Accueil
Envoyer à un ami
Version imprimable
Partager

Chì SMS d'auguri mandà ?

Pè l'auguri di capu d'annu hè un tsunamì di sms ch'ellu s'aspetta dop'à mezanotte.



Chì SMS d'auguri mandà ?
Quist'annu torna, sò per milioni chì i SMS seranu mandati à mezanotte. À chì li piace, à chì l'annerba, à chì si n'impippa, à chì serà digià chjinatu à ondeci ore.

Ma per quelli chì mandatu i so auguri per messagiu, si pone a dumanda. Chì scrive quist'annu ?

U classicu

Cortu, efficace, classicu, cunnisciutu da tutti. Ma manca chjaramente d'originalità, è hè troppu depersunalizatu. Si pò fà megliu.
Chì SMS d'auguri mandà ?

U goffu cun pienu d'emoticons

Hè francamente insuppurtèvule, moltu più chè vo sapete ch'ellu hè un sms cullettivu.

U minimalistu

What else ?

U sburgnò

Scrittu dop'à un bellu apperitivu chì hà duratu sin'à mezanotte.

Quellu chì s'hè sbagliatu d'annu

Hè bè, originale, ben scrittu... ma ùn ci hè chè una cosa ch'ùn và micca : l'annata. Tandu capite ch'ellu hè un "copié-collé" d'un messagiu appena anticu.

Quellu di u Sporting

I sustenidori di Bastia sò tutti in depressione. Allora lasciateli sunnià, i corci...
Chì SMS d'auguri mandà ?

L'inversitu

Piccula fantasia. Bon, ùn hè micca rivuluziunariu non più.

A magagna di l'anni 80

U grande classicu di quelli chì anu cunnisciutu L'Apocalypse, Jacques Bastianesi à Corsica Sera, u minitel è a R5.

U naziunalistu

Grossu successu quist'annu, avà chì tuttu u mondu hè naziunalistu.
Chì SMS d'auguri mandà ?

L'azezu

Quellu chì ùn manda nunda perchè i textò di capu d'annu u stumacanu.

U passiunatu di fucilate

À ellu, li piace capu d'annu solu pè e pistulittate. U tazzu si sente ancu in i so SMS.

L'auguri cumpletti

Hè digià appena più longu ch'è un semplice "pace è salute".

Quellu chì ne face troppu

Perchè ci n'hè sempre unu chì ne face troppu o chì si crede sempre in campagna.
Chì SMS d'auguri mandà ?

U nostalgicu di a Republica

Iè iè, ci n'hè !
Chì SMS d'auguri mandà ?

U sporcu

Bah perchè micca ?
Chì SMS d'auguri mandà ?

Quellu chì vole beie

Quessu, hè in qualchì locu in un caffè, hà a sete è hè sbaiuccatu.
Chì SMS d'auguri mandà ?

Quellu chì manda l'auguri in francese

Fate u piacè : à quessu ùn li rispundite micca.
Chì SMS d'auguri mandà ?

Quellu chì hè in buatta è chì ti vole fà biscà

Ci n'hè sempre unu chì hè in perdizione in qualchì lucacciu è chì ti vole fà arrabià. Ma ci vole quantunque à prevenelu chì a campagna hè compia.
Chì SMS d'auguri mandà ?

Quellu chì ùn sapete cumu ci vole à piglialla

Tuttu dipende di quale hè chì u manda.
Chì SMS d'auguri mandà ?

Quellu chì mette l'accenti da per tuttu

Perchè ci n'hè sempre unu chì mette accenti nant'à ogni parolla.
Chì SMS d'auguri mandà ?

U picculu muntagiu

Hè a tindenza quist'annu. Si pò mandà nant'à e rete suciale o per sms. À voi di truvà u ritrattu u più originale.


















Ma ch'elli vi piacquanu i SMS d'auguri o nò : pace è salute à tutti !

u 31 di Dicembre 2017



1.mandatu da Giovannoni u 31/12/2013 18:23
Bon dì, bon'annu e bon capudannu !


NB: dì =forma colta di "ghjornu"

2.mandatu da ghjuva u 31/12/2013 18:41
salute pace e liberta....

3.mandatu da babbo u 31/12/2013 20:24
F elicita
L aetitia
N ascite
C orsitudine

4.mandatu da Indria u 31/12/2013 22:02
Chi a to casa stia à toia.
Chi l'autunumia pè salvà a nostra vita.
Bon annu à i to ciucci chi sò minacciati, sò.

5.mandatu da Lonzu Ribellu u 31/12/2013 22:07
semplice è senza traccia

PACE E SALUTE

signatu: Lonzu Anonimu

6.mandatu da stumacatu u 01/01/2014 10:03
Pace e salute à tutti !!

7.mandatu da Calvoise u 01/01/2014 12:44
À A Piazzetta vogliu mandà : Vi ringraziu è vi auguru 100 anni di felicità !

8.mandatu da pietri u 01/01/2014 18:21
Pace è Salute
è donne puppulute !

9.mandatu da ozit u 02/01/2014 01:43
è omi cugliuti nò ?

10.mandatu da henry smart u 02/01/2014 13:03
unu chi m'he piaciutu u più l'annu scorsu o dui anni fa :

"cum'è tutti l'altri ! "

un antra versione di quellu azezu !

11.mandatu da henry smart u 02/01/2014 13:03
unu chi m'he piaciutu u più l'annu scorsu o dui anni fa :

"cum'è tutti l'altri ! "

un antra versione di quellu azezu !

12.mandatu da Lonzu Ribellu u 02/01/2014 18:39
u sms Veramente azezu : "Ca y est, la TVA passe à 20%"

13.mandatu da Ghjuvanluca u 03/01/2014 12:47
"A kent'annos"........(bon annu in Sardu)
"A Centu Anni"....salute e vita longa

14.mandatu da misjiu salvaticu u 03/01/2014 20:03
pacè é saluté é vizziu é culu a precipiziu ha!ha!ha!

15.mandatu da Ah Hè u 04/01/2014 21:40
BON DI, BON'ANNU E BON CAPU D'ANNU, TAMANTU CAZZU PA TUTTU L'ANNU !!

16.mandatu da Leca u 12/01/2014 09:03 (da un teleffuninu)
Cuellu di u mio San Carlu nativu:

PACE E SALUTE E LONGU FIATU !

17.mandatu da franz u 01/01/2015 22:47
à noi tutti è soprattuttu à quelli di ste belle pagine lette in a piazzetta: A salute, chì a pace a ci saperemu fà....BASGI A TUTTI

18.mandatu da a ciaccera u 02/01/2015 11:11
Salute, felicità è soldi per A Piazzetta è i so lettori !

19.mandatu da bughjura u 05/01/2015 00:15
per giovanonni "dì" un he micca a forma corta di ghjornu ma un sinonimu adopratu in corsu o talianu nu u linguaghju sapiente o pueticu . "dies" in latinu ch'ha datu "dias" in spagnolu o puru 'diurne" in francese

20.mandatu da è chì pò fà u 06/01/2015 14:17
CAPACCIA, SALUTE È .....VIZIU (senza viziu ùn ci hè piacè!)

21.mandatu da ibagnidiguagnu u 08/01/2015 08:43
Apache et sale hutte...

22.mandatu da Musantu u 01/01/2016 16:25
L’annu vechju tira l’usciu
Cù i so guai è turmenti
Lascia u mondu cunnossu
Di dulurosi mumenti
U mondu chjama succorsu
Per tutti i cuntinenti

Auguru gioia è speranza
Oghje à u mondu sanu
Cù amore è fratellanza
È l’aiutu di u supranu
Pregu per a circunstanza
Pace è salute à l’umanu

Si spera chì l’alba nova
Sia più felice è chjara
Cù fraternità ritrova
Nant’u à tutta a tarra
È porti calore è gioia
Dolce è mai amara

Pè a Corsica regina
L’annu novu apre l’ale
Cantendu a Palatina
Da u mare à u pughjale
Luce a stella matutina
Nant’à a patria di Pasquale

Musantu




23.mandatu da antonu u 01/01/2016 18:46
Bravu o Musantu

24.mandatu da E Zinzale u 02/01/2016 09:34
Iaorana ite matahiti api.

25.mandatu da estrimei u 02/01/2016 12:18
Pace e Salute à tutti .
pregu di più spiritu puliticu e di più di lingua nostra à a nostra ghjuventù .(a nostra lingua hè a nostra lea , hè per ciò chi a duvemu a(d)uprà e rispettà )
à a CORSICA pregu figlioli assenati chi li deranu sempre a primura e chi praticheranu a fratellenza -ancu di più 'ncù i più disgraziati-

26.mandatu da amed zu mare u 02/01/2016 23:43
كل عام وأنتم بخير

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta