Accueil
Envoyer à un ami
Version imprimable
Partager

In Corsica ci hè di più "grues" ch'è stàntare

« En Corse il est impossible de prendre une photo quelque part sans avoir une grue en arrière-plan » (intesu st'estate da un turistu).



In Corsica ci hè di più "grues" ch'è stàntare
Ùn a sapete forse micca, ma in corsu, a parolla "grue" si dice àrganu.

Eppuru, ne vidite tutti i ghjorni in u nostru paisaghju. Sò diventati u nostru cutitianu, à tal puntu ch'è vo ùn e rimarcate mancu più. Nanzu quand'è vo ne scuntravate unu, vi diciate "buh ! ancu quì custruiscenu avà, in stu lucacciu persu ? Quale serà u tontu chì s'hà da cumprà una casa quì ?"

Avà, àrgani ci n'hè non-stop nant'à a strada da Bastia à Bunifaziu. In bor'di mare, in bor'di strada, in bor'di fiume, in paese... Ci n'hè da per tuttu.

D'altronde, vi site digià postu a quistione di sapè quantu ci hè àrgani in stu mumentu in Corsica ? I nostri antichi luntani, quelli di a prestoria, ci anu lasciatu e stàntare, e "statues-menhir". Ci n'hè circa una settantina in Corsica.

È noi, chì lasceremu à e generazione future ? Casali, centru cummerciali, orrori, bastimenti goffi, immòbuli grisgi senza anima, palazzi culuriti chì imbruttanu u paisaghju, parkings, è ronds-points.

Ùn seranu forse micca assai fieri di noi, i nostri figlioli... Ma bon, ci ne impippemu, postu chì "ça va créer des emplois". Nò ?

Allora, quantu àrgani ind'è noi ? Mandate i vostri ritratti di "grues" nant'à apiazzetta@free.fr

u 4 d'Utrovi 2011



1.mandatu da KÜG u 04/10/2011 10:36
ci ferma avà à impiccacci à quelli argani...

2.mandatu da fafanellu u 04/10/2011 11:08
Eiu sò pà una prutezzioni prutonda di l'argani nustrali !!! Par micca pruvà à fàli ripruduciasi ? Sarà felici u PNRC di salvà 'ssa spezia !!! È saranu cuntenti ancu i turisti di pudè pighjà belli ritratti muntagnoli cù argani campendu in libartà !!!

3.mandatu da ANTO u 04/10/2011 13:57
Un servenu micca tutte a fa case pè i corsi !

4.mandatu da u miumese u 04/10/2011 18:27
Micca tutte ? Sè min nè trovi una, seraghju abbastanza cuntentu...

5.mandatu da U Palatinu u 06/10/2011 09:32
U più chì m'addisperu hè di vede chì fra tempu, i nostri paesi cari si viotanu per a maghjor'parte in cio ch'e certi chjamanu "l'internu", o a "Corsica prufonda", ma sopra tuttu i lochi duve si trova una larga parte di l'Anima di a Corsica, si spenghjenu pocu à pocu.
È fra tempu, si custruisce sempre di più, sfigurendu u bor di mare è a piaghja.

6.mandatu da Antonino Albertini u 06/10/2011 14:27
Destinu di tutte e zone povere e sfruttate da u turismu. Quistu accade quandu ci so amministratori è pulitici incapaci è maffiosi.
Un si deve custrui nante a u mare, distrugge e fureste. Duvete reagì, protesta, sinnò a corsica diventa come a costa azzurra, a liguria e Rimini, tuttu cementu e bitume pe fa diventà ricchi i francesi.
he' rimasta solo a corsica cu a natura intatta,prutiggetila!



7.mandatu da mamone u 06/10/2011 18:51
U soldu ,sempre u soldu...e a Corsica pecde a so anima. Betone "inacuadu" (arrosé) o mica...tuttu va a cheronte!! Quandu c'ho pensu che in certi paesi indue ci so pui furesteri che corsi, certi un supportanu più i corsi di u "cuntinente" allora che ste stesse persone chi stanu ,e certu ,in paese ,un capiscono mancu una parola corsa ...

8.mandatu da mamone u 06/10/2011 18:53
"perde" ,adjiu mesu "c" aà a piazza di "r"

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta