Accueil
Envoyer à un ami
Version imprimable
Partager

Whanganui : u fiume chì hè diventatu una persona

È sì dumane e sponde di fiume Golu, e mufre o l’arburi di a Castagniccia eranu capace di difendesi in tribunale ? Impussibule ? Eppure hè ciò chì hè accadutu à un fiume di Nova Zelanda.



Ritrattu : Prankster, via Wikimedia Commons
Ritrattu : Prankster, via Wikimedia Commons
U 15 di marzu di u 2017, u parlamentu di Nova Zelanda hà ricunnisciutu à u fiume Whanganui a qualità « d’essere vivente ùnicu ».

E tribù Maori chì cunsideravanu chì u fiume Whanganui era u so antenatu, si sò battute per i so diritti è anu vintu. Oramai u fiume ùn hè più unicamnte un locu sacru, ma dinù una entità ghjurìdica duttatu di i listessi diritti chè una persona chì pò purtà lagnanza è esse difesu quant’è un essere umanu in casu di procedure ghjudiziare.

D’altri paesi anu ricunnisciutu diritti à unepochi « d’ogetti naturali » : l’Equatore in la so custituzione di u 2008, a Bolivia, i Kanachi di l’isule  "Loyautés  o l’India chì spera chì u Gange à da pudè luttà contr’à a puluzione parlendu à alta voce.

Ch’elli parlessinu di « buen vivir » o di i diritti di « a Madre Tierra », i populi autoctoni interroganu i ligami trà l’omi, a natura è a so ricerca di una certa armunia ci puderebbe ispirà.

Allora, cantà a Terra Sacra o dà a parolla à u castagnu cum’è in lu cèlebru lamentu ùn basteria più, ci tuccheria cum’è i Maori à fassi avucati è à difende in veru ciò ch’è no tenimu.


Da leghje :




u 23 d'Aprile 2017
Zenbucucciu


Novu cumentu :