Accueil
Envoyer à un ami
Version imprimable
Partager

Quale serà u prussimu pippol sarko-rocca serristu à custruisce in Cala Longa ? Vutate !

Dopu à Séguéla, Kouchner, Jean Reno è Clavier, quale serà u prussimu sustegnu di Sarko chì serà aiutatu per custruisce in "L'Extrême Sud" ?



Quale serà u prussimu pippol sarko-rocca serristu à custruisce in Cala Longa ? Vutate !
A sapete bè, ciò ch'ellu ci vole à chjamà avà L'Extrême Sud (ùn face digià più parte di a Corsica...) hè diventatu una riserva di pippol amichi di Sarko è di Camille de Roccaser (hè cusì chì ellu prununzia u so nome, allora rispettemulu !).

Allora postu chì Christian Clavier, Jean Reno, Bernard "frittella" Kouchner è Jacques Séguéla anu mustratu a via, quale serà u prussimu ?

Ancu voi, avete u dirittu di vutà per quale vulete vede scempie appena di più e nostre coste è custruisce u so bellu bunker illegale in bor'di mare autorizatu da a prefettura.


Eccu i candidati :

I fratelli BOGDANOV: sò a surpresa di i sustegni di Sarko à a presidenziale. Ma si pò esse goffu è bettunizà e coste, nò ?
MIREILLE MATHIEU : più nimu ne vole, ùn puderà finisce ch'è ind'è noi.
JEAN-MARIE BIGARD : hè stranu ch'ellu ùn sia ancu statu ricevutu da u merre di Portivechju è chì a CTC ùn li appian ancu finanzatu qualcosa...
GILBERT MONTAGNé : l'avantagiu cun st'amicu ìntimu di Sarko hè ch'ellu pò custruisce à l'Arinella, ùn s'avviderà di nunda.
ENRICO MACIAS : hè statu u primu à cantà Solenzara in l'anni sessanta. Stu pistellu di u Riacquistu meriterebbi anch'ellu d'avè u so casale quì.
JEAN-PIERRE PERNAUT : hà aiutatu à a so manera à Sarko à diventà presidente. Qualcosa li truveremu anc'à ellu, nò ?
PASCAL SEVRAN : ah nò ! Troppu tardi...
ROGER HANIN : amicu fidu di Mitterand, hà anch'ellu vultatu a so beretta pè andà à sustene u chjucu. Truverà bè una piazza trà Séguéla è Kouchner...
PLASTIC BERTRAND : cù un nome cusì, averà ancu u sustegnu di u Fronte.
JOHNNY HALLYDAY : hà cantatu in corsu cun Michel Mallory, ùn li manca più ch'è a villà in Cala Longa.
PIERRE PALMADE : cumplettamente has been, invechjatu, sminticatu da tutti. Hè u candidatu ideale per diventà anch'ellu "un ami de la Corse".
ARTHUR : tuttu ciò chì a Francia face di peghju. Per quessa pò vene à sfragellà anch'ellu u nostru liturale.
STEEVY BOULAY : Sarko li truverà bè una piazza à Via Stella, nò ?
MICHEL SARDOU : ah nò, ellu ci a sciappatu l'orechje durante anni è anni è vulia ancu interrà i so parenti à u cimitò di Zonza. Avà si n'hè andatu, stumagatu da i so vicini... S'ellu pudia mustrà a via à certi...
DIDIER BARBELIVIEN : scumettite chì anch'ellu hà da finisce à fassi muntà a sega in Via Notte ?

Eccu, u listinu hè compiu. Avà lasciate i vostri cummenti !

Dumenica 15 Ghjugnu 2008
U Sgaiuffu



1.mandatu da leo u 2008-06-15 11:11
Perchè Michel Sardou si n'hè andatu esattamente?

2.mandatu da GWM u 2008-06-15 11:59
eiu votu Vincent Mac Doom, ancu capace di fà a pulitica in PiVu.

3.mandatu da Antò u 2008-06-15 13:44
Eiu votu per Mireille Mathieu, guardate sta videò è sopratuttu l'iniziu quand'ellu c'hè a porta fatta cù a forma di a corsica.... magnificu !!!
http://fr.youtube.com/watch?v=th-gN842BaE

4.mandatu da michel druken u 2008-06-15 14:08
comme quoi, le Riacquistu a bien commencé avec Mireille Mathieu...

5.mandatu da circinelludiguagnènativupèliguagnesusosanguaversatu u 2008-06-15 15:56
Stremu Meridianu... hè una bella parulla quantunqua...!
appruffittemune pà dinuncià, al dilà u scempiu di u litturali, u scempiu di i nomi di i pievi: a ctc custruiscia 8 poli di puulazioni, tutti t'ani nomi in francesu: ciò chi a sfrancizazioni ùn ha pussutu fà in 200 anni, l'emu da fà oghji !
pays bastiais
pays de balagne
centre corse
pays ajaccien
ouest-corse
taravo-sartenais
...
Quissa sì, ch'hè una lotta impurtantissima !!!!
urganisemu puri un cuncorsu internet da truvà nomi à sti lochi !!!
Aiò, a piazzetta, movati !!!
extreme sud


6.mandatu da estrimei u 2008-06-16 07:49
un ci facia micca casu , ma stu frencisumme he una vera opérazione culuniale.
u basticciu,a balagna, u centru, l'ajaccinu,u viculese-o u punente- u sartinezu , a punta suttana so parule chi di sicuru derrianu fastiu a tutti sti carnavalli ammentadi qui sopra

7.mandatu da circinelludiguagnènativupèliguagnesusosanguaversatu u 2008-06-16 11:12
nomi novi si ponu inventà ! a COSTA VERDE ne hè un asempiu superbiu, pensu ! Nò ?!

8.mandatu da u sgaiuffu u 2008-06-16 14:34
perchè circà à inventà nomi novi chì ùn volenu dì nunda, ghjustu per fassi rimarcà da i turisti ???

costa verde
costa serena
cote des nacres

senza parlà di :

le trou du diable
le trou de la bombe
la cascade des anglais
le cirque de la solitude
le voile de la mariée

eccetera...

eccu cum'elli si sfassa a memoria d'un populu è di seculi di storia

ci pensa A Piazzetta à fà qualcosa...



9.mandatu da Yvanuterribule u 2008-06-16 18:14
ci simu scurdati di u nostru amicu laurent ruquier cù a so meza pedala di steevie, quessi si chi ci starianu bè in corsica è ci purterianu ancu u mondu!! da riflette ci è da cuntattà li!!! forza francia

10.mandatu da circinelludiguagnènativupèliguagnesusosanguaversatu u 2008-06-16 18:31
à Sgaiuffu:
parchì circà ad inventà nomi ? Parchì i "poli" so fatti è s'è ùn l'inventemi noi, calchissia d'altru a farà... è po' di tutti maneri, par esempiu, chi saria "sturicamenti" u nomu d'u "pays ajaccien" ? Hè cumpostu di u cruzinu, a mizana, u celavu, u prunelli, a cità d'Aiacciu...

11.mandatu da estrimei u 2008-06-16 21:08
s'omu dice l'ajaccinu mi pare ch'ellu si po capi, he Ajacciu e loghi di u circondu.

ma fà accettà ch 'ellu ci sia una dumanda a a cullettività serà assai difficiule,diceranu chi u francese he " la langue du consensus ". perche a moda d'oghje imponne d'avè a generosità universale e un dispettu prutenssiunutu versu u so POPULU-fiighjate sti muvimenti cumme a ldh o ava basta e ....certi muvimenti "naziunalisti"-

12.mandatu da Cescu u 2008-06-16 21:37
Da qui a pocu ci sera piu nunda di corsu... chi vergogna.

13.mandatu da cala-chnikovu u 2008-06-17 17:56
aveti scrittu :


PASCAL SEVRAN : ah nò ! Troppu tardi...


ah !!??? si scrive : A nò...

a prestu , mà benissimu pà : " a piazzetta"

14.mandatu da Paulu Francè u 2008-07-10 20:18
A sentu bè Arthur, quellu ùn face micca ride a Francia.
Una menzione speciale pè JP Pernault, chì dice sempre nant' à TF(UMP)1 : " ghjè u più bellu paese di u mondu"!!!!

Lampemu li in a vechja prisgiò di Monte-Cristu!!!!

15.mandatu da Attrachjata u 2008-07-25 17:41
Mà ... Pierre Palmade ha digia una casa vicinu à Porti-Vechju mi pare ... ?
Militeghja ancu à u PNC ... hé ancu elettu ô cari !!

Votu per stu cunacciu d'Arthur.

16.mandatu da diavulacciu u 2008-09-16 16:13
a costa di i niacari saria piu simpaticu tra u sulaghhiu e conca ?

aveddacci pa arivederci saria meddu ?

niacari un'cinepiu; so stati stirpati di po 30 anni

chi ne pensa u merri di sulinzara?

cote des nacres toi meme

17.mandatu da tizzone o tizzanu ? u 2008-10-30 16:23
é u prussimu à bettunizà TIZZANU, quale serà ?
http://crij.phpnet.org/Foru_Arrabbiati/phpBB2/viewtopic.php?f=2&t=5444

18.mandatu da huaira u 2009-02-04 21:09
lottare in tutti i modi non permettete a nessun Berlusconi francese di ridurre la corsica come la sardegna,sono italiano ma amo la corsica e i corsi con tutto il cuore,salviamola ora ,prima che sia troppo tardi. ciao Sergio.

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter