Accueil
Envoyer à un ami
Version imprimable
Partager

Una cria di lingua corsa in u 1979

Nant'à u situ di l'INA si pò vede un filmettu diffusatu nant'à FR3 in u 1979. Si tratta di l'insignamentu di u corsu à a scola. Guasi quarant'anni dopu, ci dà à riflette.



"Les langues régionales sont-elles sur le déclin ou sont-elles en bonne santé ?" dumanda u giurnalistu.

In stu filmettu si tratta di l'insignamentu di u corsu in e scole, chì principia. Si vedenu i stitutori in stazii di furmazione in lingua corsa è davant'à i so sculari.

L'ispettore Albertini cunclude cusì : "S'è no vulimu chì u corsu possa campà, ci vole ch'è no piglimu a decisione d'adattallu, d'adattacci, è d'integrallu à a vita muderna. S'è no cuntinuvemu à sunnià nant'à u corsu, ricurdenduci solamente u passatu, luntanu pè i vechji, frescu pè i giovani o i menu giovani, allora ci ritruveremu frà dece o vint'anni dui o trè à ricurdacci di u tempu passatu cun rimpientu, ma senza sperenza di vedelu".

È chì ci vulerà à dì quarant'anni dopu allora ? Ch'ellu si sunnieghja sempre quessa hè sigura.

Sapemu chì a nostalgia ùn ghjova à nunda è ùn vale a pena di pienghje una Corsica chì ùn turnerà più. Ma quantunque... quale averia scumessu tandu chì a Corsica cambieria cusì in furia ?

U riportu hè statu fattu da Jacques Luciani.
Si ricunnoscenu l'ispettore Francescu Maria Perfettini (à 3'25) è Jean-Louis Albertini (4'40).
Si ricunnosce dinù à Ghjuvanteramu Rocchi (6'58)
Ghjuvambattista Stromboni (12'50)
Francis Beretti (15'38)
Ghjuvambattista Rotily-Forcioli (16'28)
Andria Fazi (16'56)
Santu Micaelli (26'00)

Chì l'altri ci scusinu, ma forse ci pudete aiutà à mette un nome nant'à ste persone ?



u 26 di Marzu 2017



1.mandatu da Giacomoni u 27/03/2017 14:31
Pierre Castelli cù Ghjuvan Teramu Rocchi.
Vicinu à Ghjuvan Teramu Rocchi, in Campu Pianu à u stasgiu, ci hè Petru (Pierre) Castelli d’Omessa, animatotre di corsu (7.15 di YouTube). Facia parte di a circunscrizzione di Corti, poi fù cunsiglieru pedagogicu incaricatu di u sport. Fece ancu in u 1982, un librettu « Educazione fisica » cù Francescu Maria Perfettini è squadra, editatu da u CDDP di Bastia.
A zitella chì leghje u scrittu « E lasagne » (11.36) ghjè una sculara di Ghjiseppu Leoni maestru di a scola di a Padulella (bon anima è chì fù ancu presidente di l’ADECEC di Cervioni) chì si vede dopu in l’insignamentu di e matematiche (18.21). U testu di « E lasagne » si pò ritruvà in « Scritti zitellini CM 1» publicatu da l’ADECEC in u 1985.

Luigi G.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta