Accueil
Envoyer à un ami
Version imprimable
Partager

« La Corse tranquille », un filmu di Jack S€gu€la…

Fate casu chì vi puderia accade listessa storia…



La Corse : Réserve naturelle de VOS vacances !
La Corse : Réserve naturelle de VOS vacances !
Una quistione suciale

Al di là di u scumpientu eculogicu, a casaccia di Séguéla hè u simbulu di l’inghjulia cullettiva chì ci hè fatta. Quale hè trà di noi chì si puderebbe pagà una casa sicundaria d’2800 m² ? Quale ? Quantu tempu vi ci vuleria travaglià per pudè vi la pagà ? À ochju, pensu chì mi ci vulerianu omancu trà 30 è 40 seculi ! S’ellu era sempre vivu, mancu Ghjesù u Cristu averebbe abbastanza soldi da custruì la sta casaccia ! Cristacciu, s’ellu avia travagliatu di più ! Qualessi sò i meriti di Séguéla per ch’ellu possa gode ellu di a nostra terra ? Perchè sterianu d’altri, tutta a so vita, in Lupinu, in Piffanò o à e Saline ? A segregazione suciale è spaziale hè bella chjara. Quantu sò i Corsi di Cala Longa ?

Custruimu una risposta !!!

L’altru eri in Corti, Edgar Morin dicia chì e suluzione spuntanu spessu quandu e situazione parenu impussibile da scioglie. Senza u bumbardamentu di Pearl Harbor, l’Europa sarebbe firmata in e mani di i nazì è di i fasciti. Grazia à Séguéla, unepochi si disceteranu forse, cum’è l’anu fatta i Stati Uniti in u 1941 ? Ùn sunniemu micca. Ùn ghjunghjeranu micca l’Americani per aiutà ci à caccià à Séguéla è i so amichi ! A suluzione hà da vene da quì. Da noi tutti.

Attenti quantunque à ùn micca perde ci in quitione troppu particulare in giru à l’amicacciu di Sarkozy. U prublema ùn cuncerna solu a so casa. Case cum’è a soia, si ne custruiscenu à palittate ! Si tratta sopratuttu di a leghjittimità di a pruprietà di a terra. Chì vole fà u populu corsu di a so terra ? S’ellu decide demucraticamente di vende la. Bona ! Ch’ellu a venda. Ma per avà, sta quistione ùn li hè ancu stata posta. Sò dunque i tribunali francesi chì a danu a risposta : « C’est bon, on peut construire ! »

A ricunniscenza di u populu corsu

Pare ch’ella fussi has been, anticogna ancu, sta rivendicazione. Eppuru… Eppuru, ghjè a sola misura chì possa difende in listessu muvimentu, è a terra, è a lingua, è l’impieghi. A ricunniscenza d’una citadinanza culturale corsa fundata nant’à e cumpetenze linguistiche, suciale è ecunomiche è a vuluntà d’impegnà si in a vita di a Corsica pò permette di difende a terra da i speculatori. Hè una misura qualitativa. Ùn si tratta quì di caccià à nimu ma d’integrà megliu a ghjente.

Rispunsabilisazione di l’eletti

Incù sta ricunniscenza, l’eletti serianu rispunsevuli di tuttu in pettu à i citadini elettori. Avà, ponu sempre dì chì hè colpa à a DDE, à u prefettu o à un antra stituzione dicentralizata. Quandu averanu elli l’inseme di e cumpetenze legislative, l’elettori cunnosceranu i soli rispunsevuli di a situazione, bona o micca, di a Corsica. Hè una quistione di sincerità è di demucrazia.


u 18 d'Aprile 2008
Ahmed Zumar



1.mandatu da GWM u 18/04/2008 19:57
"Senza u bumbardamentu di Pearl Harbor, l'Europa sarebbe firmata in e mani di i nazì è di i fascisti." Bon, quellu esempiu ùn serà forse u più chjaru per parlà di e soluzione chi spuntanu impreviste mà l'articulu palesa prublemi impurtanti. Trà i quali u putere legislativu è più largamente puliticu chi un populu senza statu prova d'ottene...

2.mandatu da savieru u 18/04/2008 21:35
L'eletti bunifazinchi anu datu i permessi à Séguéla, Delsol è Sulitzer ; l'eletti, altrunimu.
Listessi eletti anu elaburatu u "PLU" chi permette e custruzzione in Cala Longa.

3.mandatu da Ds20000 u 19/04/2008 00:03
Bravu pa vostru situ in lingua corsa. Un lu scrivu micca tantu ma forza he di provà.
A ringrazziavi pa st'articulu. Avete intese dinu a diclarazione di u nuove elettu, Orsucci. Un è micca sigura qu'a da cambia qualcosa ! Attenti !!
(ps: ùn c'è nimu c'a inventatu un "diziunariu in ligna" ? in corsu !)

4.mandatu da ghja u 19/04/2008 00:36
pè u dizziunariu o DS20000 vai à vede qui :

http://infcor.adecec.net/

5.mandatu da estrimei u 19/04/2008 08:06
a Ds20000:
per a scrittura di a lingua ,mi pare chi st'indirizzu po aghjutà:
http://eiustessu.ifrance.com/



6.mandatu da estrimei u 19/04/2008 08:15
Rispunsabilisazione di l'eletti : mi pare chi per fà chi l'eletti sianu rispunsevulli ci'ole chi u Populu facci capi ch'ellu he ellu chi cummanda .
quand'elle pianteranu e piccule cumbliculle , i ragiunamenti "intellettualli" a pro soiu, e ch'o seremu veramente decisi a difende i nostri naziunali (i poveri di piu che i ricchi),a nostra lingua ,tandu u nostru PAESE pudera fidassi

7.mandatu da estrimei u 19/04/2008 08:20
pruposta a i rispunsevulli di a Piazzetta:
mi pare ch'ell'accunsenteria chi nu a pagina di i liggammi quelli scritti sollu in lingua nustrale sianu messi in valore

8.mandatu da GWM u 19/04/2008 12:08
quale hè Alain Ruquier ?

9.mandatu da zzz u 19/04/2008 14:11
lu mischiu di laurent ruquier é d'alain orsoni ?

10.mandatu da ribella u 19/04/2008 16:03
Mi piacenu di piu in piu l'analisi dAhmed Zumar!
un mi sbagliva quandu dicia chi i giovani trovanu a so stadda addiperelli!
Ci agghjustu à Philippe Torreton amicu di Claire Chazal, elettu PS in Pariggi : "Les Thibetains ne sont pas violents, alors qu'avec les Corses, c'est les bombes! " (emissione On n'est pas couchés" di Laurent Ruquier.
I Francesi di dirita o di manca, listessu cumbattu culuniale!

11.mandatu da Ahmed Zumar u 19/04/2008 21:21
Scusate. Mi sò sbagliatu... Vulia dì Lairent Ruquier. Pensu chì l'averete capita!

12.mandatu da Petru-Anghjulu u 19/04/2008 23:03
O Ahmed torna un sbagliu cusi e si vultatu !!!

Novu cumentu :