Accueil
Envoyer à un ami
Version imprimable
Partager

Pasquale Paoli à u sinemà, hè avà !

Esce infine "Les Exilés" di Rinatu Frassati, u filmu tantu aspettatu nant'à Pasquale Paoli. A prima pruiezzione serà fatta u 10 ottobre in Bastia pè u festivale Arte Mare. Spicciatevi per e piazze.



Dapoi più d'un annu, n'avemu parlatu assai è site stati numerosi à sustene u prugettu. Avà hè sunata l'ora di a surtita tanta aspettata di u filmu.

A prima pruiezzione serà fatta u sabbatu 10 d'ottobre à u teatru di Bastia, in u guatru di u festivale Arte Mare (piazze in vendita à u teatru è à l'offiziu di u turisimu, 6€).

L'affissu, degnu d'un episodiu di Star Wars, hè magnificu :

Ci vole à dì ch'ellu hè u primu filmu di u giovanu realizatore Rinatu Frassati, è unu di i primi nant'à Pasquale Paoli.

A maiò parte di u filmu hè in lingua corsa. U castingu hè nustrale : Jean-Philippe Ricci, Jeremy Alberti, Jean-Claude Acquaviva, Gigi Casabianca, Paul Garatte, Gray Orsatelli, Marie-Ange Casta è ancu i tecnichi sò corsi è esciuti da l'IUT di Corti.

A musica hè stata cumposta da Fred Poggi è Michel Tomei (di Voce Ventu) è ci hè ancu una canzona originale cumposta è scritta da Stéphane Casalta, Jean-Claude Acquaviva è Michel Frassati.

Bon, l'avete capita, stu filmu hè aspettatu è ci vole à spicciassi per e piazze.

L'altre date di pruiezzione :

- Venneri u 23 d'ottobre à 10 ore in Montpellier (Teatru di Lattes, festivale "Corsica cinéma")

- Da u 25 à u 29 di nuvembre in Aiacciu (Espace Diamant, festivale "Under my screen")

- Da u 7 à u 13 di dicembre in L'Isula (sinemà Le Fogata)

È per seguità l'attualità di u filmu, ci hè a so pagina Facebook :


È sì Pasquale Paoli vince un César, cumu femu ?

u 5 d'Utrovi 2015



1.mandatu da ghjuvanluca u 05/10/2015 10:08
Bella nutizia! "ù Babbu" serà filici.
Speru chi ù filmu ,ellu surtirà puru in Sardegna e chi sia ù principiu di una longa e fortunata storia.
A Corsica e Pasquale sò in creditu cù ella.

2.mandatu da estrimei u 05/10/2015 15:26
Pasquale Paoli , u Babbu di a Patria !
hè capita chi l'omu , u sò patritutisimu , u s'alevvu , u so razzinu , a sò vita , a cultura , u so intellettu , ... mi primureghjanu , cume corsu , ma ancu cume rustinincu .
a dilla franca , i patriotti , quelli chi anu lasciatu lochi , fere , case , moglia e figlioli per andà a ghjucassi a leghjittima ,cunisciuti o micca , sò quelli chi anu fattu a de Paoli e chi si meritanu di listessa manera che u Babbu di a patria , a nostra ricuniscenza eterna .
quandu l' 8 di Maghju falgu in Ponte Novu , hè per fà onore à quelli chi di Ponte Novu à Niolu , di Niolu à u Fium'orbu anu messu a Patria nantu a l'altare di i valori di lu Populu .
ma 'ncù tutte ste piene chi , dipoi tandu , anu richjaratu à Ponte Novu , u miò discorsu intrunerà a saviezza di i nostri "sachants"....

Novu cumentu :