùn teneranu micca contu di stu bellu mumentu di razzisimu anti corsu. Parechji clubs cuntinentali purteranu ancu u so sustegnu à i dui clubs corsi (Arles è l'AS Champenoise) è ancu L'Equipe ci difende ! Ma sta storia face assai rimusciu in Corsica.

A seguita, a cunniscite. Pocu tempu dopu u SECB è l'ACA culleranu à u livellu prufessiunale in segonda è più tardi in prima divisione. Invece, di u club di foot di Montélimar, ùn ne senteremu più parlà.

Ci sò parechje sumiglie cù a situazione di u 65 è quella d'oghje. In un cummunicatu publicatu u 19 ottobre, u CA di a LFP porta u so sustegnu à... Frédéric Thiriez : Les Présidents de clubs de Ligue 1 et Ligue 2 membres du Conseil d'administration de la LFP réaffirment ce jour leur soutien total au Président de la LFP dans l'action menée pour garantir la sécurité des matches à Bastia.

Ch'ellu avessi purtatu u so sustegnu à Pierre-Marie Geronimi saria statu di più stunante...

Puntu negativu : bon avà a sapemu, anu da falà cutrate nant'à u Sporting.
Puntu pusitivu : nò, u futbol corsu ùn hè micca cum'è l'altri è ùn semu veramente micca fatti per entre in u rangu è in u futbol mudernu, quellu di u business, di Knysna, di i soldi, di Ribéry è d'Aulas...

Eccu l'articuli di Le Petit Bastiais :
I Corsi Fora !

I Corsi Fora !

I Corsi Fora !

u 20 d'Utrovi 2011
U Webmaestru



1.mandatu da Casalabriva u 20/10/2011 08:35
Sariamu micca apparentati incu i ghjudei no?
Invece di lagnassi sempre di pettu à a FFF, u sporting n'à ch'à sta in casa soia è fa un campiunatu contru à u Torpedo di Ghisonaccia, u Lokomotiv di Figari o u Dynamo di Canari è po basta! C'intazzeremu tra di noi cusi.

2.mandatu da ANTO u 20/10/2011 08:36
Hè appena tardi pè anda a l'interru in Francardu !Fara piacè a Paul Felix di Ghjami Aghjalèsi !

3.mandatu da Ghjaseppu di Guardiola u 20/10/2011 10:19 (da un teleffuninu)
E quali hé chi à vintu u campiunatu di CFA in lu 1965? U GFCA. I squadri corsi diragnani cuandu eddi vinciani.

4.mandatu da Alexferox u 21/10/2011 20:19

U cunisciate i sopranomi di Thiriez in 1977 à L'ENA ? Le ch'Thiriez ? Le ch''tit rien !
E l'altru ? "Le brochet" perche ? " tout en gueule !"...
E so sti manghjaM... chi cio danu lezzio di civilisazione ! O poveri di noi !

5.mandatu da pumataghju u 27/10/2011 08:24
I pinzuti un ci ponu pate v'amparerà a chjamalli pumataghji ! ! !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta