Accueil
Envoyer à un ami
Version imprimable
Partager

Avà l'UMP dinù canta u Diu vi salvi

Avà chì l'UMP corre appressu à i voti naziunalisti, si canta u Diu vi salvi Regina à a fine di i meetings di a diritta. À quandu A Palatina è L'Armata di l'ombra interpretati da Francisci è Rocca Serra ?



A diritta hà scupertu l'esistenza di u populu corsu.

Ind'i tempi, i meetings di u RPR si passavanu tranquillamente è bè. Bandere "bleu-blanc-rouge", Marseillaise à a fine è "la France une et indivisible" à ogni frasa. In sti tempi antichi, a diritta facia à u minimu 60% di i voti.

Ma i tempi anu scambiatu. Avà ch'ella hè cascata sott'à i 30% è chì i naziunalisti sò à 35%, eccu u tempu di a rimessa in quistione. Stéphanie Grimaldi l'avia detta annu à RCFM : "il faut corsiser l'UMP (...) Il faut revenir à des thèmes régionalistes" (sic).

Cunsequenza, avà i meetings di l'UMP finiscenu cù u Diu vi salvi Regina. Cusì s'hè passata sabbatu in Corti. Sta video hè stata filmata da Marcel Francisci chì l'hà messa nant'à u so prufilu Facebook, cù stu cummentu : Fin de réunion magnifique cet après midi à Corte reprise par la salle du Dio Vi Salvi Regina à la fin de notre meeting de soutien à Nicolas Sarkozy, je n'ai pas résisté et j'ai filmé les dernières secondes de la scène.

Ùn ci dice micca quale d'ellu, di Sauveur Gandolfi-Scheit, Stéphanie Grimaldi, Camille de Rocca Serra, Antoine Sindali è d'Ange Santini hà cantatu u più falsu.

Ma u più bellu hè l'imbuleghju Diu vi salvi - "Nicolas !!! Nicolas !!!" è a canzona di The Rasmus chì passa in l'emissione di Laurent Ruquier. U mix hè degnu di DJ Corti. Cun Sarko, tuttu diventa veramente pussibule !

Ma una volta chì i naziunalisti averanu rimessu a "mascina à perde" in marchja è ch'elli seranu vultati sott'à 10%, si canterà sempre l'innu corsu à l'UMP ?

u 15 di Marzu 2012
U Sgaiuffu



1.mandatu da U Palatinu u 15/03/2012 08:02
Spergu chì mi scusarete, ma ùn aghju mancu più a forza d'esse stumacatu.

2.mandatu da Michè u 15/03/2012 08:29
Sò à paghjolu in veru...

A diritta a più stupida d'Auropa, dicia quellu...

E stupidoni quelli chi a votanu...

3.mandatu da U.M.Paghjolu u 15/03/2012 09:42
2012 : l'UMP scopre ch'ellu ci he un populu corsu

peccatu chi durante tuttu u tempu ch'elli eranu à u pudere un anu fattu NUNDA

ridicules !!!

4.mandatu da Castagniccia u 15/03/2012 09:42
Ci pecadu un n aghiu pussudu sente u dio vi salvi regina . Stéphanie si piglia per a vergine Maria. PIT

5.mandatu da Gamba storta u 15/03/2012 09:45
A quandu a canzona "NATALI e venutu 🎶🎵🎶" ?

6.mandatu da Machitechja u 15/03/2012 09:48
Allora avà capiscu megliu! Serà stata per amparallilu (u Diu) chì per i nostri paesi i naziunalisti facenu l'agiunti è i cunsigli di i merri UMP, Veramante si n'ampara leghjendu A Piazzetta...

7.mandatu da Casata u 15/03/2012 09:49
O Francisci, cantaci "I Corsi impinzutiti" di Canta u Populu Corsu

8.mandatu da Zeruffu u 15/03/2012 09:49
Eccu a prova chi à mumenti emu da vince.
Ancu i peghji falsacci ci seguenu.
Aspettu à Emile Soucarellit !
L'antru ghjornu, aghju vistu un'intervista di u generale Salan in Ispagna, parechji anni dopu à l'indipendenza di l'Algeria. Cum'è s'assumigliava à a Zuccarelli !

9.mandatu da Mouss u 15/03/2012 10:22
Farfallaccie

10.mandatu da tutti inde Ruquier u 15/03/2012 11:17
Durante anni è anni eranu contr'à a lingua, contr'à l'università, contr'à un statutu particulare, per una "Corse française"...

avà si discetanu !

I Gandolfi, Grimaldi, Natali, Francisci è cumpagnia, andate à favvi leghje mansa di farfalle !

11.mandatu da Bella farfalla u 15/03/2012 11:20 (da un teleffuninu)
"fin de réunion magnifique"...

O francisci vai à fatti un poker !

12.mandatu da GWM u 15/03/2012 11:39
perchè casca nant'à noi, un impiastru cusi?...

13.mandatu da Machitechja u 15/03/2012 12:33
Pudite dinù fighjà qualcosa d'interressente nant'à You Tube scrivendu :

Malfetta, "Diu ti salvi Regina"

14.mandatu da MARCUCCIU u 15/03/2012 12:36
o stephanie ,o marcel, o camille, o ange, cantètè ci a catarinetta di guelfucci,catétéci ancu a canzona di a scimia di tavagna(traduta di "le gorille"di u corciu Brassens).....risatèèèèèèè

15.mandatu da Machitechja u 15/03/2012 12:37
Scusate ci hè un sbagliu hè :

Molfetta, "Dio ti salvi, Regina"

16.mandatu da Ulongu u 15/03/2012 12:47
Ancu à a dritta UMP si n'arricordanu ch'elli sò corsi.

Allora ci hè locu di sperà in un sveghju di tutti ?
Un sveghju tardivu ma salutariu.

O allora ùn hè chè una manovra eletturalista per richjappà tutti issi voti persi (ùn ci scurdemu chì ùn hè di tantu ancu u FN scrivia i so slogan in corsu)
È tandu ùn hè più ora di sperà chì u tempu chì ferma per reasgisce in veru hè bellu cortu avà.

A risposta l'avermu prestu prestu....


17.mandatu da Mare nostrum u 15/03/2012 13:19
Hè bella a Corsica !
VERGOGNA !!!

18.mandatu da Si Corti avia un portu... u 15/03/2012 13:38
Tutti st'eletti di l'UMP so une poche di fritelle... Anu sceltu u locu. In Corti una di e specialità ghjè a fritella... Curtinese...

19.mandatu da Claude E. u 15/03/2012 13:46
2012 e a fine di u mondu ghje sicuru :

l'ump canta u Diu
Alain O. e turnatu di u nicaragua doppu a ave arruinatu a corsica e mughja liberta
i mudere e leo battesti sustenenu alain O.
i francesi, e i pro-francesi d'eri diventanu pro-corse
un ci hè mancu statu un bottu dapoi u principiu di l'annata
u sporting e diventatu un club chi tuttu u mondu sustene e u 5 maghju un ci sera un partita di ballo
i barbuti a corcica libera
...

prussimamente i segni di a fine di u mondu :

emile zuccarelli si fera salta 'cu una bomba a a prefetura
una maniifestazione chi parte in barufa per i diritti i a droga
una ghjesgia satanista sara aperta in u niolu
e Claude E. un e micca mortu ghjera una cuspirazione cabbalistica

20.mandatu da ANTO u 15/03/2012 14:03
A mè un ni mi stona mancu appèna ,tutti sannu chi a Corsica vota pè a dritta à l'élezioni naziunale e cummunistu o a manca pè l'lélezione lucale .Ghjè cio chi si chjama in francèse "ne pas mettre ses oeufs dans le même panier ".

21.mandatu da OTZIU u 15/03/2012 14:32
Un hè micca mélanchon è i amichi "rossi" chi cantaranu st'innu pulitico-relighjosu...ghjè bè sè i corsi di a diritta si sentenu appena arradicati....sempre meiu che sta manca francese chi incurasgisce u "mischiu" pè faci smarisce......

22.mandatu da zumer u 15/03/2012 14:36
U longu hà riassuntu bè u prublemu

sarà pè cunvinzzione pulitica ? si a diritta ripiglia i temi "cursisti" tantu megliu, a manca ùn hà che da fà listessu

s'ellu hè pè eletturalisimu, face ride

avà, quand'ellu si vede e facce (Francisci, Rocca Serra, Natali e cumpagnia...) face ride. tutti quessi eranu a a CFR nant'a una ligna anti-corsa e pro-francese

bugiardi ?

23.mandatu da Talavesu u 16/03/2012 06:25
A quandu "Rivoluzione" "Quandu a terra mova" "A gallupa" per l'ump? Un'anu vergogna 'ssi manghji merda?
A spazzola aspetta pa pulisce tutta 'ssa mulizia....

24.mandatu da Cortincu u 16/03/2012 08:14
Ripiglieraghju un pruverbiu à à mò manera "o lé rise ó lé risatte, ch'eri sera anu cantatu"

25.mandatu da Zeruffu u 16/03/2012 14:57
Francisci NUDU !

Stefania, un STRIPTEASE !

26.mandatu da Fan di a diritta u 16/03/2012 15:21 (da un teleffuninu)
A quandu u CD "L'UMP chante la Keurse" ?!?

27.mandatu da MARCUCCIU u 16/03/2012 17:46
si sarkozy perdè l'élézioni présidensialé vidéria bé a anna maria natali é a stephanie cantà a "falata di figaghiola"

28.mandatu da Carlupierix u 16/03/2012 19:58
natali chì canta " o Zuccarelli" è chì u ferà vutà cum'è u so vicinu Galletti chì mette à terza. Eccu i giacubisti novi di a diritta. Induve hè l'uppusizione?

29.mandatu da Muzzarettu u 16/03/2012 22:34
À quandu " la marseillaise " cantata da talamoni a a fine di e meeting di corsica libera . Un sani veramentu piu chi fa pa i voti

30.mandatu da Capicursinu rancicu u 16/03/2012 23:28
In tutti casi, sta video m'ha bè fattu ride ! In primu u Diu, dopu mughjanu "Nicolas" è in terzu una canzona strangia... Quèssu u mix "c dla balle"

31.mandatu da Zeruffu u 17/03/2012 17:48
Ripetu
Stefania à pele !

32.mandatu da Kim jong di papa u 17/03/2012 19:09
Bon... Solu melanchon un l'ha cantatu...

33.mandatu da DiuCiSalvi u 18/03/2012 12:01
u prublemu maio ùn hè micca ch'elli cantinu u Diu vi Salvi, a Vergine Maria hè "Madre universale" dunque nisunu omu nant'à 'ssa terra corsa ùn ha di piu dirittu chè un'altru di cantà lu (dopu, a sincerità hè un'altru affare ma pè què s'arrangeranu cù Maria à l'ora di l'ultimu ghjudiziu..). Dunque u prublemu maiò mi pare piutostu chì 'sse ghjente pensanu chè no simu abbastanza conni pè fà e nostre scelte pulitiche in funzione di ciò ch'ellu si cantà à a fine di i sò meetingacci. Ma sapete u peghju?... dui o tre baulli o forse ancu di più anu da vutà pè s'unica raghjò! ci scummettite ?!..

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta